↩️轉總目錄
代名詞
【俺】(án) 1.我的。通常用在自己的尊親屬，可表述也可面稱。例：俺爸 án-pē(爸爸)、俺母 án-bú(媽媽)、俺公 án-kong(爺爺)、俺媽 án-má(奶奶)。2.我們。同「咱」(lán)。例：俺逐家攏著愛疼俺這塊土地。Án ta̍k-ke lóng tio̍h-ài thiànn án tsit tè thóo-tē. (我們大家都要愛我們的土地。)
【某人】(bóo-lâng) 1.指特定的人（明知道名字卻不說出）。例：彼是某人講予我聽的。He sī bóo-lâng kóng hōo guá thiann–ê. (那是那個人講給我聽的。) 2.自稱。例：我張某人。Guá Tiunn bóo-lâng.
【物種】(bu̍t-tsióng)
【我】(guá) 第一人稱單數。例：你欲揣的人就是我。Lí beh tshuē ê lâng tō sī guá. (你要找的人就是我。)
【外界】(guā-kài)
【阮】(guán) 1.我們。第一人稱複數代名詞。「咱」(lán)包括聽話者，「阮」(guán)不包括聽話者。例：阮欲走矣，你咧？Guán beh tsáu–ah, lí–leh? (我們要走了，你呢？) 2.我。第一人稱單數代名詞。多為女性自稱，帶有撒嬌意味，也常說成「人阮（lâng guán）」。例：阮毋知啦！Guán m̄-tsai–lah! (我不知道啦！)；人阮無愛啦！Lâng guán bô-ài–lah! (人家不要啦！) 3.我的。第一人稱單數所有格。例：阮老母 guán lāu-bú(我的母親)、阮兜 guán-tau(我的家)、阮頭家 guán thâu-ke(我的老闆)。
【學名】(ha̍k-miâ)
【彼】(he) 那個。指稱較遠距離的東西。例：彼是我的。He sī guá ê. (那個是我的。)
【遐的】(hia–ê) 1.那些。複數指示代名詞。例：遐的我攏欲提轉去。Hia–ê guá lóng beh the̍h-tńg–khì. (那些我都要拿回去。) 2.那些……。複數指示形容詞，在此用法中拼音寫作hia-ê。例：遐的果子予你食。Hia-ê kué-tsí hōo lí tsia̍h. (那些水果給你吃。) 3.那裡的。指示形容詞，在此用法中拼音寫作hia ê。例：遐的桃仔生甲足媠的。Hia ê thô-á senn kah tsiok suí–ê. (那裡的桃子長得很好。)
【遐】(hia/hiâ) 那、那裡。例：你的物件佇遐。Lí ê mi̍h-kiānn tī hia. (你的東西在那裡。)
【後者】(hiō-tsiá)
【彼】(hit) 那。指稱較遠的人、事、物、時間或地方，後接量詞或名詞。例：彼間厝 hit king tshù(那間房子)、彼時 hit-sî(那時候)。
【彼个】(hit ê) 那個。
【彼款】(hit khuán) 那樣。例：像伊彼款食碗內說碗外的人，咱毋通佮伊交陪。Tshiūnn i hit khuán tsia̍h uánn-lāi sueh uánn-guā ê lâng, lán m̄-thang kah i kau-puê. (像他那種吃裡扒外的人，我們不要和他往來。)
【彼號】(hit-lō) 1.那種。例：彼號物件毋通傷捷食。Hit-lō mi̍h-kiānn m̄-thang siunn-tsia̍p tsia̍h. (那種東西不要太常吃。) 2.發語詞，通常在口語中說話者尚未想好接著要說什麼的時候使用。例：彼號、彼號，我無閒啦，你莫來。Hit-lō, hit-lō, guá bô îng–lah, lí mài lâi. (那個、那個，我沒有空啦，你不要來。)
【紅塵】(hông-tîn)
【伊】(i) 他、她、牠、它。第三人稱的單數代名詞。例：伊是啥人？I sī siánn-lâng? (他是誰？)；講予伊知。Kóng hōo i tsai. (告訴他讓他知道。)
【異物】(ī-bu̍t)
【𪜶】(in) 1.他們。第三人稱複數。例：𪜶兩个感情真好。In nn̄g ê kám-tsîng tsin hó. (他們兩個感情很好。) 2.第三人稱的所有格。例：𪜶某真媠。In bóo tsin suí. (他的老婆很漂亮。)
【如何】(jû-hô/lû-hô)
【家己】(ka-kī) 自己、本身。例：是毋是，罵家己。Sī m̄-sī, mē ka-kī. (不管對不對，先自我責備一番。即嚴以律己。)
【該當】(kai-tong) 應當。理所當然。例：這該當是愛予你的，請毋通推辭。Tse kai-tong sī ài hōo–lí–ê, tshiánn m̄-thang the-sî. (這本來就應當要給你的，請不要推辭。)
【簡稱】(kán-tshing)
【其】(kî) 1.他、他們，第三人稱代名詞。例：任其自然 jīm kî tsū jiân。2.他的、他們的，第三人稱代名詞所有格。例：人盡其才 jîn tsīn kî tsâi。3.代指某件事情。例：量其大約 liōng kî tāi iok(約略)。
【其他】(kî-thann) 此外、別的。例：你來寫批囊，其他的代誌我來處理。Lí lâi siá phue-lông, kî-tha ê tāi-tsì guá lâi tshú-lí. (你來寫信封，其他的事情我來處理。)
【各人】(kok-lâng) 每個人、各自。例：各人的物件愛顧予伊好。Kok-lâng ê mi̍h-kiānn ài kòo hōo i hó. (各自的東西要看好。)
【規陣】(kui-tīn) 整群。例：恁規陣人徛佇遐，是欲創啥？Lín kui-tīn lâng khiā tī hia, sī beh tshòng siánn? (你們一群人站在那裡，是想要做什麼？)
【咱】(lán) 1.我們。第一人稱複數代名詞。「咱」包括聽話者，「阮」不包括聽話者。例：咱攏來讀冊。Lán lóng lâi tha̍k-tsheh. (我們都來讀書。) 2.我們的。第一人稱複數所有格。例：咱公司最近生理真好。Lán kong-si tsuè-kīn sing-lí tsin hó. (我們公司最近生意很好。) 3.您、您們。第二人稱單複數敬語。例：請問咱貴姓？Tshiánn-mn̄g lán kuì-sènn? (請問您貴姓？)；請問咱攏總有偌濟人？Tshiánn-mn̄g lán lóng-tsóng ū guā-tsē lâng? (請問您們總共有多少人？)
【你】(lí) 1.第二人稱單數代名詞。例：你蹛佇佗位？Lí tuà tī tó-uī? (你住在哪裡？) 2.用在句尾，說成變調，表示有話沒說完。例：我都無錢矣你……Guá too bô tsînn ah lí…(我就沒錢了你還……)；伊都轉去矣你……I to tńg-khì ah lí… (他就回去了你還……)
【恁】(lín) 1.你們。複數第二人稱代名詞。例：恁欲去佗位？Lín beh khì tó-uī? (你們要去哪裡？) 2.你的。單數第二人稱所有格。例：恁老爸等咧就欲來𤆬你轉去。Lín lāu-pē tán–leh tō beh lâi tshuā lí tńg–khì. (你父親等一下就要來帶你回去。) 3.你們的。第二人稱複數所有格。例：恁老師對學生真有耐心。Lín lāu-su tuì ha̍k-sing tsin ū nāi-sìng. (你們的老師對學生很有耐性。)
【每】(muí) 各個、逐一。例：每一个學生學期尾攏愛交一篇報告。Muí tsi̍t ê ha̍k-sing ha̍k-kî-bué lóng ài kau tsi̍t phinn pò-kò. (每個學生期末都要交一篇報告。)
【黃絲帶】(n̂g-si-tuà)
【我】(ngóo) 釋義參見【我】guá 條。例：自我介紹 tsū-ngóo kài-siāu。
【別个】(pa̍t-ê) 不同的人事物。例：頭家，這个傷舊，我欲換別个。Thâu-ke, tsit ê siunn kū, guá beh uānn pa̍t-ê. (老板，這個太舊了，我要換另外一個。)
【別項】(pa̍t-hāng) 別的項目。例：我無愛食排骨飯，有別項通食無？Guá bô ài tsia̍h pâi-kut-pn̄g, ū pa̍t-hāng thang tsia̍h–bô? (我不愛吃排骨飯，有別的東西可吃嗎？)
【別款】(pa̍t-khuán) 別的樣式。例：頭家，這敢猶閣有別款的？Thâu-ke, tse kám iáu-koh ū pa̍t-khuán–ê? (老闆，這還有別的樣式嗎？)
【別搭】(pa̍t-tah) 別處。例：我聽講別搭的價數比遮較俗。Guá thiann-kóng pa̍t-tah ê kè-siàu pí tsia khah sio̍k. (我聽說別的地方價錢比這裡便宜。)
【標題】(piau-tê/piau-tuê)
【啥】(siánn) 什麼。置於詞尾時通常唸作siannh。例：這是啥物件？Tse sī siánn mi̍h-kiānn? (這是什麼東西？)；你講啥？Lí kóng siánn? (你說什麼？)
【啥貨】(siánn-huè/siánn-hè) 什麼、什麼東西。例：你佇遐咧創啥貨？Lí tī hia teh tshòng siánn-huè? (你在那裡做什麼？)；你買彼是啥貨？Lí bé he sī siánn-huè? (你買那個是什麼東西？)
【啥款】(siánn-khuán) 怎麼樣、什麼樣子。例：毋知伊的新頂司個性啥款？M̄-tsai i ê sin tíng-si kò-sìng siánn-khuán？(不知道他的新主管個性怎麼樣？)
【啥人】(siánn-lâng) 誰、什麼人。例：是啥人共你講我欲嫁伊？Sī siánn-lâng kā lí kóng guá beh kè–i? (是誰跟你說我要嫁給他？)
【啥物】(siánn-mih) 什麼。例：啥物人佇遐咧唱歌？Siánn-mih lâng tī hia teh tshiùnn kua? (什麼人在那裡唱歌？)
【啥潲】(siánn-siâu) 什麼。是一種粗俗不雅的說法。例：你是咧看啥潲？Lí sī teh khuànn siánn-siâu? (你在看什麼？)
【首頁】(siú-ia̍h)
【代號】(tāi-hō)
【逐】(ta̍k) 每一、每個。例：逐个人 ta̍k ê lâng(每個人)、逐家 ta̍k-ke(大家)。
【逐个】(ta̍k ê) 每個、各個。例：我逐个攏看過矣，攏毋是你的。Guá ta̍k ê lóng khuànn–kuè–ah, lóng m̄ sī lí ê. (我每一個都看過了，都不是你的。)
【底】(tī) 何。用在何時、何事。例：你欲等到底時？Lí beh tán kàu tī-sî? (你要等到何時？)；佮你有啥底代？Kah lí ū siánn tī-tāi? (關你什麼事？)
【底代】(tī-tāi) 何事、什麼事。例：這佮你有啥物底代？Tse kah lí ū siánn-mih tī-tāi? (這干你何事？)
【佗】(tó) 何、哪，表示疑問。例：你欲提佗一个？Lí beh the̍h tó tsi̍t ê? (你要拿哪一個？)
【佗一个】(tó tsi̍t ê) 哪一個。例：你欲愛佗一个？Lí beh ài tó tsi̍t ê? (你要哪一個？)
【佗位】(tó-uī) 哪裡。例：恁兜是蹛佇佗位？Lín tau sī tuà tī tó-uī? (你們家住在哪裡？)
【佗】(toh) 何處、哪裡。用於句尾。例：你欲去佗？Lí beh khì toh? (你要去哪？)
【當局】(tong-kio̍k)
【檔名】(tóng-miâ)
【這】(tse) 指代稱較近距離的單數物品。例：這是啥物物件？Tse sī siánn-mih mi̍h-kiānn? (這是什麼東西？)
【此】(tshú) 這，可用以指稱時間以及地方或抽象的情緒。例：此時此地 tshú sî tshú tē、此情此景 tshú tsîng tshú kíng。
【春暉】(tshun-hui)
【遮】(tsia) 這、這裡。例：遮是佗位？Tsia sī tó-uī? (這是哪裡？)；遮暗時真鬧熱。Tsia àm-sî tsin lāu-jia̍t. (這裡晚上很熱鬧。)
【遮的】(tsia–ê) 1.這些。複數指示代名詞。例：遮的我攏欲提去。Tsia–ê guá lóng beh the̍h–khì. (這些我都要拿走。) 2.這些……。複數指示形容詞，在此用法中拼音寫作tsia-ê。例：遮的果子予你食。Tsia-ê kué-tsí hōo lí tsia̍h. (這些水果給你吃。) 3.這裡的。指示形容詞，在此用法中拼音寫作tsia ê。例：遮的桃仔生甲足媠的。Tsia ê thô-á senn kah tsiok suí–ê. (這裡的桃子長得很好。)
【者】(tsiá) 指特定的對象。例：學者 ha̍k-tsiá、記者 kì-tsiá、使用者 sú-iōng-tsiá。
【這】(tsit) 指代稱較近的單數人、事、物、時間或地方，後接量詞或名詞。例：這領衫 tsit niá sann(這一件衣服)、這搭 tsit-tah(這裡)。
【這種】(tsit-tsióng)
【自稱】(tsū-tshing)
【怎樣】(tsuánn-iūnn) 如何。指詢問狀況、方式或性質。例：這領衫欲賣千二，你看怎樣？Tsit niá sann beh bē tshing-jī, lí khuànn tsuánn-iūnn ? (這件衣服要賣兩千，你看如何？)
【誰】(tsuî) 什麼人。表疑問。例：來者是誰？Lâi–tsiá sī tsuî?
【對方】(tuì-hong)
助詞·嘆詞
【矣】(–ah) 1.語尾助詞，表示動作完成。例：我食飽矣。Guá tsia̍h-pá–ah. (我吃飽了。) 2.句尾助詞，表示改變。例：水冷矣 tsuí líng–ah。3.語氣助詞，表示不耐煩。例：好矣！好矣！莫閣會矣！Hó–ah!hó–ah!Mài koh huē–ah! (好了！好了！不要再爭論了！)
【哎】(–aih) 感嘆發語詞。例：哎！真拍損。Aih! Tsin phah-sńg. (哎！真可惜。)
【的】(–ê) 1.置於詞尾或句尾，表示狀態或加強語氣的助詞。例：這是好的，彼是歹的。Tse sī hó–ê, he sī pháinn–ê. (這是好的，那是壞的。)；我足受氣的。Guá tsiok siū-khì–ê. (我真生氣。) 2.置於詞尾，用以稱呼某種身份地位的人，或特定的對象。例：賣菜的 bē-tshài–ê(賣菜的人)、王的 Ông–ê(老王)、董的 táng–ê(董事長)。3.形容詞後綴。例：花是紅的。Hue sī âng–ê. (花是紅色的。)；草是青的。Tsháu sī tshenn–ê. (草是青色的。) 4.連接修飾語與省略的被修飾語，用以表示屬性。例：你想會著的攏記落來。Lí siūnn ē tio̍h–ê lóng kì–lo̍h-lâi. (你想得到的都記下來。)
【欸】(–eh) 表出乎意料之外的語氣詞。例：欸，哪會按呢？Eh, ná ē án-ne? (咦，怎麼會這樣？)
【唅】(–hannh) 表示驚訝的反問。例：唅？你講啥？Hannh? Lí kóng siánn? (啊？你說什麼？)
【嘿】(–heh) 1.表示肯定應答的語氣。例：嘿，你講按呢著。Heh, lí kóng án-ne–tio̍h. (是，你說得對。)；嘿啊，我知啊。Heh–ah, guá tsai–ah. (對呀，我知道啊。) 2.表示驚訝的語氣。例：嘿！你烏矸仔貯豆油喔！Heh! Lí oo-kan-á té tāu-iû–ooh! (嘿！你黑瓶子裝醬油喔！意為讓人看不出來、意想不到。)
【諾】(–hioh) 感嘆詞。表示領悟的語氣詞。例：諾，原來是按呢喔！Hioh, guân-lâi sī án-ne–ooh! (哦，原來是這樣喔！)
【哼】(–hngh) 1.表示不屑、憤怒或鄙視的語氣詞。例：哼！我才無愛佮你去咧！Hngh! Guá tsiah bô-ài kah lí khì–leh! (哼！我才不要跟你去呢！) 2.咦。表疑問的語氣詞。例：哼？哪會按呢？Hngh? Ná ē án-ne? (咦？怎麼會這樣？)
【乎】(–honnh) 1.反問語助詞，表示與問話者確認的語氣。例：你今仔日欲出去𨑨迌乎？Lí kin-á-ji̍t beh tshut-khì tshit-thô–honnh? (你今天要出去玩對吧？) 2.反問語助詞，帶有調侃的意味。例：花是你送的乎？免歹勢啦！Hue sī lí sàng–ê–honnh? Bián pháinn-sè–lah! (花是你送的對吧？別不好意思啦！)
【唷】(–ioh) 感嘆詞，常與「哎」(–aih)連用。例：哎唷！你莫按呢啦！Aih-ioh! Lí mài án-ne–lah! (哎唷！你不要這樣啦！)
【啦】(–lah) 1.語尾助詞，用以表示完成，常與「矣」(–ah)連用，以加強語氣。例：伊已經來矣啦。I í-king lâi–ah–lah. (他已經來了啦。)；好矣啦 hó–ah–lah(好了啦)。2.語尾助詞，帶有不悅、敷衍、不樂意的意味。例：好啦！莫吵啦！Hó–lah! Mài tshá–lah! (好啦！別吵啦！)；才閣講啦 tsiah-koh-kóng–lah(再說吧)、無愛啦 bô-ài–lah(不要啦)。3.用於否定句，表示拒絕或不同意。例：我無欲去啦！Guá bô beh khì–lah! (我不去啦！)；毋著啦！M̄-tio̍h–lah! (不對啦！) 4.和「莫」合用，表示阻止。例：莫閣啉矣啦！Mài koh lim–ah–lah! (別再喝了啦！)；莫走來走去啦！Mài tsáu lâi tsáu khì–lah! (別跑來跑去！)
【咧】(–leh) 1.置於句末，用以加強語氣。例：一丈差九尺，差遠咧。Tsi̍t tn̄g tsha káu tshioh, tsha hn̄g–leh. (一丈還差九尺，差得遠呢！) 2.接在動詞後，表示動作持續。例：坐咧看 tsē–leh-khuànn(坐著看)、徛咧講 khiā–leh-kóng(站著說)。3.接在動詞後，置於句尾，說成輕聲，表示時間短。例：小參詳咧 sió tsham-siông–leh(打個商量)、緊洗洗咧 kín sé-sé–leh(快洗一洗)。4.與「較」搭配，置於句尾，說成輕聲，表示祈使。例：較慢咧 khah-bān–leh(慢一些)、較細膩咧 khah sè-jī-leh(小心些)。5.置於句尾，表示疑問。例：恁小弟咧？Lín sió-tī–leh? (你弟弟呢？)；我欲食炒飯，你咧？Guá beh tsia̍h tshá-pn̄g, lí–leh? (我要吃炒飯，你呢？)
【哩】(–lih) 置於句末，表示肯定的語氣。例：這个囡仔都誠乖哩！Tsit ê gín-á to tsiânn kuai–lih! (這個小孩乖巧得很呢！)
【囉】(–looh) 表示已經完成的語氣。例：當然囉 tong-jiân–looh、時代變囉 sî-tāi piàn–looh。
【嘛】(–mah) 語尾助詞，可用來表示肯定、撒嬌、催促、要求等語氣。例：你是按呢講的嘛！Lí sī án-ne kóng–ê–mah! (你是這麼說的嘛！)；好嘛！你莫受氣嘛！Hó–mah! Lí mài siū-khì–mah! (好嘛！你不要生氣嘛！)
【呢】(–neh) 表示讚許、得意或強加強語氣的語助詞。例：你足巧的呢！Lí tsiok khiáu–ê–neh! (你很聰明耶！)
【呢】(–nih) 是不是、是嗎。問話者已有幾分確定，表示再度確認的疑問語氣詞。例：你睏飽矣呢？Lí khùn-pá–ah–nih? (你睡飽了是嗎？)
【喔】(–ooh) 1.置於句末，用以加強或完結語氣。例：來喔！緊來看喔！Lâi–ooh! Kín lâi khuànn–ooh! (來喔！快來看喔！)；這間餐廳真有名喔。Tsit king tshan-thiann tsin ū-miâ–ooh. (這家餐廳很有名喔。) 2.表示勉強應答或不樂意的語氣。例：喔！莫叫我去啦！Ooh! Mài kiò guá khì–lah! (喔！不要叫我去啦！) 3.表示驚訝或領會的語氣。例：喔！原來是按呢。Ooh! Guân-lâi sī án-ne. (哦！原來是這樣。)
【嘖】(–tsheh) 表示責怪、斥喝、不屑的語氣詞。例：嘖！你莫綴來啦！Tsheh! Lí mài tuè–lâi–lah! (喂！你不要跟來啦！)
【仔】(á) 1.名詞後綴。放在名詞後面，表示小的意思。例：囡仔 gín-á(小孩子)。2.名詞後綴。放在某些動詞之後，形成名詞，多屬工具。例：抿仔 bín-á(刷子)。3.名詞後綴。接在名字或稱謂後面，表示親切。例：大伯仔 tuā-peh-á(婦人稱夫兄)。4.名詞後綴。放在名詞之後，表輕視。例：土匪仔 thóo-huí-á、警察仔 kíng-tshat-á。5.名詞後綴。放在親屬稱謂之後，表輩分小。例：姨仔 î-á、舅仔 kū-á、小叔仔 sió-tsik-á。6.名詞後綴，表處所。例：邊仔 pinn–á、尾仔 bué–á。7.名詞中綴。放在某些固定名詞中間。例：今仔日 kin-á-ji̍t(今天)。8.名詞中綴。接在姓氏後，表示輕視的意思。例：邱仔罔舍 Khu-á-bóng-sià(邱大老爺)。9.名詞中綴。用於並列名詞之間，表示兩者的關係。例：翁仔某 ang-á-bóo(夫妻)、爸仔囝 pē-á-kiánn(父子)。10.數詞中綴。放在數字中間，表示數目字「百」。例：三仔五 sann-á-gōo(三百五十)。11.形容詞詞綴，放在形容詞或數量詞之後，表程度低、數量少。例：小可仔 sió-khuá-á、一點仔 tsi̍t-tiám-á。12.形容詞詞綴，表輕微。例：舊舊仔 kū-kū–á、少少仔 tsió-tsió–á。13.副詞詞綴。例：久久仔 kú-kú-á、笑笑仔 tshiò-tshiò-á。14.輕聲詞尾，表親切。例：明仔 bîng–á、嫂仔 só–á。
【袂輸講】(bē-su-kóng/buē-su-kóng) 好比說、好像說。例：你按呢講，袂輸講是我做毋著。Lí án-ne kóng, bē-su-kóng sī guá tsò m̄-tio̍h. (你這樣講，好像說是我做錯了。)
【欲呢】(beh-nî/bueh-nî) 幹嘛、做什麼。帶有疑問的口氣。例：你叫我欲呢？Lí kiò guá beh-nî? (你叫我要做什麼？)
【的】(ê) 表示所有格。例：我的冊 guá ê tsheh(我的書)、伊的名 i ê miâ(他的名字)。
【會曉】(ē-hiáu) 知道、懂得。有能力去做某件事。例：這條歌你會曉唱袂？Tsit tiâu kua lí ē-hiáu tshiùnn–bē? (這首歌你會不會唱？)
【唉】(haih) 嘆息聲。表示傷感或惋惜的語氣。例：唉！真可惜。Haih! Tsin khó-sioh.
【謼】(hooh) 1.表達不耐煩之感的語氣詞。例：謼，好啦，你講的準算。Hooh, hó–lah, lí kóng ê tsún-sǹg. (喔，好啦，你說了就算數。) 2.表示驚訝或反應激動的感嘆詞。例：謼！遮恐怖！Hooh! Tsiah khióng-pòo! (天啊！這麼恐怖！)；謼！閣來矣！Hooh! Koh lâi–ah! (哎！又來了！)
【敢毋是】(kám m̄ sī) 難道不是嗎？可不是嗎？
【敢有】(kám ū) 豈有、哪有。例：世間敢有這款道理？Sè-kan kám ū tsit khuán tō-lí? (世間有這種道理嗎？)
【連連】(liân-liân)
【了不起】(liáu-put-khí)
【毋】(m̄) 1.表示否定。例：我毋去。Guá m̄ khì. (我不去。) 2.表示疑問的語末助詞，用在句尾表示反問的意思。例：你講按呢是毋？Lí kóng án-ne sī–m̄? (你是不是這樣說？) 3.表示臆測。例：伊毋真濟歲矣！I m̄ tsin tsē huè ah! (他很有年紀了吧！) 4.表示強調的語氣。例：你行較慢咧我毋才綴會著。Lí kiânn khah bān leh guá m̄ tsiah tuè ē tio̍h. (你走慢一些我才跟得上。) 5.不然、否則。例：你若欲愛緊提去，毋我欲送予別人。lí nā beh ài kín the̍h khì, m̄ guá beh sàng hōo pa̍t-lâng. (你若要就趕快拿去，不然我要送別人了。)
【爾爾】(niā-niā) 而已。例：我規身軀干焦十箍爾爾。Guá kui-sin-khu kan-na tsa̍p khoo niā-niā. (我全身上下只有十元而已。)
【被】(pī) 表被動性，用在動詞前構成被動詞組。例：被告 pī-kò、被害人 pī-hāi-jîn。
【不該】(put-kai)
【不盡】(put-tsīn)
【聖拄聖】(siànn-tú-siànn) 無巧不巧。巧極了、或不巧極了。例：聖拄聖，我才臆伊無欲來，伊就敲電話講欲請假矣。Siànn-tú-siànn, guá tsiah ioh i bô beh lâi, i tō khà-tiān-uē kóng beh tshíng-ká–ah. (巧極了，我才猜他不來，他就打電話來請假了。)
【咧】(teh) 1.在、正在。表示正在做某事，後接動詞、形容詞。例：伊咧讀冊。I teh tha̍k-tsheh. (他在唸書。)；伊咧歡喜。I teh huann-hí. (他在高興。) 2.副詞後綴。表示正在。例：伊拄咧食飯。I tú-teh tsia̍h-pn̄g. (他正在吃飯。)
【掉】(tiāu) 置於動詞之後，表示動作完成。例：挕掉 hìnn-tiāu(丟掉)、燒掉 sio-tiāu、洗掉 sé-tiāu。
【著】(tio̍h) 1.對。例：按呢著 án-ne tio̍h(這樣對)、著啦 tio̍h–lah(對啦)。毋著2.輪到。例：著你 tio̍h lí(輪到你)。3.得到。例：著病 tio̍h-pēnn(得病)、著獎 tio̍h-tsióng(中獎)。4.得、要、必須。例：你著知道理。Lí tio̍h tsai tō-lí. (你要懂道理。)；著來呢！Tio̍h lâi–neh! (要來喔！) 5.動詞補語，表示動作之結果。例：想著你 siūnn-tio̍h lí(想到你)、拍有著 phah ū tio̍h(打到了)。6.動詞補語，後接形容該動作的狀態描述。例：想著真怨嘆。Siūnn-tio̍h tsin uàn-thàn. (想起來就覺得怨恨悲嘆。) 7.正符合、擊中目標。例：掔著目標 khian tio̍h bo̍k-phiau(投中目標)。8.語助詞，表示意外。例：今仔日哪會遮寒著！Kin-á-ji̍t ná ē tsiah kuânn–tio̍h! (今天怎會這麼冷！)；人哪會遮濟著！Lâng ná ē tsiah tsē–tio̍h! (怎會這麼多人！)
數詞·量詞
【馬力】(bé-la̍t) 計算功率的單位。指單位時間內，測定發動機所做的功。
【無半項】(bô-puànn-hāng) 一樣東西都沒有。引申指人一無所知、一無是處、無能的樣子。例：少年的時放蕩愛𨑨迌，老來無半項。Siàu-liân ê sî hòng-tōng ài tshit-thô, lāu–lâi bô-puànn-hāng. (年輕的時候遊手好閒，老了一無是處。)
【五】(gōo) 1.數字。例：五領衫 gōo niá sann(五件衣服)。2.表示數量多或不確定數量。例：五花十色 gōo-hue-tsa̍p-sik(五光十色、各式各樣)、五四三 gōo-sì-sann(有的沒有的事情)。
【項】(hāng) 計算事物分類或件數的單位。例：一項代誌 tsi̍t hāng tāi-tsì(一件事情)。
【毫米】(hô-bí)
【毫克】(hô-khik)
【戶數】(hōo-sòo)
【副】(hù) 1.計算成套、成組、成雙的物品單位。例：一副牲醴 tsi̍t hù sing-lé(一份牲禮)、一副碗箸 tsi̍t hù uánn-tī(一副碗筷)。2.次要的、協助的。例：副總統 hù-tsóng-thóng。3.附帶的。例：副業 hù-gia̍p(主業之外附帶經營的其他職業)。
【分貝】(hun-puè)
【痕】(hûn) 1.線狀的印跡。例：船過水無痕。Tsûn kuè tsuí bô hûn. 2.計算痕跡的單位。例：割一痕 kuah tsi̍t hûn(割一道痕跡)。巡、逝
【份額】(hūn-gia̍h) 額度。占有額，每一份應有的固定數目。例：遮的錢是我該當出的份額。Tsia-ê tsînn sī guá kai-tong tshut ê hūn-gia̍h. (這些錢是我應該出的額數。) 額數
【頁】(ia̍h) 計算書籍文件面數的單位，一面叫一頁。
【億】(ik) 一萬萬。例：著頭彩有一億的獎金。Tio̍h thâu-tshái ū tsi̍t-ik ê tsióng-kim. (中了頭彩有一億的獎金。)
【音量】(im-liōng)
【英里】(ing-lí)
【英尺】(ing-tshioh)
【英吋】(ing-tshùn)
【么】(io) 最小的數字，「一」的另一種稱呼。例：么二三 io jī sann(一二三)。
【一連串】(it-liân-tshuàn)
【一片】(it-phiàn)
【二】(jī/lī) 數字。 例：第二 tē-jī。
【廿一】(jia̍p-it/lia̍p-it) 二十一。例：廿一世紀 jia̍p-it sè-kí(二十一世紀)。
【廿】(jia̍p/lia̍p) 數字，指二十，是二十的合音。例：廿幾歲當少年。Jia̍p kuí huè tng siàu-liân. (二十來歲正當年輕。)
【人口】(jîn-kháu/lîn-kháu)
【人數】(jîn-sòo/lîn-sòo)
【人次】(jîn-tshù/lîn-tshù)
【屆】(kài) 計算定期活動或具有某種身分或職務任期的序次單位。例：第一屆 tē-it kài、頂下屆 tíng-ē kài(上下屆)。
【家】(ke) 1.家庭。例：有家有後 ū-ke-ū-āu(有家庭的人)。2.計算家庭或商店的單位。例：一家四个人。Tsi̍t ke sì ê lâng. (一家四個人。)
【更】(kenn/kinn) 計算夜間時間的單位。古代將一夜分為五更，每更約二小時。例：三更半暝 sann-kenn-puànn-mê(三更半夜)。
【跤步】(kha-pōo) 1.腳步。行走時雙腳所移動的步伐。2.計算腳步的單位。3.行為、立場。例：跤步踏差啥人無？只要改過就好矣。Kha-pōo ta̍h-tsha siánn-lâng bô? Tsí-iàu kái-kò tō hó–ah. (誤入歧途誰沒有呢？只要改過就好了。)
【坎】(khám) 1.階梯。例：坎仔 khám-á(小階梯)。2.計算建築物及階梯的單位。例：一坎店 tsi̍t khám tiàm(一家店)。
【扣】(khau) 計算毛線或麵線的計量單位。例：一扣膨紗 tsi̍t khau phòng-se(一捲毛線)。
【奇】(khia) 單數。例：毋是雙，就是奇。M̄ sī siang, tō sī khia. (不是雙數，就是單數。)
【奇數】(khia-sòo) 單數。不能被二整除的數，如一、三、五等。相對於偶數而言。
【空】(khòng) 數字零。例：三百空五 sann-pah khòng gōo(三百零五)。
【坵】(khu) 塊、畦。計算田地的單位。例：一坵田 tsi̍t khu tshân(一塊田)。
【支】(ki) 計算口鼻、骨頭及某些事物的單位。例：一支喙 tsi̍t ki tshuì(一張嘴)、一支鼻 tsi̍t ki phīnn(一個鼻子)。
【件】(kiānn) 計算事物的單位。例：一件行李 tsi̍t kiānn hîng-lí、兩件代誌 nn̄g kiānn tāi-tsì(兩件事情)。
【斤】(kin/kun) 計算重量的單位。台制一斤等於零點六公斤，又等於十六兩。例：頭家，西瓜一斤是偌濟錢？Thâu-ke, si-kue tsi̍t kin sī guā-tsē tsînn? (老闆，西瓜一斤多少錢？)
【襇】(kíng) 1.衣服或裙子的摺紋。例：百襇裙 pah-kíng-kûn(百褶裙)、抾襇 khioh-kíng(衣裙打摺)。2.計算衣裙摺紋的單位。例：抾一襇 khioh tsi̍t kíng(打一摺)。
【卷】(kńg) 量詞。計算捲狀東西的單位。例：一卷衛生紙。Tsi̍t kńg uē-sing-tsuá.
【公分】(kong-hun) 用來計算長度的單位，等於百分之一公尺。例：你有幾公分懸？Lí ū kuí kong-hun kuân? (你幾公分高呢？)
【公克】(kong-khik)
【公頃】(kong-khíng)
【公斤】(kong-kin/kong-kun) 計算重量的公制單位。一公斤等於一千公克。
【公里】(kong-lí) 計算長度的公制單位。一公里等於一千公尺。
【公厘】(kong-lî)
【功率】(kong-lu̍t)
【公尺】(kong-tshioh)
【公噸】(kong-tùn)
【鈷】(kóo) 壺。計算茶壺數量的單位。例：一鈷茶 tsi̍t-kóo-tê(一壺茶)。
【卷】(kuàn) 計算文書的單位。例：第二卷 tē jī kuàn、頂下卷 tíng-ē kuàn(上下卷)。
【橛】(kue̍h) 用來計算橫截後物品的段數。例：一橛甘蔗 tsi̍t kue̍h kam-tsià(一截甘蔗)、一尾魚仔切做兩橛。 Tsi̍t bué hî-á tshiat tsò nn̄g kue̍h. (一條魚切成兩段。)
【規面】(kui bīn) 1.一整面、全面。例：規面壁攏烏烏。Kui bīn piah lóng oo-oo. (整面牆壁都黑黑的。) 2.整張臉。例：𤶃仔發甲規面。Thiāu-á huat kah kui bīn. (長了滿臉的青春痘。)
【規堆】(kui-tui) 成堆、一堆。物品很多的堆積在一起。例：疊規堆 thia̍p kui-tui(積累成堆)。
【幾】(kuí) 1.詢問數量的多少。例：有幾个人欲來？Ū kuí ê lâng beh lâi? (有幾個人要來？) 2.表示不定的數目。例：百幾箍 pah-kuí khoo(一百多元)。
【幾若】(kuí-nā) 幾、若干。例：阮老爸昨昏下晡掠著幾若隻鳥鼠。Guán lāu-pē tsa-hng ē-poo lia̍h-tio̍h kuí-nā tsiah niáu-tshí. (我父親昨天下午抓到好幾隻老鼠。)
【群】(kûn) 1.計算群聚的人或物的單位。例：一群人 tsi̍t kûn lâng。2.相聚一起的人或物。例：孤鳥插人群。Koo tsiáu tshah lâng-kûn. (比喻人難以融入群體。) 3.眾多。例：群島 kûn-tó。
【六】(la̍k) 數字。例：伊攏總生六个後生。I lóng-tsóng senn la̍k ê hāu-senn. (她總共生了六個兒子。)
【攬】(lám) 1.擁抱、摟抱。例：𪜶兩个人攬牢牢。In nn̄g ê lâng lám tiâu-tiâu. (他們兩個人抱得緊緊的。) 2.包攬、承擔、負全責。例：代誌遐濟，你毋通想欲總攬。Tāi-tsì hiah tsē, lí m̄-thang siūnn-beh tsóng lám. (事情這麼多，你不要想把所有的事都承擔下來。) 3.計算兩手環抱長度的單位。例：一攬大 tsi̍t lám tuā(一人兩手合抱的大小)。4.計算一綑綑柴火的單位。例：一攬柴 tsi̍t lám tshâ(一綑柴)。
【厘】(lî) 1.錢的單位。例：一仙一厘 tsi̍t-sián-tsi̍t-lî(一分一毫)。2.微小或微少的數目。例：一厘仔 tsi̍t-lî-á(一點點)。
【輪】(lián) 1.車輪。例：換輪 uānn lián(換車輪)。輪仔2.計算車輪數的單位。例：這台車四輪攏愛換。Tsit tâi tshia sì lián lóng ài uānn. (這部車四個輪子都要換。)
【輦轎仔】(lián-kiō-á) 神轎。放有神像或神符的轎子，通常由四個人來抬，而且抬的人會上下左右地搖晃，或者橫衝直撞，在傳統民間信仰中多用以問神扶乩。
【粒】(lia̍p) 1.細小的顆粒狀的物品。例：飯粒 pn̄g-lia̍p。2.湯菜裡頭的食材。例：共粒𣁳起來，湯莫啉。Kā lia̍p khat–khí-lâi, thng mài lim. (把湯料舀起來，湯不要喝。) 3.計算顆粒狀物品的單位。例：一粒石頭 tsi̍t lia̍p tsio̍h-thâu。4.煮飯時水份不夠，飯的口感較硬。例：今仔日的飯有較粒。Kin-á-ji̍t ê pn̄g ū khah lia̍p. (今天的飯稍微硬了點。) 𩚨5.膿瘡。例：粒仔 lia̍p-á(皮膚上的瘡粒)。
【條】(liâu) 1.細長的東西。例：椅條 í-liâu(長板凳)、肉條 bah liâu。2.計算細長物的單位。例：一條椅仔 tsi̍t liâu í-á(一張長板凳)、兩條肉 nn̄g liâu bah(兩條肉條)。
【稜】(līng) 計算一道一道傷痕的單位。例：拍一稜 phah tsi̍t līng(打出一道傷痕)。
【六】(lio̍k) 數字。例：六親不認 lio̍k-tshin put jīn(形容不留情面或者是不講情義)。
【兩】(lióng) 數目字，表一對、雙方之意。 例：兩岸 lióng huānn、兩全其美 lióng tsuân kî bí。
【綹】(liú) 束。計算線的單位。例：一綹線 tsi̍t liú suànn、三綹麵線 sann liú mī-suànn(三束麵線)。
【流量】(liû-liōng)
【流速】(liû-sok)
【流動率】(liû-tōng-lu̍t)
【輪】(lûn) 1.依次更替轉換。例：歇睏日值班𪜶兩个咧輪。Hioh-khùn-ji̍t ti̍t-pan in nn̄g ê teh lûn. (休息日值班由他們兩人輪流。)；這禮拜輪著我當值。Tsit lé-pài lûn tio̍h guá tong-ti̍t. (這禮拜輪到我值班。)；輪班 lûn-pan。2.指關節。例：脫輪 thu̍t-lûn(脫臼)。3.電影排演的次序。例：首輪 siú lûn、二輪 jī lûn。4.計算時間的單位，十二年為一輪。例：我佮你差有一輪。Guá kah lí tsha ū tsi̍t lûn. (我和你差了十二歲。)
【哩】(mai) 英美計算長度的單位。一哩等於一千六百零九公尺。借自英語 mile。
【五】(ngóo) 釋義參見【五】gōo 條。例：五穀 ngóo-kok、五香 ngóo-hiang。
【兩】(niú) 計算重量的單位。一公斤十公兩，一台斤十六兩。例：半斤八兩 puànn kin peh niú(八兩等於半斤，意指不相上下)、五兩金仔 gōo niú kim-á(五兩金子)。
【兩】(nn̄g) 數目字「二」、雙也。例：兩蕊目睭 nn̄g luí ba̍k-tsiu(兩個眼睛、雙眼)、兩對雙生仔 nn̄g tuì siang-senn-á(兩對雙胞胎)。
【百】(pah) 1.計數用詞，十的十倍。例：一百箍 tsi̍t-pah khoo(一百塊錢)。2.形容數量很多。例：百百款 pah-pah-khuán(式樣繁多)。
【百萬】(pah-bān) 形容數量眾多。例：百萬富翁 pah-bān hù-ong。
【百二】(pah-jī/pah-lī) 一百二十。這是一種閩南語對於數字的獨特表述模式，從一百一十到一百九十，通常會省略百數之前的一及十位之後的十，如一百二十省略成「百二」(pah-jī)。「百二」常用來祝人長壽。千萬位數亦有同類模式，如「千三、萬二」。
【幅】(pak) 計算圖畫、布帛等平面物的單位量詞。例：一幅圖 tsi̍t pak tôo。
【縛】(pa̍k) 1.有形或無形的束縛、捆綁。例：共物件縛起來。Kā mi̍h-kiānn pa̍k–khí-lâi. (把東西綁起來。)；縛粽 pa̍k-tsàng(包粽子)、予囡仔縛牢咧袂當出門。 Hōo gín-á pa̍k-tiâu–leh bē-tàng tshut-mn̂g. (被孩子絆住無法出門。) 2.計算成捆物品的單位。例：兩縛柴 nn̄g pa̍k tshâ(兩捆柴)。3.衣服穿得太緊。例：這領衫穿起來傷縛。Tsit niá sann tshīng–khí-lâi siunn pa̍k. (這件衣服穿起來太緊了。) 4.編織長篾片製成的器物。例：縛竹籃 pa̍k tik-nâ(編竹籃)。
【封】(pang) 計算信件的單位。例：一封書 tsi̍t pang tsu(一封信)。
【八】(pat) 數字。例：三八婦女節 sam pat hū-lí tseh(三八婦女節)。
【八】(peh/pueh) 數字。例：八个人 peh ê lâng(八個人)。
【坪數】(pênn-sòo/pînn-sòo)
【坪】(pênn/pînn) 計算面積的單位。六尺四方為一坪。例：我的房間有三坪。Guá ê pâng-king ū sann pênn. (我的房間有三坪大。)
【葩】(pha) 1.盞。計算燈火的單位。例：一葩電火 tsi̍t pha tiān-hué(一盞電燈)。2.計算成串物品的單位。例：一葩花 tsi̍t pha hue、兩葩葡萄 nn̄g pha phû-tô(兩串葡萄)。捻
【龐】(phiāng) 計算巨大物體或身材壯碩之人的單位。例：一龐遐大龐！Tsi̍t phiāng hiah tuā-phiāng! (一個人那麼大塊頭！)
【篇】(phinn) 計算文章數量的單位。例：寫一篇文章。Siá tsi̍t phinn bûn-tsiunn.
【匹】(phit) 1.計算布帛類紡織品的單位。例：一匹布 tsi̍t phit pòo。2.計算馬的單位。例：單槍匹馬 Tan tshiong phit má。
【波長】(pho-tn̂g)
【部】(phō) 1.計算套書的單位。例：一部冊 tsi̍t phō tsheh(一套書)。2.計算叢生的竹子、頭髮的單位。例：伊彼部頭鬃烏㽎㽎。I hit phō thâu-tsang oo-sìm-sìm. (他那一頭烏黑亮麗的頭髮。)；一部竹仔 tsi̍t phō tik-á(一叢竹仔)。3.叢生的竹子。例：竹部 tik-phō。
【舖】(phòo) 1.商店。例：老舖 lāu phòo(老店)、店舖 tiàm-phòo。2.計算路程的單位；十華里為一舖，一華里約等於零點五公里。例：行一舖路 kiânn tsi̍t phòo lōo(走十華里路)。
【袚】(phua̍h) 1.披、掛。例：伊共面巾袚佇肩胛頭。I kā bīn-kin phua̍h tī king-kah-thâu. (他把毛巾披掛在肩膀上。) 2.串、條。計算項鍊等鍊狀物品的單位。例：一袚珠仔鍊 tsi̍t phua̍h tsu-á-liān(一串珠鍊)。3.交叉相疊。例：跤相袚 kha sio-phua̍h(蹺腳、疊腿)。4.交叉打結。例：腦筋袚袚 náu-kin phua̍h-phua̍h(頭腦打結、不清楚)。
【盆】(phûn) 計算盆裝物的單位。例：一盆花 tsi̍t phûn hue。
【比數】(pí-sòo)
【枇】(pî) 計算成串物品的單位。例：一枇弓蕉 tsi̍t pî king-tsio(一串香蕉)、兩枇烏魚子 nn̄g pî oo-hî-tsí(兩副烏魚子)。
【遍】(piàn) 次、回。例：你閣講一遍。Lí koh kóng–tsi̍t-piàn. (你再說一遍。)
【磅】(pōng) 1.用磅秤度量物體的輕重。例：磅看幾斤重。Pōng khuànn kuí kin tāng. (秤秤看有幾斤重。) 2.用炸藥炸開。例：炭空挖塗炭，著愛先用磅子磅。Thuànn-khang óo thôo-thuànn, tio̍h-ài sing iōng pōng-tsí pōng. (炭坑挖煤炭，得要先用炸藥炸開。) 3.計算重量的單位。一磅等於零點四五四公斤。4.用體溫計量測體溫。例：你去提度針來磅看囡仔敢有發燒。Lí khì the̍h tōo-tsiam lâi pōng khuànn gín-á kám ū huat-sio. (你去拿溫度計來量量看孩子有沒有發燒。)
【部】(pōo) 1.具有特定作用的單位。例：教育部 Kàu-io̍k Pōo、管理部 kuán-lí pōo。2.全體當中的一部分。例：部份 pōo-hūn、東部 tang-pōo。3.軍隊的組織單位。例：部隊 pōo-tuī。
【垺】(pû) 堆。計算成堆東西的單位。例：一垺屎 tsi̍t pû sái(一堆糞便)、一垺草 tsi̍t pû tsháu(一堆草)。
【拔】(pua̍h) 計算打水拉繩時的單位。打水時拉繩子上來一次叫「一拔」。現在指取一次水為「一拔」。例：舀兩拔水 iúnn nn̄g pua̍h tsuí(取兩次水)。
【半徑】(puànn-kìng)
【倍數】(puē-sòo)
【三】(sam) 數字。例：三生有幸 sam-sing-iú-hīng。
【三】(sann) 數字。例：三隻狗 sann tsiah káu(三條狗)。
【四】(sì) 數字。例：四个人 sì ê lâng(四個人)。
【時速】(sî-sok)
【射程】(siā-tîng)
【身】(sian) 1.計算人的單位。通常只用單數「一身」(tsi̍t sian)。例：伊干焦一身人爾爾，無長半項。I kan-na tsi̍t sian lâng niā-niā, bô tiông puànn hāng. (他只是孤家寡人而已，身無長物。) 2.計算神像的單位。例：一身神明 tsi̍t sian sîn-bîng(一尊神像)。尊3.計算戲偶、玩偶的單位。例：三身尪仔 sann sian ang-á(三個戲偶)。4.計算蠶隻的單位。例：三身娘仔 sann sian niû-á(三隻蠶)。隻
【仙】(sián) 錢幣的單位，借自日語「錢」的發音。cent(一分錢)的音譯。例：一仙錢 tsi̍t sián tsînn(一分錢)。
【雙打】(siang-tánn)
【成】(siânn) 十分之一或百分之十。例：三成 sann siânn(百分之三十)。
【𣛮】(siānn) 1.扛臺。容器名。結婚或祝壽時裝運禮物的雙人抬的紅色長方形大木箱，通常為木製。例：扛大𣛮 kng tuā siānn(抬𣛮)。2.擔、臺、籃。例：兩𣛮糕仔 nn̄g siānn ko-á(兩扛臺的糕餅)。
【卌】(siap) 四十。為「四十」(sì-tsa̍p)二字的合音。例：伊卌外歲矣，看著猶真少年。I siap-guā huè–ah, khuànn tio̍h iáu tsin siàu-liân. (他四十多歲了，看起來還是很年輕。)
【席】(si̍k) 1.座位。例：出席 tshut-si̍k、退席 thè-si̍k。2.筵席。例：酒席 tsiú-si̍k(酒宴)、宴席 iàn-si̍k(宴會)。3.計算議會席次或名額的單位。
【席次】(si̍k-tshù)
【速率】(sok-lu̍t)
【數值】(sòo-ti̍t)
【四】(sù) 數字。例：四書五經 sù su ngóo king。
【台斤】(tâi-kin/tâi-kun)
【單一】(tan-it)
【重量】(tāng-liōng)
【塊】(tè) 計算東西的單位。例：一塊糖仔 tsi̍t tè thn̂g-á(一塊糖)、一塊歌 tsi̍t tè kua(一首歌)、一塊椅仔 tsi̍t tè í-á(一張椅子)。
【袋】(tē) 1.裝東西的器物。例：布袋 pòo-tē。袋仔2.把東西裝到袋子裡頭。例：伊橐袋仔內有袋錢。I lak-tē-á-lāi ū tē tsînn. (他口袋裡裝著錢。) 橐3.計算袋裝物品的包裝單位量詞。例：一袋米 tsi̍t tē bí。
【疊】(tha̍h) 1.堆聚、累積成一層一層的。例：物件相疊 mi̍h-kiānn sio-tha̍h(東西重疊在一起)、親疊親 tshin tha̍h tshin(親上加親)、人疊人 lâng tha̍h lâng(人疊人。比喻人擠人。) 2.添加。例：你閣加疊一寡錢，這項物件就賣你。Lí koh ke tha̍h tsi̍t-kuá tsînn, tsit hāng mi̍h-kiānn tō bē–lí. (你再多添加一點錢，這個東西就賣給你。)；疊衫 tha̍h sann(添加衣服)。3.計算重疊成堆的東西。例：一疊冊 tsi̍t tha̍h tsheh(一疊書)。
【桶】(tháng) 1.圓柱形的盛物器具。例：水桶 tsuí-tháng、飯桶 pn̄g-tháng(盛飯的木桶，也用來罵人愚笨)、鐵桶 thih tháng。2.計算桶裝物的單位。例：一桶水 tsi̍t tháng tsuí。
【頭水】(thâu-tsuí) 新上市。第一批出產的牲畜或蔬果。例：今年頭水的柚仔真好食。Kin-nî thâu-tsuí ê iū-á tsin hó-tsia̍h. (今年新上市的柚子很好吃。)
【梯次】(the-tshù)
【套】(thò) 1.計算成組事物的單位。例：規套的冊 kui thò ê tsheh(成套的書)。2.將遮蓋物覆蓋在實際物品的外面。例：用橐仔共葡萄套起來。Iōng lok-á kā phû-tô thò–khí-lâi. (用袋子把葡萄套起來。) 橐敨3.利用巧妙的說話技巧誘騙他人說出實情。例：無，你是咧套我的話是毋？Bô, lí sī teh thò guá ê uē sī–m̄? (你是在套我的話是吧？) 4.指彼此互相串通、配合。例：一切攏是恁套好的！It-tshè lóng sī lín thò-hó–ê! (一切都是你們串通安排好的！) 5.用來覆蓋的東西。例：筆套 pit-thò、冊套 tsheh-thò、外套 guā-thò。6.本事。例：奅姼仔伊有一套。Phānn-tshit-á i ū-tsi̍t-thò. (他對釣女朋友有一套。)
【通】(thong) 1.交會往來。例：通批 thong-phue(通信)、通車 thong-tshia。2.使順暢。例：通水溝仔 thong tsuí-kau-á(疏通水溝)。3.理解透澈。例：想會通 siūnn ē thong(想得通)、想袂通 siūnn bē thong(想不通)。4.溝通。例：你佮伊講母語嘛會通。Lí kah i kóng bú-gí mā ē thong. (你和他說母語也可以溝通。) 5.傳達。例：通知 thong-ti、通報 thong-pò、通緝 thong-tsi̍p。6.所有的、全部的。例：通人知 thong lâng tsai(所有的人都知道)。7.專精。例：萬事通 bān-sū-thong(什麼事都很專精)。8.合情理。例：按呢講有通。Án-ne kóng ū thong. (這樣說合理。) 9.計算電訊消息的單位。例：一通電話 tsi̍t thong tiān-uē。
【緟】(thōng) 1.計算重疊堆積物的單位。例：一緟磚仔 tsi̍t thōng tsng-á(一疊磚塊)、一緟碗 tsi̍t thōng uánn(一疊碗)、一緟紙 tsi̍t thōng tsuá(一疊紙)。2.把物體堆疊起來。例：伊共銀角仔緟起來。I kā gîn-kak-á thōng–khí-lâi. (他把銅板疊起來。)；緟冊 thōng tsheh(疊書)。
【攤】(thuann) 1.平均分配。例：逐家小攤一下。Ta̍k-ke sió thuann–tsi̍t-ē. (大家稍微分攤一下。) 2.計算工作、生意、飯局，或者分期攤還的回數單位。例：伊今仔日食幾若攤。I kin-á-ji̍t tsia̍h kuí-nā thuann. (他今天吃了好幾攤。)
【點】(tiám) 1.小的痕跡。例：烏點 oo-tiám(黑點)、毋通看貓的無點。 M̄-thang khuànn niau–ê bô tiám. (「貓的」是麻臉的人，「無點」可以表示沒有麻點，也可以表示沒有成績。這個說法一語雙關，字面上是「別看麻臉的人沒有麻點」，但實際上要說的是「別以為麻臉的人不會有好成績」。常用來表示不要以貌取人。」) 2.計算時間的單位。一小時為一點。例：兩點半 nn̄g tiám puànn。3.計算分數的單位。例：我的點數攏真懸。Guá ê tiám sòo lóng tsin kuân. (我的點數都很高。) 4.計算事項的單位。例：有兩點愛注意。Ū nn̄g tiám ài tsù-ì. (有兩點要注意。) 5.引火、點燃、使亮。例：點香 tiám-hiunn、點電火 tiám-tiān-hué(點亮照明)、點燈 tiám ting。6.指定。例：點菜 tiám tshài。7.照順序查對。例：點錢 tiám tsînn、點名 tiám-miâ。8.提示。例：點一下伊就知。Tiám–tsi̍t-ē i tō tsai. (提示一下他就知道了。) 9.使液體滴下。例：點藥水 tiám io̍h-tsuí。10.觸碰一下物體就離開。例：點胭脂 tiám ian-tsi(塗口紅)。
【碇】(tiānn) 1.船錨。例：拋碇 pha-tiānn(船靠岸時，拋下船錨來固定船的位置)、一門碇 tsi̍t mn̂g tiānn(一個錨)。2.計算金銀等貴重金屬的重量單位。例：一碇金仔 tsi̍t tiānn kim-á(一塊金子)。
【調頻】(tiâu-pîn)
【重】(tîng) 1.再來、再一次。例：重來 tîng lâi。2.雙倍、雙次。例：重巡 tîng-sûn(雙眼皮)。3.層。計算重疊、累積物的單位。例：一重皮 tsi̍t tîng phuê(一層皮)。
【直徑】(ti̍t-kìng)
【場】(tiûnn) 1.有特殊作用的場所。例：會場 huē-tiûnn、入場 ji̍p-tiûnn(進場)。2.計算人為活動的單位。例：兩場比賽 nn̄g tiûnn pí-sài。
【長度】(tn̂g-tōo)
【丈】(tn̄g) 計算長度的單位。臺制十尺等於一丈，公制十公尺等一公丈。
【多數】(to-sòo)
【棟】(tòng) 幢。計算房屋的量詞。例：一棟樓仔厝 tsi̍t tòng lâu-á-tshù(一棟樓房)。
【度數】(tōo-sòo)
【才】(tshâi) 1.計算物體體積的單位。常用在木材的計算，一才為一台寸寬×一台寸厚×十台尺長。例：這款木材一才偌濟？Tsit khuán bo̍k-tsâi tsi̍t tshâi guā-tsē? (這種木材一才多少錢？) 2.計算物體面積的單位。可見於紙張、玻璃、石材、窗簾等的計算，一才為一尺(三十公分)見方。
【醒】(tshénn/tshínn) 1.結束睡眠狀態。例：睏醒 khùn-tshénn(睡醒)。2.從酒醉、麻醉或昏迷的狀態下恢復正常。例：酒醉醒矣。Tsiú-tsuì tshénn–ah. (酒醒了。) 3.計算睡眠次數的單位。例：伊已經睏一醒矣。I í-king khùn tsi̍t tshénn–ah. (他已經睡一覺了。)
【攕】(tshiám) 1.尖尖長長像叉子一樣的東西。例：米攕 bí-tshiám(插入米袋中的尖叉子，為取樣的工具。) 2.以尖物插入或刺入。例：攕煙腸 tshiám ian-tshiâng(叉起香腸)。3.成串的東西，多半指食物。例：李仔攕 lí-á-tshiám(李子串，用李子做的糖葫蘆。) 4.計算成串物的單位。例：一攕玉蘭花。Tsi̍t tshiám gio̍k-lân-hue. (一串玉蘭花。)
【七】(tshit) 1.數字。例：七个人 tshit ê lâng(七個人)。2.常和八連用成為詞組，用來表示強調或重複的意思。例：七老八老 tshit-lāu-peh-lāu(強調很老)、七除八扣 tshit-tû-peh-khàu(計算時一再折扣，自總數中盡量減除。)。3.傳統喪禮儀式中每七天為一旬。一、三、五、七旬為大旬，必須請道士做法會，稱作「做七」(tsò-tshit)或是「做旬」(tsò-sûn)，到七旬結束才算功德圓滿。
【串】(tshǹg) 計算成串物品的單位。例：一串珠仔 tsi̍t tshǹg tsu-á(一串珠子)。
【撮】(tshok) 計算少量積聚的物品的量詞。例：鹽一撮仔就好矣。Iâm tsi̍t-tshok-á tō hó–ah. (一小撮鹽就好了。)
【只】(tsí) 計算成疊紙張的單位。例：一只衛生紙 tsi̍t tsí uē-sing-tsuá(一疊衛生紙)。
【占有率】(tsiàm-iú-lu̍t)
【種】(tsióng) 計算類別的單位。例：兩種物件 nn̄g tsióng mi̍h-kiānn(兩種東西)、這種 tsit tsióng。
【獎項】(tsióng-hāng)
【一百空一】(tsi̍t-pah khòng-it) 一百零一。
【一半】(tsi̍t-puànn) 1.二分之一。例：買果子的錢，一人愛出一半。Bé kué-tsí ê tsînn, tsi̍t lâng ài tshut tsi̍t-puànn. (買水果的錢，一人要出一半。) 2.表示次數很少。例：塗跤一半擺仔無拭，袂偌垃圾啦！Thôo-kha tsi̍t-puànn-pái-á bô tshit, bē guā lah-sap–lah! (地板一兩次沒擦，不會多髒啦！)
【一半个仔】(tsi̍t-puànn-ê-á) 幾個、一兩個、少數幾個。例：有一半个仔人客真𠢕嫌東嫌西。Ū tsi̍t-puànn-ê-á lâng-kheh tsin gâu hiâm-tang-hiâm-sai. (有一兩個客人很會嫌東嫌西。)
【座】(tsō) 1.用在大型物體或建築物等的計算單位。例：一座山 tsi̍t tsō suann、一座城 tsi̍t tsō siânn。2.計算席次、座位的單位。例：四人座 sì lâng tsō。
【組】(tsoo) 1.由兩人以上結合而成的小團體。例：兩人一組。Nn̄g lâng tsi̍t tsoo. 2.計算成套物品的單位。例：伊想欲買一組膨椅。I siūnn-beh bé tsi̍t tsoo phòng-í. (他想要買一套沙發。)
【逝】(tsuā) 1.趟、回。計算路程、路途的單位。例：一逝路 tsi̍t tsuā lōo(一趟路)、行三逝 kiânn sann tsuā(走三趟)。2.條、行。計算線條或條列文字的單位。例：一逝線 tsi̍t tsuā suànn(一條線)、一逝字 tsi̍t tsuā jī(一行字)。條3.路程、路途。例：長逝 tn̂g tsuā(長途、長程)、短逝 té tsuā(短途、短程)。途
【水量】(tsuí-liōng)
【大陣】(tuā tīn) 一大群人。例：這陣人誠大陣。Tsit tīn lâng tsiânn tuā tīn. (這群人很大一群。)
【大筆】(tuā-pit)
【段】(tuānn) 1.計量延續性事物段落的單位。例：一段故事 tsi̍t tuānn kòo-sū、一段時間 tsi̍t tuānn sî-kan。2.土地的區域。例：地段 tē-tuānn(某一土地的區域)。3.計量技藝等級、級數的單位。例：柔道五段 jiû-tō gōo tuānn。
【員】(uân) 1.計算人數的單位。例：一員大將 it uân tāi tsiòng(一位大將)。2.團隊中的一分子。例：會員 huē-uân、職員 tsit-uân。
【位元】(uī-guân)
連詞·介詞
【按照】(àn-tsiàu) 依照。例：你一切著愛按照規定來行，毋通家己大主大意。Lí it-tshè tio̍h ài àn-tsiàu kui-tīng lâi kiânn, m̄-thang ka-kī tuā-tsú-tuā-ì. (你一切都要照規定來做，不能自作主張。)
【袂輸】(bē-su/buē-su) 好比、好像。例：伊看著我袂輸看著鬼咧。I khuànn-tio̍h guá bē-su khuànn-tio̍h kuí–leh. (他看到我好像見到鬼一樣。)
【無論】(bô-lūn) 不論、不管。例：無論你講啥，我攏袂答應。Bô-lūn lí kóng siánn, guá lóng bē tah-ìng. (不論你說什麼，我都不會答應的。)
【原來】(guân-lâi)
【和】(hām) 與、跟。例：我和你做伙來去。Guá hām lí tsò-hué lâi-khì. (我跟你一起去。)
【何況】(hô-hóng) 用於比較之詞。常會對所比較的事物，有進一步的推論。例：這台車大人都騎袂行矣，何況是一个囡仔。Tsit tâi tshia tuā-lâng to khiâ bē kiânn–ah, hô-hóng sī tsi̍t ê gín-á. (這輛車大人都騎不動了，何況是個小孩。)
【予伊】(hōo i) 讓；表祈使義的介詞。例：你愛提予伊好。Lí ài the̍h hōo i hó. (你要拿好。)；這件代誌你愛講予伊知。Tsit kiānn tāi-tsì lí ài kóng hōo i tsai. (這件事你要讓他知道。)
【依照】(i-tsiàu)
【以】(í) 1.憑藉、仰賴。例：以你的經驗來看，這件代誌是按怎發生的？Í lí ê king-giām lâi khuànn, tsit kiānn tāi-tsì sī án-tsuánn huat-sing–ê? (以你的經驗來看，這件事是怎麼發生的？) 2.加在時間、空間詞之前，表示其界線。例：新店溪以南 Sin-tiàm-khe í lâm、三千以上 sann-tshing í siōng。
【以免】(í-bián)
【以下】(í-hā)
【以及】(í-ki̍p) 與、和。
【以上】(í-siōng)
【也】(iā) 亦。表示相同關係。例：這項物件有也好，無也好，攏無要緊。Tsit hāng mi̍h-kiānn ū iā hó, bô iā hó, lóng bô-iàu-kín. (這個東西可有可無，都沒關係。)
【抑】(ia̍h) 或、還是。表示選擇關係。例：伊是知抑毋知？I sī tsai ia̍h m̄-tsai? (他是知道還不知道？)
【抑是】(ia̍h-sī) 或者、或是。例：你欲啉咖啡抑是欲啉茶？Lí beh lim ka-pi ia̍h-sī beh lim-tê? (你要喝咖啡還是要喝茶？)
【猶毋過】(iáu-m̄-koh) 不過、可是。例：伊直直共我招，猶毋過我無想欲去。I ti̍t-ti̍t kā guá tsio, iáu-m̄-koh guá bô siūnn-beh khì. (他一直邀請我，可是我不想去。)
【猶是】(iáu-sī) 還是。例：幾若年無見面，你猶是佮以前仝款。Kuí-nā nî bô kìnn-bīn, lí iáu-sī kah í-tsîng kāng-khuán. (好多年沒見面，你還是和以前一樣。)
【亦】(i̍k) 也。例：伊佮我的關係是亦師亦友。I kah guá ê kuan-hē sī i̍k su i̍k iú. (他跟我的關係是老師也是朋友。)
【因】(in) 1.原由、緣故。例：原因 guân-in、因由 in-iû。2.由於。例：因為 in-uī。
【因為】(in-uī) 表示事情的連接。例：因為落雨，我今仔日才無想欲出門。In-uī lo̍h-hōo, guá kin-á-ji̍t tsiah bô siūnn-beh tshut-mn̂g. (因為下雨，所以我今天不想出門。)
【由】(iû) 1.從。例：由淺入深 iû tshián ji̍p tshim(由淺顯到深奧)。2.聽任、任憑。例：由你做主 iû lí tsò-tsú(任憑你裁決)。3.原因。例：因由 in-iû(事情的緣起與由來)。
【而且】(jî-tshiánn/lî-tshiánn) 表順接或更進一層的連詞。
【然後】(jiân-āu/liân-āu) 之後。比較文言的說法。例：囡仔愛先學爬，然後才學行。Gín-á ài sing o̍h pê, jiân-āu tsiah o̍h kiânn. (小孩要先學爬，之後才學走路。)
【假設】(ká-siat)
【假使】(ká-sú) 假如、如果。例：假使若落雨，我就無愛去。Ká-sú nā lo̍h-hōo, guá tō bô ài khì. (如果下雨，我就不去了。)
【共】(kā) 1.給。用來加強語氣。例：你共我會記咧！Lí kā guá ē kì–leh! (你給我記住！) 2.跟、向。例：我共你講。Guá kā lí kóng. (我跟你說。) 3.幫……。例：共伊鬥做。Kā i tàu tsò. (幫忙他做。) 4.把、將。後加「伊」而「伊」省略時，則不變調。例：共房間摒摒咧。Kā pâng-king piànn-piànn–leh. (把房間打掃一下。)；共伊放袂記。Kā i pàng bē-kì. (把他忘了。) 將
【佮】(kah) 1.和、及、與、跟。例：我欲佮伊來去看電影。Guá beh kah i lâi-khì khuànn tiān-iánn. (我要跟他去看電影。) 2.搭配。例：食魚食肉，也著菜佮。Tsia̍h hî tsia̍h bah, iā tio̍h tshài kah. (吃多了大魚大肉，也得要搭配一些蔬菜。) 3.附帶。例：頭家！佮兩枝蔥仔好無？Thâu-ke! Kah nn̄g ki tshang-á hó–bô? (老闆！附送兩根蔥好嗎？) 4.適合、相合。例：佮意 kah-ì(喜歡)、佮喙 kah-tshuì(合口味)。
【共】(kāng) 1.跟、向。例：彼項代誌伊共我講矣。Hit hāng tāi-tsì i kāng guá kóng–ah. (那件事情他跟我說了。) 對2.作弄、捉弄。例：你莫去共伊。Lí mài khì kāng–i. (你不要去捉弄他。) 弄、創治
【佮】(kap) 和、與、一起。例：相佮 sann-kap(相偕一起)。
【卻】(khiok) 反而。例：是親非是親，非親卻是親。Sī tshin hui sī tshin, hui tshin khiok sī tshin. (意為親人不如朋友好。)
【卻是】(khiok-sī) 倒是。例：我替伊煩惱甲欲死，伊卻是無要無緊。Guá thè i huân-ló kah beh-sí, i khiok-sī bô-iàu-bô-kín. (我替他煩惱得要死，他卻漠不關心。)
【可比】(khó-pí) 好比。例：伊可比一隻予人關佇籠仔內的鳥仔。I khó-pí tsi̍t tsiah hōo lâng kuainn tī lông-á-lāi ê tsiáu-á. (他好比是隻被人關在籠子裡面的小鳥。)
【既然】(kì-jiân/kì-liân) 已經如此之意。多用在上半句的句首。例：既然伊無想欲做，你就莫勉強伊。Kì-jiân i bô siūnn-beh tsò, lí tō mài bián-kióng–i. (既然他不想做了，你就別勉強他。)
【固然】(kòo-jiân/kòo-liân)
【關於】(kuan-î)
【連】(liân) 1.連結。例：母仔囝連心。Bú-á-kiánn liân sim. (母子連心。)；褲帶結相連。Khòo-tuà kat sio-liân. (褲帶綁在一起。比喻形影相隨。) 2.持續不斷。例：連連失敗 liân-liân sit-pāi(一再失敗)。3.及於，達於。例：惜花連盆 sioh hue liân phûn。4.連同。合算在一起。例：連彼罐涼水總共是一百箍。Liân hit kuàn liâng-tsuí tsóng-kiōng sī tsi̍t pah khoo. (連同那瓶冷飲總共是一百元。) 5.與「嘛」、「都」合用，表示甚至的意思。例：這个問題連老師傅都袂曉。Tsit ê būn-tê liân lāu sai-hū to bē-hiáu. (這個問題連老師傅都不會。)；連遮大條的新聞都毋知。Liân tsiah tuā ê sin-bûn to m̄-tsai. (連這麼大的新聞都不知道。) 6.姓氏。
【毋是】(m̄ sī) 不是。例：這毋是我的。Tse m̄-sī guá-ê. (這不是我的。)
【毋過】(m̄-koh) 不過、但是。例：雖然𪜶兜真散赤，毋過𪜶的囡仔攏真有出脫。Sui-jiân in tau tsin sàn-tshiah, m̄-koh in ê gín-á lóng tsin ū tshut-thuat. (雖然他家很窮，但是他的孩子都很傑出。)
【毋管】(m̄-kuán) 不論、無論。例：毋管是啥人共你問，你攏袂使講。M̄-kuán sī siánn-lâng kā lí mn̄g, lí lóng bē-sái kóng. (不論是誰問你，你都不可以說。)
【毋但】(m̄-nā) 1.不只、不但。例：我看伊做的歹代誌毋但按呢爾爾。Guá khuànn i tsò ê pháinn tāi-tsì m̄-nā án-ne niā-niā. (我看他做的壞事不只這樣而已。) 2.不只。表示前一句話的語意尚未完結，還有承接下面的語意。例：伊毋但寄付錢，閣去做義工。I m̄-nā kià-hù tsînn, koh khì tsò gī-kang. (他不只捐錢，還去當義工。)
【毋才】(m̄-tsiah) ……才……。例：就是你無來，毋才愛請伊來鬥相共！Tō sī lí bô lâi, m̄-tsiah ài tshiánn i lâi tàu-sann-kāng! (因為你沒來，所以才要請他來幫忙！)
【莫講】(mài-kóng) 不要說、不用說。例：莫講大人，這个道理連囡仔都知影。Mài-kóng tuā-lâng, tsit ê tō-lí liân gín-á to tsai-iánn. (不要說大人了，這個道理連小孩子都知道。)
【那】(ná) 1.一邊……一邊……。以「那……那……」(ná……ná……)形式出現。例：那行那看 ná kiânn ná khuànn(一邊走一邊看)。2.愈……愈……。例：伊那來那媠。I ná lâi ná suí. (她愈來愈漂亮。)
【若】(nā) 如果。例：早若知我就毋來矣。Tsá nā tsai guá tō m̄ lâi–ah. (如果早知道我就不來了。)
【譬論講】(phì-lūn-kóng) 1.比方說。譬如、舉例來說。2.假設。例：譬論講你若做市長，你欲按怎來改革市政。Phì-lūn-kóng lí nā tsò tshī-tiúnn, lí beh án-tsuánn lâi kái-kik tshī-tsìng. (假設你當了市長，你要怎樣來改革市政。)
【並】(pīng) 1.平排、平列的。例：並列 pīng lia̍t。2.放在否定詞之前，表示加強語氣，有反駁的意味。例：並無 pīng bô(並沒有)、並毋是 pīng m̄-sī(並不是)。
【並且】(pīng-tshiánn)
【不管】(put-kuán)
【不論】(put-lūn)
【不但】(put-tān) 不只。表示前一句話尚未完結，還有承接下面的語意。例：伊不但寄付錢，閣去做義工。I put-tān kià-hù tsînn, koh khì tsò gī-kang. (他不只捐錢，還去當義工。)
【甚至】(sīm-tsì) 表示更進一層的意思。例：伊毋但共人罵，甚至閣出手拍人。I m̄-nā kā lâng mē, sīm-tsì koh tshut-tshiú phah–lâng. (他不但罵人，甚至還出手打人。)
【所以】(sóo-í) 用來連接前後兩個句子的相關因果關係，常和「因為」(in-uī)連用。例：因為伊人巧閣頂真，所以才會有遮好的成績。In-uī i lâng khiáu koh tíng-tsin, sóo-í tsiah ē ū tsia hó ê sîng-tsik. (因為他人聰明又認真，所以才會有這麼好的成績。)
【使】(sú) 1.讓、令。例：使人感動。Sú lâng kám-tōng. (讓人感動。) 2.用。例：使用 sú-iōng。
【紲落去】(suà–lo̍h-khì) 接下去。接下來。例：代誌已經按呢生矣，紲落去欲按怎咧？Tāi-tsì í-king án-ne-senn–ah, suà–lo̍h-khì beh án-tsuánn–leh? (事情已到這個地步了，接下來要怎麼做呢？)
【雖然】(sui-jiân/sui-liân) 固然、縱然。例：雖然風颱已經轉向矣，毋過也愛預防做大水。Sui-jiân hong-thai í-king tsuán hiòng–ah, m̄-koh iā ài ī-hông tsò-tuā-tsuí. (雖然颱風已經轉向，仍須預防豪雨成災。)
【但是】(tān-sī) 不過、可是。連接兩個具有相反因果關係的詞語或句子。例：這領衫真媠，但是我無佮意。Tsit niá sann tsin suí, tān-sī guá bô kah-ì. (這件衣服真漂亮，可是我不喜歡。)
【當中】(tang-tiong)
【佇】(tī) 1.在某個地方。例：伊這馬佇厝裡咧睏。I tsit-má tī tshù–lí teh khùn. (他現在在家睡覺。) 2.在某段時間。例：伊定定佇半暝仔𬦰起來讀冊。I tiānn-tiānn tī puànn-mê á peh khí-lâi tha̍k-tsheh. (他常常在半夜爬起來唸書。)
【佇咧】(tī-leh) 在、正在。連接主詞、主語的現在進行中的動作或是位置所在地。例：伊佇咧睏。I tī-leh khùn. (他正在睡覺。)；伊坐佇咧遐。I tsē tī-leh hia. (他坐在那兒。)
【當】(tng) 1.正值、正逢。例：花當紅 hue tng âng(花正紅)。2.面對、面向。例：我當天咒誓，絕對無騙你。Guá tng thinn tsiù-tsuā, tsua̍t-tuì bô phiàn–lí. (我對天發誓，絕對沒騙你。)；你敢敢當我的面佮伊對指？Lí kám kánn tng guá ê bīn kah i tuì-tsí? (你敢當著我的面和他對質嗎？)
【在】(tsāi) 1.引介時間、地點或事情的範圍。例：算在內 sǹg-tsāi-lāi(算在裡面)。2.穩。指東西穩固或人穩重。例：坐較在咧。Tsē khah tsāi–leh. (坐穩一點。)；在膽 tsāi-tánn(有膽量)。穩3.任憑。例：在你去啦！Tsāi lí khì–lah! (隨你去啦！) 4.對於、根據。例：在你的看法是按怎？Tsāi lí ê khuànn-huat sī án-tsuánn? (就你的看法如何？) 5.成熟。例：番薯大猶未在，慢且收。Han-tsî tuā iáu buē tsāi, bān-tshiánn siu. (番薯還沒成熟，暫不收成。)；人若大到在矣就免食轉骨的補藥矣。Lâng nā tuā kàu tsāi–ah tō bián tsia̍h tńg-kut ê póo-io̍h–ah. (人若長大成熟就不用吃轉骨的補藥了。)
【之間】(tsi-kan)
【才會】(tsiah ē) 用來連結前後因果關係的詞語。例：伊先共我拍，我才會共伊拍。I sing kā guá phah, guá tsiah ē kā i phah. (他先打我，我才會打他。)
【從】(tsîng) 自從。例：伊從舊年到今攏無頭路。I tsîng kū-nî kàu-tann lóng bô thâu-lōo. (他從去年到現在都沒有工作。)
【總是】(tsóng–sī) 1.無論如何、不管如何，一種歸結的語氣。例：咱總是愛想辦法解決這件代誌。Lán tsóng–sī ài siūnn pān-huat kái-kuat tsit kiānn tāi-tsì. (無論如何我們都得想個辦法解決這件事。) 2.可是、但是。例：伊的性地是袂䆀，總是袂曉扞家就毋好。I ê sìng-tē sī bē bái, tsóng–sī bē-hiáu huānn-ke tō m̄ hó. (她的脾氣雖然不錯，但是不會持家就是不好。)
【自】(tsū) 1.本身。例：自己 tsū-kí。2.從某時開始。例：自細漢 tsū sè-hàn(從小)。
【除了】(tû-liáu)
【對】(uì) 1.朝向某物。例：伊將西瓜對中央破做兩爿。I tsiong si-kue uì tiong-ng phuà-tsò nn̄g pîng. (他將西瓜從中剖成兩半。) 2.往某方向前進。例：伊行對車頭去。I kiânn uì tshia-thâu khì. (他走到車站去。)；伊走對阮兜來。I tsáu uì guán tau lâi. (他往我家走來。)
【為止】(uî-tsí)
副詞
【曷】(a̍h) 1.何必、何須、哪。反問語，表示疑問。例：你曷使講彼號話？Lí a̍h-sái kóng hit-lō uē? (你何須說那種話？)；你曷著按呢做？Lí a̍h-tio̍h án-ne tsò? (你何必這樣做？) 2.表示強調的語氣。例：這種代誌你曷敢做？Tsit tsióng tāi-tsì lí a̍h kánn tsò? (這種事情你也敢做？)；這曷著講？Tse a̍h-tio̍h kóng? (這還用說？)
【曷使】(a̍h-sái) 何須、何必。那裡需要，反問語氣，表示沒有必要。例：這件代誌曷使講？看就知矣。Tsit kiānn tāi-tsì a̍h-sái kóng? Khuànn tō tsai–ah. (這件事情何必說？一看就知道了。)
【曷著】(a̍h-tio̍h) 何須、何必。哪裡需要。反問語氣，表示沒有必要。例：這逐家攏知矣，你曷著閣講？Tse ta̍k-ke lóng tsai–ah, lí a̍h-tio̍h koh kóng? (這大家都知道，你何必再說？)
【暗中】(àm-tiong) 私下、背地裡。例：暗中探聽伊的消息。Àm-tiong thàm-thiann i ê siau-sit. (暗中打聽他的消息。)
【按呢】(án-ne/án-ni) 這樣、如此。例：伊若真正按呢做，就傷超過矣。I nā tsin-tsiànn án-ne tsò, tō siunn tshiau-kuè–ah. (他如果真的這樣做，就太過份了。)
【按怎】(án-tsuánn) 怎麼、怎樣。通常用於詢問原因、方式等，有時也含有挑釁的意味。例：到底著愛按怎做，你才會相信？Tàu-té tio̍h-ài án-tsuánn tsò, lí tsiah ē siong-sìn? (到底要怎麼做，你才會相信？)
【按怎樣】(án-tsuánn-iūnn) 怎麼樣、怎樣。見【按怎】án-tsuánn 條。
【峇微】(bâ-bui) 稍微、似有若無。例：峇微甜 bâ-bui tinn(有點甜)、峇微笑 bâ-bui tshiò(微笑)。
【慢慢仔】(bān-bān-á) 緩緩地、緩慢地。例：有話慢慢仔講。Ū uē bān-bān-á kóng. (有話慢慢說。)
【萬一】(bān-it) 萬分之一，形容極其微小的機會或事情。例：萬一伊若知影這件代誌，一定會起性地。Bān-it i nā tsai-iánn tsit kiānn tāi-tsì, it-tīng ē khí-sìng-tē. (萬一他知道這件事情，一定會發脾氣的。)
【慢且】(bān-tshiánn) 且慢、等一下、稍待片刻。例：頭家猶未來，咱慢且決定。Thâu-ke iáu-buē lâi, lán bān-tshiánn kuat-tīng. (老闆還沒來，我們等一下再決定。)
【慢且是】(bān-tshiánn-sī) 且慢、等一下、稍待片刻。例：慢且是，等伊來才閣講。Bān-tshiánn-sī, tán i lâi tsiah-koh kóng. (等一下，等他來了再說。)
【袂䆀】(bē-bái/buē-bái) 不錯。例：伊做人袂䆀。I tsò-lâng bē-bái. (他為人不錯。)
【袂用得】(bē-īng-tit/buē-īng-tit) 1.不可以。語氣完結時唸作bē-īng–tit。例：落雨天袂用得去溪邊𨑨迌！Lo̍h-hōo-thinn bē-īng-tit khì khe-pinn tshit-thô! (下雨天不可以去溪邊玩耍！) 2.不能用。語氣完結時唸作bē īng–tit。例：你昨昏買的彼枝筆袂用得。Lí tsa-hng bé–ê hit ki pit bē-īng–tit. (你昨天買的那枝筆不能用。)
【袂使得】(bē-sái-tit/buē-sái-tit) 不可以、使不得。語氣完結時唸作bē-sái–tit。例：這搭的路面頭拄仔才鞏的，你袂使得烏白踏。Tsit tah ê lōo-bīn thâu-tú-á tsiah khōng–ê, lí bē-sái-tit oo-pe̍h ta̍h. (這裡的路面剛剛鋪的，你不可以亂踩。)
【袂使】(bē-sái/buē-sái) 不可以、使不得。例：你袂使佮伊出去𨑨迌！Lí bē-sái kah i tshut-khì tshit-thô! (你不可以和他出去玩！)
【袂得通】(bē-tit-thang/buē-tit-thang) 因某種原因造成無法從事某種活動。例：因為伊愛去讀冊，所以袂得通去𨑨迌。In-uī i ài khì tha̍k-tsheh, sóo-í bē-tit-thang khì tshit-thô. (因為他要去讀書，所以不能去玩耍。)
【袂直】(bē-ti̍t/buē-ti̍t) 1.小題大作，沒完沒了。例：毋拄好共伊挨著，按呢就袂直矣。M̄-tú-hó kā i e–tio̍h, án-ne tō bē-ti̍t–ah. (若不小心碰到他，就沒完沒了了。) 2.收支無法平衡。例：兩翁某仙趁都袂直。Nn̄g ang-bóo sian thàn to bē-ti̍t. (兩夫妻怎麼賺都無法維持收支平衡。)
【袂】(bē/buē) 不。否定詞。例：袂曉 bē-hiáu(不會)、袂講得 bē-kóng–tit(說不得)。
【未免】(bī-bián) 不能排除。表示明確的語意，但語氣略為和緩。例：伊按呢做，未免傷酷刑！I án-ne tsò, bī-bián siunn khok-hîng! (他這樣做，未免太殘酷了！)
【勉強】(bián-kióng) 勉強。強迫別人去做他所不願意做的事。例：感情的代誌是袂當勉強的。Kám-tsîng ê tāi-tsì sī bē-tàng bián-kióng–ê. (感情的事是勉強不來的。)
【面頭前】(bīn-thâu-tsîng) 眼前、面前。例：伊都徛佇你的面頭前矣，你閣無看著。I to khiā tī lí ê bīn-thâu-tsîng–ah, lí koh bô khuànn–tio̍h. (他都站在你面前了，你還沒看到。)
【面頂】(bīn-tíng) 上面。例：麻煩你共面頂彼本冊提來予我。Mâ-huân lí kā bīn-tíng hit pún tsheh the̍h-lâi hōo–guá. (麻煩你把上面那本書拿來給我。)
【明明】(bîng-bîng) 確實。例：我明明有聽著伊的聲，哪會揣無人？Guá bîng-bîng ū thiann-tio̍h i ê siann, ná ē tshuē-bô lâng? (我明明有聽到他的聲音，怎麼會找不到人？)
【無要緊】(bô iàu-kín) 不要緊、沒關係。例：物件若好，較貴一點仔無要緊。Mi̍h-kiānn nā hó, khah kuì–tsi̍t-tiám-á bô iàu-kín. (東西如果品質好，貴一點沒關係。)
【無疑】(bô-gî) 料想不到、不料。例：無疑伊會做這款代誌。Bô-gî i ē tsò tsit khuán tāi-tsì. (沒料到他會做這種事。)
【無疑悟】(bô-gî-ngōo) 不料、想不到。例：無疑悟你會出國讀冊。Bô-gî-ngōo lí ē tshut-kok tha̍k-tsheh. (想不到你會出國念書。)
【無偌久】(bô-guā-kú) 不久、沒多久。例：你才走無偌久，伊就來矣。Lí tsiah tsáu bô-guā-kú, i tō lâi–ah. (你才剛離開沒多久，他就來了。)
【無意中】(bô-ì-tiong) 意外、無意間。例：這張舊相片是我無意中揣著的。Tsit tiunn kū-siòng-phìnn sī guá bô ì tiong tshuē–tio̍h-ê. (這張舊相片是我無意中找到的。)
【無啥物】(bô-siánn-mih) 沒什麼、沒關係。表示不在乎、無所謂的態度。例：這無啥物啦，免緊張。Tse bô-siánn-mih–lah, bián kín-tiunn. (這沒什麼啦，別緊張。)
【無通】(bô-thong) 不可行、不妥切。例：我感覺按呢做無通。Guá kám-kak án-ne tsò bô-thong. (我覺得這樣做不可行。)
【無定著】(bô-tiānn-tio̍h) 1.也許、說不定。例：無定著彼件代誌就是伊做的。Bô-tiānn-tio̍h hit kiānn tāi-tsì tō sī i tsò–ê. (說不定那件事就是他做的。) 2.指小孩子不安定，無法安靜下來。例：彼个囡仔足無定著，坐都坐袂牢。Hit ê gín-á tsiok bô-tiānn-tio̍h, tsē to tsē bē tiâu. (那個小孩很沒定性，坐都坐不住。)
【無的確】(bô-tik-khak) 說不定、不一定。例：我今仔日無的確會加班。Guá kin-á-ji̍t bô-tik-khak ē ka-pan. (我今天說不定會加班。)
【無張持】(bô-tiunn-tî) 1.突然、冷不防。形容情況發生急促且出人意料之外。例：伊無張持喝一聲，逐家攏驚一趒。I bô-tiunn-tî huah tsi̍t siann, ta̍k-ke lóng kiann tsi̍t tiô. (他突然大喊一聲，大家都嚇了一跳。) 突然、無意中、突然間2.不小心。沒注意到。例：真歹勢，無張持共你挨著。Tsin pháinn-sè, bô-tiunn-tî kā lí e–tio̍h. (真抱歉，不小心撞到你。) 無細膩、無小心、無注意刁工、刁意故、張持
【無拄好】(bô-tú-hó) 不巧。例：伊偷走出去買枝仔冰，無拄好去予老師拄著。I thau tsáu tshut-khì bé ki-á-ping, bô-tú-hó khì hōo lāu-su tú–tio̍h. (他偷跑出去買冰棒，不巧被老師碰到。)
【莫】(bo̍k) 表示否定的意思。例：莫非 bo̍k-hui(難道)、莫怪 bo̍k-kuài(難怪)。
【莫名其妙】(bo̍k-bîng-kî-miāu)
【莫非】(bo̍k-hui) 難道。加強語氣的反問詞。例：莫非代誌是伊做的，無，伊哪會攏無出面？Bo̍k-hui tāi-tsì sī i tsò–ê, bô, i ná ē lóng bô tshut-bīn? (難道事情是他做的？要不然他怎麼都沒有出面？)
【罔】(bóng) 姑且、將就。例：我是罔講爾爾。Guá sī bóng kóng niā-niā. (我是姑且說說而已。)；罔食 bóng tsia̍h(將就著吃)、罔飼 bóng-tshī(姑且餵養著)。
【無比】(bû-pí)
【尾手】(bué-tshiú/bé-tshiú) 最後，手中剩下的。例：伊頭先講好，尾手閣講無愛。I thâu-sing kóng hó, bué-tshiú koh kóng bô ài. (他剛開始說好，之後又說不要了。)
【未曾未】(buē-tsîng-buē/bē-tsîng-bē) 還沒……就……。例：大學猶未出業，未曾未就欲家己開店做生理。Tāi -ha̍k iáu-buē tshut-gia̍p, buē-tsîng-buē tō beh ka-kī khui-tiàm tsò sing-lí. (大學還沒畢業，就要自己開店做生意。)
【未曾】(buē-tsîng/bē-tsîng) 尚未、還沒。例：未曾學行，就欲學飛。Buē-tsîng o̍h kiânn, tō beh o̍h pue. (還不會走，就想學飛。)
【會使】(ē-sái) 可以、能夠。例：我功課若寫好就會使去看電影矣。Guá kong-khò nā siá hó tō ē-sái khì khuànn tiān-iánn–ah. (我功課如果寫好就可以去看電影了。)
【會使得】(ē-sái-tit) 可以、可行。人、東西可以使用或是事情行得通。語氣完結時唸作ē-sái–tit。例：這項物件閣會使得用，毋通擲掉。Tsit hāng mi̍h-kiānn koh ē-sái-tit īng, m̄-thang tàn tiāu. (這個東西還可以使用，不要丟掉。)
【會當】(ē-tàng) 可以。能夠、做得到。例：第一个要求我會當答應你，第二个我就愛閣考慮一下。Tē-it ê iau-kiû guá ē-tàng tah-ìng–lí, tē-jī ê guá tō ài koh khó-lī–tsi̍t-ē. (第一個要求我可以答應你，第二個要求我就得再考慮一下才行。)
【會得】(ē-tit) 能夠、可以。例：會得過日就好矣，毋免欣羨別人好額。Ē-tit kuè-ji̍t tō hó–ah, m̄-bián him-siān pa̍t-lâng hó-gia̍h. (日子過得下去就好，不用羨慕別人富裕。)
【會得通】(ē-tit-thang) 可以、得以、能夠。例：是伊共我暗示，我才會得通過關。Sī i kā guá àm-sī, guá tsiah ē-tit-thang kuè kuan. (是他給我暗示，我才得以過關。)
【偌】(guā) 多少。例：這本冊偌濟錢？Tsit pún tsheh guā-tsē tsînn? (這本書多少錢？)
【偌爾】(guā-nī) 多麼。加重語氣時唸作guā-á-nī。例：毋管生活偌爾艱苦，總是愛繼續拍拚落去。M̄ kuán sing-ua̍h guā-nī kan-khóo, tsóng–sī ài kè-sio̍k phah-piànn–lo̍h-khì. (不管生活多麼艱苦，總是必須繼續打拼下去。)
【原本】(guân-pún) 本來、原先。例：我原本是蹛佇美國，尾仔才搬轉來臺灣。Guá guân-pún sī tuà tī Bí-kok, bué–á tsiah puann tńg-lâi Tâi-uân. (我原先是住在美國，後來才搬回臺灣。)
【原底】(guân-té/guân-tué) 原本、原先。例：伊原底是欲先讀冊，因為大學考無牢才去揣頭路。I guân-té sī beh sing tha̍k-tsheh, in-uī tāi-ha̍k khó bô tiâu tsiah khì tshuē thâu-lōo. (他原本是要先讀書，是大學沒考上才去找工作。)
【原在】(guân-tsāi) 仍舊、照舊。與原來的一樣，沒有改變。例：物件原在囥佇遐，攏無徙位。Mi̍h-kiānn guân-tsāi khǹg tī hia, lóng bô suá-uī. (東西仍舊放在那裡，都沒移動。)
【罕】(hán) 偶爾、難得。例：你今仔日哪會遮爾仔罕行？Lí kin-á-ji̍t ná ē tsiah-nī-á hán-kiânn? (你今天怎麼這麼難得來拜訪呢？)
【遐】(hiah) 那麼。例：遐濟人 hiah tsē lâng(那麼多人)、遐爾仔 hiah-nī-á(那麼)。
【險險】(hiám-hiám) 差一點、險些。例：伊雄雄走出來，我險險共伊挵著。I hiông-hiông tsáu–tshut-lâi, guá hiám-hiám kā i lòng–tio̍h. (他突然跑出來，我差一點撞到他。)
【現拄現】(hiān-tú-hiān) 明擺著、事實上就是。例：代誌現拄現就是按呢，你欲閣諍啥物？Tāi-tsì hiān-tú-hiān tō sī án-ne, lí beh koh tsènn siánn-mih? (事實明明就是如此，你還要爭什麼？)
【雄雄】(hiông-hiông) 突然、猛然、一時間。例：你叫做啥物名，我雄雄煞袂記得。Lí kiò-tsò siánn-mih miâ, guá hiông-hiông suah bē-kì–tit. (你叫做什麼名字，我一時間想不起來。)
【好好】(hó-hó)
【何苦】(hô-khóo) 何必。有不值得的意思。例：你何苦著按呢？Lí hô-khóo tio̍h án-ne? (你何必這樣？)
【何乜苦】(hô-mí-khóo) 何苦、何苦來。何必自尋苦惱，為反問語，表不值得、不需要。例：伊都無愛你，你何乜苦一直等伊？I to bô ài–lí, lí hô-mí-khóo it-ti̍t tán–i? (既然他不愛你，你何苦一直等他？)
【何必】(hô-pit) 為何一定要……。例：你何必著親身走這逝？Lí hô-pit tio̍h tshin-sin tsáu tsit tsuā? (你為何一定要親自跑這一趟？)
【彷彿】(hóng-hut)
【橫直】(huâinn-ti̍t/huînn-ti̍t) 橫豎、反正。無論如何。例：毋管你按怎講，橫直我毋信。M̄-kuán lí án-tsuánn kóng, huâinn-ti̍t guá m̄ sìn. (不管你怎麼說，反正我不相信。)
【反倒轉】(huán-tò-tńg) 反倒、反而。例：伊毋但無抾恨，反倒轉閣來共咱鬥相共。I m̄-nā bô khioh-hīn, huán-tò-tńg koh lâi kā lán tàu-sann-kāng. (他不但沒有記恨，反倒來幫我們忙。)
【反正】(huán-tsìng) 無論如何。見【橫直】huâinn-ti̍t 條。
【凡】(huān) 人世間、塵俗。例：凡間 huān-kan、仙女下凡 sian-lú hā-huān。
【凡勢】(huān-sè) 也許、可能。例：天遐爾仔烏，等咧凡勢會落雨。Thinn hiah-nī-á oo, tán–leh huān-sè ē lo̍h-hōo. (天那麼黑，等一會兒也許會下雨。)
【分明】(hun-bîng) 明明。明顯、顯然。例：你分明是咧騙我，著無？Lí hun-bîng sī teh phiàn–guá, tio̍h–bô? (你很明顯地是在騙我，對不對？)
【忽然】(hut-jiân/hut-liân) 突然。一種動作或事物出乎意外的迅速出現。
【已經】(í-king)
【也好】(iā hó) 也好、也行。例：有也好，無也好。Ū iā hó, bô iā hó. (有也好，沒有也好。)
【也是】(iā sī) 1.還是、也是。例：你閣按怎講，伊也是聽袂入耳。Lí koh án-tsuánn kóng, i iā sī thiann bē ji̍p-ní. (你再怎麼說，他還是聽不進去。) 猶是2.也是。例：伊是老師，也是學生。I sī lāu-su, iā sī ha̍k-sing. (他是老師，也是學生。) 嘛是
【猶】(iáu) 還。表示仍舊、尚且。例：伊猶咧睏。I iáu teh khùn. (他還在睡覺。)；這台車猶會使騎。Tsit tâi tshia iáu ē-sái khiâ. (這部車還能騎。)
【猶未】(iáu-buē/iáu-bē) 還沒有、尚未。例：你寄的批我猶未收著。Lí kià ê phue guá iáu-buē siu–tio̍h. (你寄的信我還沒收到。)
【猶閣】(iáu-koh) 還、依然、仍舊。例：代誌到這个地步矣，你猶閣有啥物話通講？Tāi-tsì kàu tsit ê tē-pōo–ah, lí iáu-koh ū siánn-mih uē thang kóng? (事情都到這個地步了，你還有什麼話說？)
【猶閣咧】(iáu-koh teh) 還在進行某種行為或處於某階段。例：伊猶閣咧食飯。I iáu-koh teh tsia̍h-pn̄g. (他還在吃飯。)
【應該】(ing-kai) 1.應當。理所當然，分內所應為。2.活該。例：叫你莫去你毋聽，有這種結果，應該啦！Kiò lí mài khì lí m̄ thiann, ū tsit tsióng kiat-kó, ing-kai–lah! (叫你別去你不聽，有這種結果，活該啦！)
【應當】(ing-tong)
【往往】(íng-íng) 每每、經常。例：少年人往往攏較衝碰。Siàu-liân-lâng íng-íng lóng khah tshóng-pōng. (年輕人每每都比較衝動。)
【一來】(it–lâi) 首先。例：一來我無時間，二來我無興趣，所以我無欲參加。It–lâi guá bô sî-kan, jī–lâi guá bô hìng-tshù, só-í guá bô beh tsham-ka. (一來我沒時間，二來我沒興趣，所以我沒有要參加。)
【一向】(it-hiòng)
【一律】(it-lu̍t) 全部都一樣。例：伊對伊的學生一律攏真嚴格。I tuì i ê ha̍k-sing it-lu̍t lóng tsin giâm-keh. (他對他的學生一律都很嚴格。)
【一旦】(it-tàn) 1.假使有一天。例：一旦地動，彼間厝就會倒。It-tàn tē-tāng, hit king tshù tō ē tó. (一旦地震，那間房子就會倒。) 2.短暫的時間。例：毀於一旦 huí î it-tàn。
【一直】(it-ti̍t) 1.朝同一個方向直行而去。例：一直向前行，毋免轉斡。It-ti̍t hiòng tsîng kiânn, m̄-bián tńg-uat. (一直向前走過去，不用轉彎。) 2.持續不間斷。例：阿美一直咧掃塗跤，攏無歇睏。A-bí it-ti̍t teh sàu thôo-kha, lóng bô hioh-khùn. (阿美一直在掃地，都沒有休息。)
【一再】(it-tsài)
【猶原】(iu-guân) 仍然、仍舊。表示狀況不變，持續下去。例：伊猶原佇遐咧等你。I iu-guân tī hia teh tán–lí. (他仍舊在那裡等你。)
【又】(iū) 再、復。例：食又欲食，穡又毋做，真害！Tsia̍h iū beh tsia̍h, sit iū m̄ tsò, tsin hāi! (吃又要吃，工作又不肯做，真糟糕！)
【又閣】(iū-koh) 又、再，表示動作或現象的重複。例：伊又閣來矣。I iū-koh lâi–ah. (他又來了。)
【如同】(jû-tông/lû-tông)
【如此】(jû-tshú/lû-tshú) 這樣。例：既然如此 kì-jiân jû-tshú、原來如此 guân-lâi jû-tshú。
【佳哉】(ka-tsài) 幸虧、好在。例：佳哉你有紮雨傘，無，咱就愛沃雨矣。Ka-tsài lí ū tsah hōo-suànn, bô, lán tō ài ak-hōo–ah. (好在你有帶雨傘，不然，我們就要淋雨了。)
【皆】(kai) 全、都。例：萬般皆是命，半點不由人。Bān-pan kai sī bīng, puàn-tiám put iû jîn. (一切都是命，一點也由不得人。比喻人生的際遇皆由命運安排，絲毫不能自主。)
【該】(kai) 應該、理所當然。例：這件代誌是你該做的。Tsit kiānn tāi-tsì sī lí kai tsò–ê. (這件事情是你該做的。)
【介在】(kài-tsāi) 在於。例：代誌會成袂成，介在你欲做毋做。Tāi-tsì ē sîng bē sîng, kài-tsāi lí beh tsò m̄ tsò. (事情能否成功，在於你是否願意去做。)
【敢通】(kám thang) 怎麼可以、怎能。通常用在反問句，表示否定。例：伊遐爾無閒，這款小事敢通去麻煩伊？I hiah-nī bô-îng, tsit khuán sió-sū kám thang khì mâ-huân–i? (他那麼忙，這點小事怎麼可以去麻煩他？)
【敢講】(kám-kóng) 難道說。例：敢講你對我一點仔感情都無？Kám-kóng lí tuì guá tsi̍t-tiám-á kám-tsîng to bô? (難道說你對我一點感情都沒有？)
【干休】(kan-hiu) 停止、罷休。例：我無欲放伊干休。Guá bô beh pàng i kan-hiu. (我不會放過他。)
【干干仔】(kan-kan-á) 偏偏。例：叫你莫，你干干仔欲！ Kiò lí mài, lí kan-kan-á beh!(叫你不要，你偏要！)
【干焦】(kan-na) 只有、僅僅。例：干焦賰遮的菜爾爾，你欲無？Kan-na tshun tsia-ê tshài niā-niā, lí beh–bô? (只剩這些菜而已，你要嗎？) 獨獨毋但
【敢若】(kánn-ná) 好像、似乎。例：敢若是伊，閣敢若毋是。Kánn-ná sī i, koh kánn-ná m̄ sī. (好像是他，又好像不是。)
【夠】(kàu) 足夠。表示達到一定的數量或程度。例：按呢無夠，你愛閣補一寡仔，才有夠通分。Án-ne bô kàu, lí ài koh póo–tsi̍t-kuá-á, tsiah ū-kàu thang pun. (這樣數量不夠，你要再補一些才夠分。)
【夠用】(kàu-īng) 費用足夠，可以支應一切開支。例：一月日愛偌濟錢才有夠用。Tsi̍t gue̍h-ji̍t ài guā-tsē tsînn tsiah ū kàu-īng. (一個月要多少錢才夠用。)
【到今】(kàu-tann) 及今、如今、至今。到如今。例：到今你才知！Kàu-tann lí tsiah tsai! (你現在才知道啊！)
【到地】(kàu-tè) 1.動詞後綴，到了極點。指事情進行到某一完結的階段。例：氣到地矣煞共桌仔反掉。Khì kàu-tè–ah suah kā toh-á píng tiāu. (氣到了極點而把桌子翻了。) 2.到達目的地。例：幾點會到地？Kuí tiám ē kàu-tè? (幾點會到達目的地？)
【加】(ke) 1.增益、添加。例：寄話會加，寄物會減。Kià-uē ē ke, kià mi̍h ē kiám. (請人傳話會被加油添醋，寄放東西則可能會被揩油。) 2.比原來的數量多，或比比較對象多。例：伊加找我五十箍。I ke tsāu guá gōo-tsa̍p khoo. (他多找我五十塊錢。)；伊看起來加較少年。I khuànn–khí-lâi ke khah siàu-liân. (他看起來年輕多了。) 3.多餘、原本不必要。例：予你加無閒，真歹勢。Hōo lí ke bô-îng, tsin pháinn-sè. (讓您增加麻煩，多了許多事，真是不好意思。)
【加減】(ke-kiám) 多少。例：你愛加減食一寡，病才會較快好。Lí ài ke-kiám tsia̍h–tsi̍t-kuá, pēnn tsiah ē khah khuài hó. (你多少吃一點，病才會比較快痊癒。) 濟少、多少
【假影】(ké-iánn) 假裝、假的。例：你是真正毋知，抑是假影毋知？Lí sī tsin-tsiànn m̄ tsai, ia̍h-sī ké-iánn m̄ tsai? (你是真不知道，還是假不知道？)
【繼續】(kè-sio̍k) 連續而不間斷。例：歇十分鐘了，逐家繼續開會。Hioh tsa̍p hun-tsing liáu, ta̍k-ke kè-sio̍k khui-huē. (休息十分鐘後，大家繼續開會。)
【盍】(khah) 豈。難道、怎麼，表示疑問的語氣。例：盍會按呢？Khah ē án-ne? (怎麼會這樣？)
【較講】(khah-kóng) 再怎麼說也……、無論如何總是……。常與「嘛」連用。例：較講嘛愛讀較濟冊咧。Khah-kóng mā ài tha̍k khah tsē tsheh–leh. (無論如何總是要多唸些書。)
【較輸】(khah-su) 不如、比不上。例：你連這點仔道理都毋捌，較輸一个無讀冊的。Lí liân tsit-tiám-á tō-lí to m̄ bat, khah-su tsi̍t ê bô tha̍k-tsheh–ê. (你連這點道理都不懂，還不如一個沒受教育的人。)
【開始】(khai-sí)
【確保】(khak-pó)
【空手】(khang-tshiú) 手中空無一物。例：你毋是去買物件，哪會空手轉來？Lí m̄ sī khì bé mi̍h-kiānn, ná ē khang-tshiú tńg–lâi? (你不是要去買東西，怎麼空手回來？)
【磕袂著】(kha̍p-bē-tio̍h/kha̍p-buē-tio̍h) 動不動就……。例：伊磕袂著就欲罵人。I kha̍p-bē-tio̍h tō beh mē–lâng. (他動不動就要罵人。)
【起碼】(khí-má) 至少。例：這尾魚仔起碼有三斤。Tsit bué hî-á khí-má ū sann kin. (這條魚至少有三斤。)
【起頭】(khí-thâu) 起初、開頭。例：欲做學問，起頭著愛共基礎拍予伊好。Beh tsò ha̍k-būn, khí-thâu tio̍h-ài kā ki-tshóo phah hōo i hó. (要做學問，開頭就要把基礎打好。)
【徛算講】(khiā-sǹg-kóng) 就好像說、也就是說。例：徛算講伊較毋捌代誌，你小讓伊一下。Khiā-sǹg-kóng i khah m̄-bat tāi-tsì, lí sió niū–i–tsi̍t-ē. (姑念他較不懂事，你稍微讓他一下。)
【恐驚】(khióng-kiann) 恐怕、惟恐。例：代誌恐驚見無遐爾簡單。Tāi-tsì khióng-kiann kìnn bô hiah-nī kán-tan. (事情恐怕沒那麼簡單。)
【可】(khó) 1.應允，行得通。例：可以 khó-í。2.顯然。例：可見 khó-kiàn。3.或者。例：可能 khó-lîng。
【可以】(khó-í)
【可能】(khó-lîng) 1.或許，也許。例：伊可能袂來矣。I khó-lîng bē lâi–ah. (他可能不會來了。) 2.可能性。例：有這款可能。Ū tsit khuán khó-lîng. (有這種可能。)
【寬寬仔】(khuann-khuann-á) 慢慢地。例：你寬寬仔來就好。Lí khuann-khuann-á lâi tō hó. (你慢慢來就好。)
【寬寬仔是】(khuann-khuann-á-sī) 慢慢來。叫人不要著急。例：寬寬仔是就好，毋免趕。Khuann-khuann-á-sī tō hó, m̄-bián kuánn. (慢慢來就好，不用趕。)
【看覓】(khuànn-māi) 1.看一看、看一下。例：你去看覓，才來共我講。Lí khì khuànn-māi, tsiah lâi kā guá kóng.(你去看一看，再來告訴我。) 2.動詞後綴，表嘗試之意。例：食看覓 tsia̍h khuànn-māi(吃吃看)、鼻看覓 phīnn khuànn-māi(聞聞看)。
【其實】(kî-si̍t) 實際上、說真的。例：其實，這攏是伊替我做的。Kî-si̍t, tse lóng sī i thè guá tsò–ê. (說真的，這都是他替我做的。)
【其中】(kî-tiong) 當中，在這中間。例：伊講的話其中有一寡問題。I kóng ê uē kî-tiong ū tsi̍t-kuá būn-tê. (他講的話其中有一些蹊蹺。)
【檢采】(kiám-tshái) 如果、或許、萬一、說不定。例：檢采赴袂著尾幫車，你就留蹛𪜶兜隔暝好矣。Kiám-tshái hù-be-tio̍h bué-pang-tshia, lí tō lâu tuà in tau keh-mê hó–ah. (如果趕不及末班車，你就留在他家過夜好了。)
【見若】(kiàn-nā) 凡是、只要。例：見若拄著王的，伊攏會請我食飯。Kiàn-nā tú-tio̍h Ông–ê, i lóng ē tshiánn guá tsia̍h-pn̄g. (只要碰到老王，他都會請我吃飯。)
【見擺】(kiàn-pái) 每次。意指同樣的狀況經常性的發生。例：見擺你都按呢講，見擺攏做袂好勢。Kiàn-pái lí to án-ne kóng, kiàn-pái lóng tsò bē hó-sè. (你每次都這麼說，卻每次都做不好。)
【緊慢】(kín-bān) 遲早、早晚。見【早慢】tsá-bān 條。
【竟然】(kìng-jiân/kìng-liân) 居然。與原先設想的事實有所出入的。例：你竟然敢毋聽我的話。Lí kìng-jiân kánn m̄ thiann guá ê uē. (你居然敢不聽我的話。)
【更加】(kìng-ka)
【強迫】(kiông-pik)
【強欲】(kiōng-beh/kiōng-bueh) 幾乎要。例：聽伊講遐的話，我聽甲強欲起性地。Thiann i kóng hiah–ê uē, guá thiann kah kiōng-beh khí-sìng-tē. (聽到他講的那些話，我聽得幾乎要發脾氣。)
【強強】(kiōng-kiōng) 幾乎。例：我腹肚疼甲強強欲接載袂牢。Guá pak-tóo thiànn kah kiōng-kiōng beh tsih-tsài bē-tiâu. (我的肚子痛得幾乎無法忍受。) 差不多
【共同】(kiōng-tông)
【及時】(ki̍p-sî) 把握時機、正趕上需要、正趕上時機。
【究竟】(kiù-kìng)
【果然】(kó-jiân/kó-liân) 果真。事情與所預料的一樣。例：我臆了無毋著，物件果然是伊提去的。Guá ioh liáu bô m̄-tio̍h, mi̍h-kiānn kó-jiân sī i the̍h–khì–ê. (我猜得沒錯，東西果然是他拿去的。)
【閣】(koh) 1.又、再、還。例：今仔日伊閣來矣。Kin-á-ji̍t i koh lâi–ah. (今天他又來了。)；伊講明仔載欲閣來。I kóng bîn-á-tsài beh koh lâi. (他說明天要再來。)；叫你莫來你閣來。Kiò lí mài lâi lí koh lâi. (叫你別來你又來。) 2.反倒、出乎意料。例：伊第一擺煮的菜閣袂歹食。I tē-it pái tsú ê tshài koh bē pháinn-tsia̍h. (他第一次煮的菜還不難吃。) 3.用在句尾，說成變調，表示有話沒講完。例：我都食飽矣閣……。Guá to tsia̍h-pá–ah koh… (我都吃飽了還…)；人都下班矣閣……。Lâng to hā pan–ah koh… (人家都下班了還…)
【閣較】(koh-khah) 1.更加。例：我比伊閣較毋願。Guá pí i koh-khah m̄-guān. (我比他更加不甘心。) 2.再怎麼。例：你莫怨嘆矣，閣較按怎講伊嘛是恁老爸。Lí mài uàn-thàn–ah, koh-khah án-tsuánn kóng i mā sī lín lāu-pē. (你別再埋怨了，再怎麼說他還是你父親。)
【公開】(kong-khai) 1.揭露、不加掩飾。例：伊決定欲公開所有的代誌。I kuat-tīng beh kong-khai sóo-ū ê tāi-tsì. (他決定要公開所有的事情。) 2.開放的，人人可見的。例：伊公開展覽伊的私人花園。I kong-khai tián-lám i ê su-jîn hue-hn̂g. (他把他的私人花園公開展覽。)
【姑不而將】(koo-put-jî-tsiong/koo-put-lî-tsiong) 不得已、無可奈何。例：我會按呢做嘛是姑不而將。Guá ē án-ne tsò mā-sī koo-put-jî-tsiong. (我會這樣做也是不得已。)
【歸尾】(kui-bué/kui-bé) 到頭來、結果。例：伊走去覕佇庄跤，歸尾嘛是予債主揣著。I tsáu-khì bih tī tsng-kha, kui-bué mā sī hōo tsè-tsú tshuē–tio̍h. (他躲到鄉下去，最後還是被債主找到。)
【難免】(lân-bián) 不免。例：拄著淹水這種代誌，受災戶難免會受氣。Tú-tio̍h im-tsuí tsit tsióng tāi-tsì, siū-tsai-hōo lân-bián ē siū-khì. (遇到淹水這種事情，受災戶難免會生氣。)
【落落】(làu-làu) 鬆鬆地，快掉了的樣子。例：你的褲敢是刁工穿甲落落的？Lí ê khòo kám sī tiau-kang tshīng kah làu-làu–ê? (你的褲子是故意穿得快掉下來的樣子嗎？)
【哩哩囉囉】(li-li-lo-lo) 語言不清楚。例：你講甲哩哩囉囉，我聽攏無！Lí kóng kah li-li-lo-lo, guá thiann lóng bô! (你講得不清不楚，我都聽不懂！)
【連鞭】(liâm-mi) 馬上，立刻。即時。例：你小等一下，連鞭就好矣。Lí sió-tán–tsi̍t-ē, liâm-mi tō hó–ah. (你稍等一下，馬上就好了。)
【輾轉】(liàn-tńg) 說話流利暢達。例：伊大舌所以講話袂輾轉。I tuā-tsi̍h sóo-í kóng-uē bē liàn-tńg. (他大舌頭所以講話不流暢。)；伊德語講了真輾轉。I tik-gí kóng liáu tsin liàn-tńg. (他德語說得很流暢。)
【連續】(liân-sio̍k) 持續不斷。
【連紲】(liân-suà) 連續、接連不斷。例：伊連紲三擺攏考第一名。I liân-suà sann pái lóng khó tē-it miâ. (他連續三次都考第一名。)
【聊聊仔】(liâu-liâu-á) 慢慢地、謹慎小心地。例：燒茶聊聊仔啉。Sio tê liâu-liâu-á lim. (熱茶慢慢喝。)
【寧可】(lîng-khó) 1.不如、最好。在不很滿意的情況下所做的抉擇。例：我寧可去做苦工嘛無愛去做賊。Guá lîng-khó khì tsò khóo-kang mā bô ài khì tsò tsha̍t. (我寧可去做苦工也不願去當賊。) 2.寧願。例：寧可信其有，不可信其無。Lîng-khó sìn kî iú, put khó sìn kî bû.
【另外】(līng-guā) 1.除此之外。例：另外買一个雞卵糕送𪜶老母。Līng-guā bé tsi̍t-ê ke-nn̄g-ko sàng in lāu-bú. (另外買一個雞蛋糕送他母親。) 2.代詞。例：敢閣有另外的人欲來？Kám koh-ū līng-guā ê lâng beh lâi? (有其他人要來嗎？)
【略仔】(lio̍h-á) 稍微、約略。例：彼件代誌我干焦略仔知爾爾。Hit kiānn tāi-tsì guá kan-na lio̍h-á tsai niā-niā. (那件事我只是約略知道而已。)
【略略仔】(lio̍h-lio̍h-á) 稍微、約略、些許。例：車尾有略略仔硞著。Tshia-bué ū lio̍h-lio̍h-á kho̍k–tio̍h. (車尾稍微有撞到。)
【量其約】(liōng-kî-iok) 大概、大約。例：你量其約報一个價予我。Lí liōng-kî-iok pò tsi̍t ê kè hōo–guá. (你報一個大概的價格給我。)
【冗早】(liōng-tsá) 趁早、及早、提早。例：這種代誌你毋著冗早講，這馬欲反悔已經袂赴矣。Tsit tsióng tāi-tsì lí m̄-tio̍h liōng-tsá kóng, tsit-má beh huán-hué í-king bē-hù–ah. (這種事你應該要趁早講，現在要反悔已經來不及了。)
【落】(loh) 置於時間詞之前，表示緊接在前後的年月日。例：落昨日 loh-tso̍h–ji̍t(大前天)、落後日 loh-āu–ji̍t(大後天)。
【毋好勢】(m̄ hó-sè) 不方便、不湊巧。例：若是一个毋好勢，代誌就去了了矣。Nā-sī tsi̍t ê m̄ hó-sè, tāi-tsì tō khì-liáu-liáu–ah. (若是一個不湊巧，事情就全完了。) 無拄好、不便
【毋免】(m̄-bián) 不必、不用、不需要。例：代誌做好矣，你毋免來矣。Tāi-tsì tsò hó–ah, lí m̄-bián lâi–ah. (事情已經辦好了，你不用來了。)
【毋通】(m̄-thang) 不可以、不要。是一種語氣較委婉的勸說或請求。例：你毋通傷晏轉來。Lí m̄-thang siunn uànn tńg–lâi. (你別太晚回來。)
【毋拄好】(m̄-tú-hó) 1.搞不好、不湊巧。例：你著愛紮雨傘去，毋拄好落雨就用會著。Lí tio̍h ài tsah hōo-suànn khì, m̄-tú-hó lo̍h-hōo tō īng ē tio̍h. (你要帶雨傘去，萬一下雨就用得到。) 無拄好拄好、都合2.不舒服。例：我今仔日人毋拄好。Guá kin-á-ji̍t lâng m̄-tú-hó. (我今天人不舒服。)
【馬上】(má-siōng) 立刻。例：我馬上就欲來走矣！Guá má-siōng tō beh lâi tsáu–ah! (我馬上就要走了！)
【嘛】(mā) 1.也 。例：遮的嘛攏是好的。Tsia–ê mā lóng sī hó–ê. (這些也都是好的。)；按呢嘛好 án-ne mā hó(這樣也好)。2.都。例：這逐家嘛看過。Tse ta̍k-ke mā khuànn–kuè. (這大家都看過。)；伊逐位嘛去過。I ta̍k-uī mā khì–kuè. (他四處都去過。) 3.表示不滿或不耐煩的語氣。例：你嘛較好心咧！Lí mā khah hó-sim–leh! (你也好心一點！)；你嘛行較緊咧！Lí mā kiânn khah kín–leh! (你也走快一點！)
【若】(ná) 1.好像、如同。例：講甲若真的。Kóng kah ná tsin–ê. (說得像真的一樣。)；若有若無 ná ū ná bô(好像有又好像沒有)。2.同一詞語在「若」字前後重出，表示與該語詞內容不相干或有藐視的意思。例：你講若你講，我才毋相信。Lí kóng ná lí kóng, guá tsiah m̄ siong-sìn. (你講歸你講，我才不相信。)
【哪未】(ná buē/ná bē) 為何還沒。例：哪未轉來？Ná buē tńg–lâi? (為何還沒回家？)
【哪會】(ná ē) 怎麼會。例：哪會按呢？Ná ē án-ne? (怎麼會這樣？)
【哪毋】(ná m̄) 何不。為什麼不。例：你哪毋去食飯？Lí ná m̄ khì tsia̍h-pn̄g? (你為什麼不去吃飯？)
【哪著】(ná-tio̍h) 何須。那裡需要。反問語氣，表示沒有必要。例：家己人哪著遮厚禮數？Ka-kī-lâng ná-tio̍h tsiah kāu-lé-sòo? (自己人何須多禮？)
【若親像】(ná-tshin-tshiūnn) 彷彿、好像。例：伊就若親像我的親人仝款！I tō ná-tshin-tshiūnn guá ê tshin-lâng kāng-khuán! (他就好像我的親人一樣！)
【若像】(ná-tshiūnn) 好像。例：這齣電影我若像捌看過。Tsit tshut tiān-iánn guá ná-tshiūnn bat khuànn–kuè. (我好像看過這部電影。)
【若是】(nā-sī) 如果、要是。假使、倘若。例：你若是人無爽快，就較早去歇睏。Lí nā-sī lâng bô-sóng-khuài, tō khah-tsá khì hioh-khùn. (你如果身體不舒服的話，就早一點去歇著吧。)
【若準】(nā-tsún) 如果、倘若。例：若準明仔載落雨，咱就莫去矣！Nā-tsún bîn-á-tsài lo̍h-hōo, lán tō mài khì–ah! (如果明天下雨，我們就不要去了！)
【百般】(pah-puann)
【偏偏】(phian-phian) 1.與事實或願望相反。例：我無愛佮伊做伙，偏偏閣佮伊仝班。Guá bô-ài kah i tsò-hué, phian-phian koh kah i kāng pan. (我不喜歡和他在一起，偏偏又和他同班。) 2.不巧。不恰巧，不能配合時機。例：我想欲出門，偏偏落雨矣。Guá siūnn-beh tshut-mn̂g, phian-phian lo̍h-hōo–ah. (我想要出門，不巧下雨了。) 3.故意、唱反調。例：你是偏偏欲佮我做對是無？Lí sī phian-phian beh kah guá tsò-tuì sī–bô? (你是故意跟我作對是不是？) 故意
【偏偏仔】(phian-phian-á) 故意與要求相反。例：我偏偏仔毋咧！Guá phian-phian-á m̄–leh! (我偏不要！)
【並】(phīng) 1.比較。例：相比並 sio pí-phīng(相互比較)、我佮你無並。 Guá kah lí bô phīng. (我跟你沒得比。) 2.比……。例：伊並我較用功。I phīng guá khah iōng-kong. (他比我還用功。) 3.最是、最為。例：你並愛哭的。Lí phīng ài khàu–ê. (你最愛哭了。) 4.倚靠在某個東西上。例：彼堵壁足垃圾，你毋通並佇遐。Hit tóo piah tsiok lah-sap, lí m̄-thang phīng tī hia. (那堵牆很髒，你不要靠在那裡。)
【畢竟】(pit-kìng)
【必須】(pit-su)
【必需】(pit-su)
【必定】(pit-tīng)
【本來】(pún-lâi) 1.原來、原先。例：這領衫本來是我的。Tsit niá sann pún-lâi sī guá ê. (這件衣服本來是我的。) 2.表示理所當然。例：本來就是按呢嘛！Pún-lâi tō sī án-ne–mah! (本來就是這樣嘛！)
【本底】(pún-té/pún-tué) 本來、原本。例：今仔日我本底欲去學校，騎車跋倒著傷才無去。Kin-á-ji̍t guá pún-té beh khì ha̍k-hāu, khiâ-tshia pua̍h-tó tio̍h-siong tsiah bô khì. (今天我本來要去學校，騎車摔倒受傷才沒去成。)
【本成】(pún-tsiânn) 本來。原來、原先。例：我本成就有想欲按呢做。Guá pún-tsiânn tō ū siūnn beh án-ne tsò. (我本來就有想要這樣做。)
【不】(put) 1.置於動詞或形容詞前表示否定。例：不孝 put-hàu、不幸 put-hīng。2.置於詞語中表示否定或選擇。例：三不五時 sam-put-gōo-sî(偶爾)、姑不將 koo-put-tsiong(不得已)。
【不而過】(put-jî-kò/put-lî-kò) 但是、不過。例：雖然今仔日是風颱天，不而過你嘛是愛去做工課。Sui-jiân kin-á-ji̍t sī hong-thai-thinn, put-jî-kò lí mā sī ài khì tsò khang-khuè. (雖然今天是颱風天，不過你還是得去工作。)
【不得】(put-tik)
【不再】(put-tsài)
【不止仔】(put-tsí-á) 非常、相當的意思。例：你穿這領衫閣不止仔媠。Lí tshīng tsit niá sann koh put-tsí-á suí. (你穿這件衣服相當漂亮。)
【相】(sann) 1.互相，指二人間發生某種動作狀態。例：相爭 sann-tsenn(互爭)。2.由一方對另一方進行。例：鬥相共 tàu-sann-kāng(幫忙我)。
【相佮】(sann-kap) 共同、一起。例：咱這馬相佮來祈禱。Lán tsit-má sann-kap lâi kî-tó. (我們現在一起來禱告。)
【時時】(sî-sî) 時時刻刻。例：伊時時都咧念你。I sî-sî to teh liām–lí. (他時時刻刻都在掛念著你。)
【時常】(sî-siông) 經常、常常。
【窸倏】(sī-suā) 1.趕快、趕緊。例：窸倏行！Sī-suā kiânn! (趕快走！) 2.迅速、敏捷。例：做代誌著較窸倏咧。Tsò tāi-tsì tio̍h khah sī-suā–leh. (做事情要迅速敏捷。)
【省錢】(síng-tsînn) 減少錢財的開支。例：去大賣場買較省錢。Khì tuā-bē-tiûnn bé khah síng-tsînn. (到大賣場買比較省錢。)
【相】(sio) 1.互相，指二人間發生某種動作狀態。例：相攬 sio-lám(互相擁抱)、相仝 sio-kāng(相同)。2.表示動作由一方對另一方進行。例：相送 sio-sàng(送我、贈送)、相載 sio-tsài。
【相仝】(sio-kāng) 相同。例：伊佮我相仝，攏無愛食麵。I kah guá sio-kāng, lóng bô ài tsia̍h mī. (他和我一樣，都不喜歡吃麵。)
【相】(siong) 互相。例：相隨 siong-suî、相親相愛 siong-tshin siong-ài。
【上濟】(siōng tsē/siōng tsuē) 1.最多。指數量上的多寡。例：伊食上濟。I tsia̍h siōng tsē. (他吃最多。) 2.至多、頂多。指在最壞的情況下。例：上濟錢了去爾爾。Siōng-tsē tsînn liáu–khì niā-niā. (頂多虧錢而已。) 上加至少
【上蓋】(siōng-kài) 非常、最。例：上蓋媠 siōng-kài suí(最漂亮)、上蓋好 siōng-kài hó(最好)、上蓋𠢕 siōng-kài gâu(最厲害)。
【上加】(siōng-ke) 最多、頂多。例：遮的上加是兩百箍。Tsia-ê siōng-ke sī nn̄g pah khoo. (這些頂多兩百元。)
【首先】(siú-sian)
【隨後】(suî-āu) 之後。例：我隨後就到。Guá suî-āu tō kàu. (我之後就到。)
【順勢】(sūn-sè) 順著力道的方向或順著自然的形勢。例：一張紙飛過來，伊出手順勢共伊接咧。Tsi̍t tiunn tsuá pue–kuè-lâi, i tshut-tshiú sūn-sè kā i tsiap–leh. (一張紙飛過來，他順手接住它。)
【順紲】(sūn-suà) 順便。例：你若欲去買菜，順紲去共我納電火錢。Lí nā beh khì bé tshài, sūn-suà khì kā guá la̍p tiān-hué tsînn. (你如果要去買菜，順便幫我繳電費。)
【逐日】(ta̍k-ji̍t/ta̍k-li̍t) 每天。例：伊逐日攏行路去買菜。I ta̍k-ji̍t lóng kiânn-lōo khì bé tshài. (她每天都走路去買菜。)
【逐擺】(ta̍k-pái) 每次。例：伊逐擺攏欲佮人相諍，毋過無一擺諍贏。I ta̍k-pái lóng beh kah lâng sio-tsènn, m̄-koh bô tsi̍t pái tsènn iânn. (他每次都要和人家爭辯，但是沒有一次辯贏。)
【同齊】(tâng-tsê) 同時一起。例：我佮阿姊同齊去踅街。Guá kah a-tsí tâng-tsê khì se̍h-ke. (我和姊姊一起去逛街。)
【達到】(ta̍t-kàu)
【到底】(tàu-té/tàu-tué) 究竟。例：你到底欲創啥？Lí tàu-té beh tshòng siánn? (你究竟要做什麼事？)
【鬥陣】(tàu-tīn) 1.結伴、偕同、一起。例：咱鬥陣來去。Lán tàu-tīn lâi-khì.(我們一起去。) 2.人與人之間交際往來。例：佮朋友鬥陣著愛誠懇。Kah pîng-iú tàu-tīn tio̍h-ài sîng-khún.(和朋友交際往來要誠懇。)
【沓】(ta̍uh) 1.緩緩地、慢慢地，與「仔」(á)連用。例：這件代誌愛沓沓仔來。Tsit kiānn tāi-tsì ài ta̍uh-ta̍uh-á lâi. (這件事情要慢慢地做。) 慢慢仔、寬寬仔2.經常、時常。很頻繁、頻率高。例：伊沓沓來交關。I ta̍uh ta̍uh lâi kau-kuan. (他時常來交易。) 定定
【沓沓仔】(ta̍uh-ta̍uh-á) 慢慢地。例：沓沓仔行 ta̍uh-ta̍uh-á kiânn(慢慢走)、有話沓沓仔講。 Ū uē ta̍uh-ta̍uh-á kóng. (有話慢慢說。)
【第一】(tē-it) 最先、最前、最好、最重要地，表示極高的程度。例：走第一 tsáu tē-it(跑在最前頭)、第一巧 tē-it khiáu(最聰明的)。
【咧欲】(teh-beh/teh-bueh) 快要、將要。例：日頭咧欲落山矣。Ji̍t-thâu teh-beh lo̍h-suann–ah. (太陽快要下山了。)
【太】(thài) 1.很、非常、極度。例：太厲害 thài lī-hāi(非常厲害)。2.對長輩或極尊貴的人的尊稱。例：太夫人 thài-hu-jîn(古時候對他人母親的尊稱)、太后 thài-hiō(尊稱皇帝的母親)。
【趁早】(thàn-tsá) 趕快、儘快。例：你趁早去趁早轉來，較袂共人傷齪嘈。Lí thàn-tsá khì thàn-tsá tńg–lâi, khah bē kā lâng siunn tsak-tsō. (你趕快去趕快回來，才不會太過打擾人家。)
【通】(thang) 可以。例：有物件通食無？Ū mi̍h-kiānn thang tsia̍h–bô? (有東西可以吃嗎？)
【迵過】(thàng–kuè/thàng–kè) 鑽透、穿過。例：新的公路欲開磅空對這粒山下跤迵過。Sin ê kong-lōo beh khui pōng-khang tuì tsit lia̍p suann ē-kha thàng–kuè. (新的公路要開隧道從這座山腳下穿過。)
【透過】(thàu-kuè/thàu-kè)
【頭仔】(thâu–á) 最初。最早的時期、剛開始的時候。例：頭仔興興，尾仔冷冷。Thâu–á hìng-hìng, bué–á líng-líng. (剛開始很有興致，後來就冷淡下來。比喻虎頭蛇尾。)
【頭到】(thâu-kàu) 首先到達的。例：這條路頭到彼間是醫生館。Tsit tiâu lōo thâu-kàu hit king sī i-sing-kuán. (這條路上先到的那家是診所。)
【頭起先】(thâu-khí-sing) 起初、剛開始。例：伊頭起先無想欲投資，聽我說明了後才決定欲加入。I thâu-khí-sing bô siūnn-beh tâu-tsu, thiann guá suat-bîng liáu-āu tsiah kuat-tīng beh ka-ji̍p. (他起先不想要投資，聽我說明後才決定要加入。)
【頭拄仔】(thâu-tú-á) 剛才、剛剛。例：我頭拄仔有拄著伊。Guá thâu-tú-á ū tú-tio̍h–i. (我剛才有遇見他。) 頭仔
【捅】(thóng) 1.超過、多出來。例：伊三十捅歲。I sann tsa̍p thóng huè. (他三十多歲。) 2.顯露出來。例：你內衫的手䘼捅出來矣，緊搝入去。Lí lāi-sann ê tshiú-ńg thóng–tshut-lâi–ah, kín khiú–ji̍p-khì. (你內衣袖子露出來了，趕快將它拉進去。) 3.啄。例：雞仔捅米 ke-á thóng bí(雞啄米)。
【顛倒】(tian-tò) 1.上下前後次序倒置。例：你物件囥顛倒矣。Lí mi̍h-kiānn khǹg tian-tò–ah. (你東西放倒反了。) 2.反而。例：伊無欲來，阮顛倒較歡喜。I bô beh lâi, guán tian-tò khah huann-hí. (他不來，我們反而較高興。) 3.與事實相反。例：你話毋通顛倒講。Lí uē m̄-thang tian-tò kóng. (你說話不要顛倒是非。)
【的確】(tik-khak) 1.確定的。例：的確的代誌才通講。Tik-khak ê tāi-tsì tsiah thang kóng. (確定的事情才可以說。) 2.一定。例：伊的確是去寒著，今仔日才無來。I tik-khak sī khì kuânn–tio̍h, kin-á-ji̍t tsiah bô lâi. (他一定是感冒了，所以今天才沒有來。)
【直接】(ti̍t-tsiap) 沒有轉折，不必透過人或事物的傳達。
【當面】(tng-bīn) 面對面。例：我會當面共物件交予伊。Guá ē tng-bīn kā mi̍h-kiānn kau hōo–i. (我會當面將東西交給他。)
【都】(to) 1.更、也、甚，表示比較。例：我都毋去矣，伊閣較無可能去。Guá to m̄ khì–ah, i koh-khah bô khó-lîng khì. (我都不去了，他更不可能去。) 2.已經。例：你都欲走矣，莫管遮濟。Lí to beh tsáu–ah, mài kuán tsiah tsē. (你都要走了，別管這麼多。) 3.皆、完全、通通。例：我較按怎解說伊都毋信。Guá khah án-tsuánn kái-sueh i to m̄ sìn. (我再怎麼解釋他都不相信。) 4.是。表示有條件的肯定。例：想都有咧想啦，欲做猶是真懶。Siūnn to ū teh siūnn–lah, beh tsò iáu-sī tsin lán. (想是在想，真要做起來還是覺得懶洋洋的。) 5.就……、又……，表示強調的語氣。例：我都無咧戇閣，哪有可能遐簡單就予伊騙去。Guá to bô teh gōng koh, ná ū khó-lîng hiah kán-tan tō hōo i phiàn–khì. (我又不笨，怎麼可能這麼簡單就被他給騙了。)
【倒向】(tò-hiànn) 往後傾倒。見【倒摔向】tò-siàng-hiànn 條。
【倒反】(tò-píng) 倒反、倒過來。例：伊話共人講倒反。I uē kā lâng kóng tò-píng. (他把話反著說。)
【倒摔向】(tò-siàng-hiànn) 倒栽蔥。仰面摔倒，整個身體往後傾而摔倒。例：好禮仔坐，無，會倒摔向。Hó-lé á tsē, bô, ē tò-siàng-hiànn. (小心坐好，不然會摔個倒栽蔥。)
【倒頭】(tò-thâu) 1.顛倒地、倒反地。例：你筆攑倒頭矣。Lí pit gia̍h tò-thâu–ah. (你筆拿顛倒了。) 2.反方向、逆序。例：倒頭栽 tò-thâu-tsai(倒栽蔥)、倒頭講 tò-thâu kóng(說反話)。
【獨獨】(to̍k-to̍k) 僅僅、只有。例：逐个囡仔攏足乖的，獨獨伊特別狡怪。Ta̍k-ê gín-á lóng tsiok kuai–ê, to̍k-to̍k i ti̍k-pia̍t káu-kuài. (每個孩子都很乖，只有他特別難纏。)
【當然】(tong-jiân/tong-liân) 理應如此。例：用心拍拚做生理，久來當然趁大錢。Iōng-sim phah-piànn tsò-sing-lí, kú–lâi tong-jiân thàn tuā tsînn. (用心努力做生意，時間久了就會賺大錢。)
【當地】(tong-tē/tong-tuē) 以旁觀者的角度向別人指稱某個地方。例：花蓮當地的風景袂䆀，咱另工做伙來去𨑨迌。Hua-liân tong-tē ê hong-kíng bē-bái, lán līng-kang tsò-hué lâi-khì tshit-thô. (花蓮當地的風景不錯，我們改天一起去玩。)
【當場】(tong-tiûnn) 在狀況發生時的現場。例：我當場就佮伊大細聲嚷。Guá tong-tiûnn tō kah i tuā-sè-siann jiáng. (我當場就跟他大聲的吵起來。)
【當初】(tong-tshoo) 開始那時候。例：當初遮一片攏是田，這馬攏起樓仔厝矣！Tong-tshoo tsia tsi̍t-phiàn lóng sī tshân, tsit-má lóng khí lâu-á-tshù–ah! (當初這裡一大片都是農田，現在都蓋起樓房了！)
【都合】(too-ha̍p) 時間、地點等條件的配合狀況。源自日語。例：我都合袂拄好，袂當參加這遍的同窗會。Guá too-ha̍p bē tú-hó, bē-tàng tsham-ka tsit piàn ê tông-tshong-huē. (我的情況剛好不能配合，無法參加這次同學會)
【再】(tsài) 重複、第二次、又一次。例：再世 tsài-sè。
【再三】(tsài-sann) 屢次。一次又一次。例：伊再三聲明這件代誌佮伊無關係。I tsài-sann sing-bîng tsit kiānn tāi-tsì kah i bô kuan-hē. (他再三聲明這件事情和他沒關係。)
【常在】(tshiâng-tsāi) 經常、時常。例：我佮伊常在佇路頭相拄。Guá kah i tshiâng-tsāi tī lōo-thâu sio-tú. (他和他常在路口相遇。)
【䢢拄䢢】(tshiāng-tú-tshiāng) 正巧、碰巧、剛剛好。例：我有代誌想欲佮你參詳，䢢拄䢢去拄著你。Guá ū tāi-tsì siūnn beh kap lí tsham-siông, tshiāng-tú-tshiāng khì tú-tio̍h lí. (我有事想要找你商量，碰巧遇到你。)
【且慢】(tshiánn-bān) 意指暫且停住、稍等一下。通常用在句首作發語詞。若唸作tshé-bān，則屬於戲文上的唸法。例：且慢一下 tshiánn-bān–tsi̍t-ē(等一下)。
【寢】(tshím) 纔。剛才，不久之前。例：伊寢來爾爾。I tshím lâi niā-niā. (他剛來而已。)
【親像】(tshin-tshiūnn) 好像、好比。例：𪜶兩个好甲親像兄弟仔仝款。In nn̄g ê hó kah tshin-tshiūnn hiann-tī-á kāng-khuán. (他們兩個要好得像兄弟一樣。)
【只好】(tsí-hó) 只能。在無可奈何中表示將就的意思。例：出業揣無頭路，只好暫時去做臨時工。Tshut-gia̍p tshuē-bô thâu-lōo, tsí-hó tsiām-sî khì tsò lîm-sî-kang. (畢業之後找不到工作，只好暫時去當臨時工。)
【只要】(tsí-iàu) 僅需要。例：只要有你，代誌就會成功。Tsí-iàu ū lí, tāi-tsì tō ē sîng-kong. (只要有你，事情就會成功。)
【只是】(tsí-sī) 僅僅是，只不過是。例：只是一屑仔小意思爾爾。Tsí-sī tsi̍t-sut-á sió ì-sù niā-niā. (只是一點點小意思而已。)
【只有】(tsí-ū)
【至少】(tsì-tsió) 最少、最低限度。例：你至少嘛愛共我講一聲。Lí tsì-tsió mā ài kā guá kóng–tsi̍t-siann. (你至少也要告訴我一聲。)
【才】(tsiah) 1.方、始。例：這馬我才知影伊是騙我的。Tsit-má guá tsiah tsai-iánn i sī phiàn–guá–ê. (現在我才知道他是騙我的。) 2.只有。例：伊才十七歲爾爾，袂使啉酒。I tsiah tsa̍p-tshit huè niā-niā, bē-sái lim tsiú. (他才十七歲而已，不能喝酒。) 3.表強調的語氣。例：我才無欲相信你講的話！Guá tsiah bô beh siong-sìn lí kóng ê uē! (我才不相信你說的話！) 4.再。表示接續在另一動作之後。例：後擺我才共你講。Āu pái guá tsiah kā lí kóng. (以後我再告訴你。)；電影看煞才來去食飯。Tiān-iánn khuànn-suah tsiah lâi-khì tsia̍h-pn̄g. (電影看完再去吃飯。)
【遮】(tsiah) 如此、這麼。例：你哪會遮久才來？Lí ná ē tsiah kú tsiah lâi? (你怎麼這麼久才來？)；這幫車哪會遮𤲍？Tsit pang tshia ná-ē tsiah kheh? (這班車怎麼這麼擠？)
【遮爾】(tsiah-nī) 多麼、這麼。例：恁阿母遮爾惜你，你敢袂當較有孝咧？Lín a-bú tsiah-nī sioh–lí, lí kám bē-tàng khah iú-hàu–leh? (你媽媽這麼疼你，你不能孝順一點嗎？)
【遮爾仔】(tsiah-nī-á) 這麼、這般。例：這馬菜遮爾仔貴實在買袂落手。Tsit-má tshài tsiah-nī-á kuì si̍t-tsāi bé bē lo̍h tshiú. (現在蔬菜這麼貴實在買不下去。)
【才是】(tsiah-sī) 才是。例：彼个人才是歹人。Hit ê lâng tsiah-sī pháinn-lâng. (那個人才是壞人。)
【暫】(tsiām) 臨時的、短時間性。例：暫等 tsiām tán(暫時等一下)、暫時 tsiām-sî。
【暫且】(tsiām-tshiánn) 姑且、暫時。例：你暫且留蹛遮，等咧才轉去。Lí tsiām-tshiánn lâu tuà–tsia, tán–leh tsiah tńg–khì. (你先留在這兒，等一會再回去。)
【正是】(tsiànn-sī)
【成】(tsiânn) 1.約。例：成十个 tsiânn tsa̍p ê(約十來個)。2.成為。例：成做 tsiânn-tsò(成為)。毋成
【誠】(tsiânn) 很、非常。例：誠貴 tsiânn kuì(很貴)。
【誠實】(tsiânn-si̍t) 真實的、真的。例：你講風颱欲來，敢是誠實的？Lí kóng hong-thai beh lâi, kám sī tsiânn-si̍t–ê? (你說颱風要來，是真的嗎？)
【捷捷】(tsia̍p-tsia̍p) 常常。例：伊最近捷捷來。I tsuè-kīn tsia̍p-tsia̍p lâi. (他最近常常來。)
【照常】(tsiàu-siông) 跟往常一樣、跟原先一樣，沒有任何改變。例：過年時仔這間店照常營業。Kuè-nî-sî-á tsit king tiàm tsiàu-siông îng-gia̍p. (過年的時候這間店照常營業。)
【照實】(tsiàu-si̍t) 按照實際情形。例：這件代誌你著愛照實講。Tsit kiānn tāi-tsì lí tio̍h-ài tsiàu-si̍t kóng. (這件事情你得要照實講。)
【真誠】(tsin-tsiânn) 非常、實在。例：真誠寒 tsin-tsiânn kuânn(非常冷、實在冷)。
【真拄好】(tsin-tú-hó) 1.真巧。例：我有話欲共你講，真拄好，你來矣。Guá ū uē beh kā lí kóng, tsin-tú-hó, lí lâi–ah. (我有話要跟你說，真巧，你來了。) 2.真不巧。例：我昨昏去揣伊，真拄好，伊人無佇咧。Guá tsa-hng khì tshuē i, tsin-tú-hó, i lâng bô tī–leh. (我昨天去找他，真不巧，他人不在。)
【增添】(tsing-thiam)
【從到今】(tsîng-kàu-tann) 向來、從來。從以前到現在。例：從到今我攏毋捌看過天頂落雪。Tsîng-kàu-tann guá lóng m̄ bat khuànn-kuè thinn-tíng lo̍h seh. (我從來沒看過下雪。)
【終於】(tsiong-î)
【將近】(tsiong-kīn/tsiong-kūn) 十分靠近、快要接近。例：將近欲收擔的時陣，伊才到位。Tsiong-kīn beh siu-tànn ê sî-tsūn, i tsiah kàu-uī. (快要收攤的時候，他才抵達。)
【左右】(tsó-iū) 1.上下。大約、差不多。例：這項物件價值一萬箍左右。Tsit hāng mi̍h-kiānn kè-ta̍t tsi̍t-bān khoo tsó-iū. (這個東西價值一萬元左右。) 2.左右兩方面。例：左右為難 tsó-iū uî-lân。
【做陣】(tsò-tīn/tsuè-tīn) 一起、結伴。例：咱做陣來去南方澳食海產。Lán tsò-tīn lâi-khì Lâm-hong-ò tsia̍h hái-sán. (我們一起到南方澳吃海鮮。)
【總講】(tsóng kóng) 1.總而言之。例：講來講去，總講一句是你毋著。Kóng lâi kóng khì, tsóng-kóng-tsi̍t-kù sī lí m̄-tio̍h. (說來說去，總歸一句，是你錯了。) 2.全部說出來。例：你做一遍總講出來。Lí tsò tsi̍t piàn tsóng kóng–tshut-lâi. (你一次全說出來。)
【自底】(tsū-té/tsū-tué) 原本。例：阮自底就蹛佇遐。Guán tsū-té tō tuà tī hia. (我們以前就住那。)
【自頭】(tsū-thâu) 從頭。自起初開始。例：我自頭就知影伊會平安轉來。Guá tsū-thâu tō tsai-iánn i ē pîng-an tńg–lâi. (我一開始就知道他會平安回來。)
【專工】(tsuan-kang) 特地、專程。例：這領衫是伊專工為你做的。Tsit niá sann sī i tsuan-kang uī lí tsò–ê. (這件衣服是他特地為你做的。)
【專權】(tsuan-khuân) 專橫、專斷。例：伊真專權，毋聽人的意見。 I tsin tsuan-khuân, m̄ thiann lâng ê ì-kiàn. (他很蠻橫，不會聽信他人的意見。)
【全然】(tsuân-jiân/tsuân-liân) 全部、完全。例：我全然毋知發生啥物代誌。Guá tsuân-jiân m̄-tsai huat-sing siánn-mih tāi-tsì. (我完全不知發生什麼事情。)
【拄䢢】(tú-tshiāng) 碰巧、剛好。例：這種機會是拄䢢拄䢢。Tsit-tsióng ki-huē sī tú-tshiāng-tú-tshiāng. (這種的機會是碰巧。)
【除非】(tû-hui) 表示唯一的條件。即只有、惟有的意思。例：除非你加入，伊才肯共阮鬥相共。Tû-hui lí ka-ji̍p, i tsiah khíng kā guán tàu-sann-kāng. (只有你加入，他才肯幫助我們。)
【突然】(tu̍t-jiân/tu̍t-liân) 忽然、猝然。
【倚年】(uá-nî) 快過年的時候。例：倚年交通攏較亂。Uá-nî kau-thong lóng khah luān. (快過年的時候，交通都比較亂。)
【活欲】(ua̍h-beh/ua̍h-bueh) 活活要……、幾乎要……。例：叫你毋通講你閣講，我實在活欲予你氣死！Kiò lí m̄-thang kóng lí koh kóng, guá si̍t-tsāi ua̍h-beh hōo lí khì–sí! (叫你別說你還說，我實在要活活被你氣死了！)
【宛然】(uán-jiân/uán-liân) 好像、儼然。例：宛然失光明。Uán-jiân sit kong-bîng. (好像失去了光亮一般。)
【為何】(uī-hô)
頭頁
GitHub