2021-05-07

臺灣閩南語常用詞辭典之時間·空間

1. 空間方位
2. 時間節令

↩️轉總目錄

空間方位

【裡】(–lí) 指特定的空間範圍。例：伊佇厝裡無出門。I tī tshù–lí bô tshut-mn̂g. (他在家裡沒出門。)；田裡　tshân–lí。
【後面】(āu-bīn) 1.人體或物體背面、靠後的部分。2.次序在後面的部分。
【後壁】(āu-piah) 1.背面、後面。2.背後、暗中。例：莫佇後壁講人的歹話。Mài tī āu-piah kóng lâng ê pháinn-uē. (不要在背後說人家的壞話。)　3.地名。位於臺南市最北端，嘉南平原中北方，為八掌溪與急水溪沖積而成的狹長型沖積平原。地勢東高西低，北邊和西邊以八掌溪與嘉義縣的水上鄉、鹿草鄉為界。東邊與白河區、東山區相鄰，南邊則與新營區毗連。
【後斗】(āu-táu) 指小貨車或轎車上專門用來裝載貨物的廂形部分。例：彼幾箱物件囥佇後斗就好矣。Hit kuí siunn mi̍h-kiānn khǹg tī āu-táu tō hó–ah. (那幾箱東西放在後車廂就好了。)　車後斗
【文山】(Bûn-san)
【下面】(ē-bīn)
【下跤】(ē-kha) 下面、底下。例：貓睏佇椅仔下跤。Niau khùn tī í-á ē-kha. (貓在椅子下睡覺。)
【下底】(ē-té/ē-tué) 下面、底下。與「頂面」(tíng-bīn)相對。例：物件收佇屜仔下底。Mi̍h-kiānn siu tī thuah-á ē-té. (東西收在抽屜下面。)

【外面】(guā-bīn) 見【外口】guā-kháu 條。
【外海】(guā-hái)
【外口】(guā-kháu) 外面、外頭、外邊。例：伊拄才對外口轉來。I tú-tsiah tuì guā-kháu tńg–lâi. (他剛才從外頭回來。)
【外頭】(guā-thâu) 外面、外邊。例：外頭佮內頭攏伊咧扞。Guā-thâu kah lāi-thâu lóng i leh huānn. (內外事物都是他在掌理。)
【原位】(guân-uī) 原來的位置。例：物件用好，愛囥蹛原位。Mi̍h-kiānn īng hó, ài khǹg tuà guân-uī. (東西用好，要放回原位。)
【海外】(hái-guā)
【海域】(hái-hi̍k)
【海內外】(hái-lāi-guā)
【海邊】(hái-pinn)
【海上】(hái-siōng)
【海灣】(hái-uan)
【胸前】(hing-tsîng)
【向】(hiòng) 1.面對、趨向。例：向北　hiòng pak、向善　hiòng-siān。2.方向。例：北向　pak hiòng、這向　tsit hiòng(這個方向)。
【向前】(hiòng-tsiân) 往前、向著前方。例：向前閣行幾步仔就看著矣。Hiòng-tsiân koh kiânn kuí-pōo-á tō khuànn–tio̍h–ah. (再往前走幾步就看到了。)
【河邊】(hô-pinn)
【方】(hong) 1.位置、方向。例：東方　tang-hong、四方　sù-hong。2.方法、辦法。例：教子有方　kàu tsú iú hong。
【方向】(hong-hiòng) 指東西南北上下等區別。例：你對這个方向直直行就到矣。Lí tuì tsit ê hong-hiòng ti̍t-ti̍t kiânn tō kàu–ah. (你往這個方向直走就到了。)
【風喙口】(hong-tshuì-kháu) 風口。因為沒有外物的屏障而造成風勢特別大的地方。
【方位】(hong-uī)
【附近】(hù-kīn/hù-kūn)
【範圍】(huān-uî) 界限、領域。
【岸邊】(huānn-pinn)
【發源地】(huat-guân-tē/huat-guân-tuē)
【異鄉】(ī-hiong)
【異國】(ī-kok)
【野外】(iá-guā)
【人間】(jîn-kan/lîn-kan)
【人世】(jîn-sè/lîn-sè)
【工地】(kang-tē/kang-tuē)
【港墘】(káng-kînn) 溪流旁邊，也就是指溪流附近。例：港墘彼坵田誠肥。Káng-kînn hit khu tshân tsiânn puî. (河溝邊那塊田很肥沃。)
【隔壁】(keh-piah) 1.相隔一個牆壁的空間，或指空間上緊鄰在旁邊。例：伊睏佇我的隔壁房。I khùn tī guá ê keh-piah pâng. (他睡在我隔壁房間。)　2.鄰家、鄰居。居處地點很近的人家。例：伊蹛佇阮隔壁。I tuà tī guán keh-piah. (他是我的鄰居。)　厝邊
【跤兜】(kha-tau) 1.附近、左右。例：伊差不多五十歲彼跤兜。I tsha-put-to gōo-tsa̍p huè hit kha-tau. (他大約五十歲左右。)　2.腳邊、腳下。例：爸母跤兜　pē-bú kha-tau(父母膝下)。
【尻川後】(kha-tshng-āu) 背後、後面。例：伊佇尻川後講人的歹話。I tī kha-tshng-āu kóng lâng ê pháinn-uē. (他在人家背後說壞話。)
【空位】(khang-uī)
【口面】(kháu-bīn) 外面。外頭、外部。
【溪頭】(Khe-thâu/Khue-thâu)
【空間】(khong-kan) 1.上下及左右四方，即物體存在、活動的地方。例：空間無夠大。Khong-kan bô kàu tuā. (空間不夠大。)　2.無形的境界。例：發展的空間　huat-tián ê khong-kan。
【空中】(khong-tiong)
【區域】(khu-hi̍k) 地區、範圍。
【區段】(khu-tuānn)
【闊莽莽】(khuah-bóng-bóng) 形容非常遼闊，一望無垠。例：一片闊莽莽的草埔。Tsi̍t phiàn khuah-bóng-bóng ê tsháu-poo. (一片遼闊的草原。)
【闊閬閬】(khuah-lòng-lòng) 非常寬闊。例：一間厝闊閬閬。Tsi̍t king tshù khuah-lòng-lòng. (一間寬敞的屋子。)
【據點】(kì-tiám/kù-tiám)
【禁區】(kìm-khu)
【境】(kíng) 1.國界。例：入境　ji̍p-kíng(進入國境)、出境　tshut-kíng(離開國境)。2.地方、區域。例：仙境　sian-kíng。3.情況、光景。例：家境　ka-kíng、順境　sūn-kíng。
【境內】(kíng-lāi)
【境地】(kíng-tē/kíng-tuē)
【國外】(kok-guā)
【國內外】(kok-lāi-guā)
【各地】(kok-tē/kok-tuē)
【國度】(kok-tōo)
【內】(lāi) 1.裡。裡面。例：厝內　tshù-lāi(家裡)、腹內　pak-lāi(肚子裡、內臟)。2.在某一段時間之中。例：一個月內　tsi̍t kò gue̍h lāi(一個月之內)。3.父親這方的親屬。例：內公　lāi-kong(祖父)、內媽　lāi-má(祖母)。
【內面】(lāi-bīn) 裡面、內部。例：裘仔內面愛閣加穿一領膨紗衫才袂寒。Hiû-á lāi-bīn ài koh ke tshīng tsi̍t niá phòng-se-sann tsiah bē kuânn. (大衣裡面還要再穿一件毛衣才不會冷。)
【內外】(lāi-guā) 裡面和外面。
【內底】(lāi-té/lāi-tué) 裡面、內部。例：這跤皮箱內底貯啥物？Tsit kha phuê-siunn lāi-té té siánn-mih? (這只皮箱裡面裝什麼東西？)
【南北】(lâm-pak)
【鄰近】(lîn-kīn/lîn-kūn)
【領域】(líng-hi̍k)
【六合】(lio̍k-ha̍p) 天地。上下和東西南北四方，泛指天下或宇宙。
【兩岸】(lióng-huānn)
【流域】(liû-hi̍k)
【內】(luē) 1.裡。裡面。例：內容　luē-iông。2.指妻子這方的親屬。例：內人　luē-jîn、內兄　luē-hing(妻子的哥哥)。3.指國內的政務。例：內政　luē-tsìng、內閣　luē-koh。
【五路】(ngóo-lōo) 各路、各處。指東、西、南、北、中五個方向。例：臺北車頭內面五路的人攏有。Tâi-pak tshia-thâu lāi-bīn ngóo-lōo ê lâng lóng ū. (臺北車站裡面有各地來的人。)
【欄位】(nuâ-uī)
【王國】(ông-kok)
【湖面】(ôo-bīn)
【北爿】(pak-pîng) 北邊。北方。
【版圖】(pán-tôo)
【別位】(pa̍t-uī) 其他的地方。例：咱來去別位𨑨迌。Lán lâi-khì pa̍t-uī tshit-thô. (我們去別的地方玩。)
【邊界】(pian-kài)
【平原】(pîng-guân)
【邊】(pinn) 1.旁邊。例：你閃較邊仔咧！Lí siám khah pinn–á–leh! (你閃邊點！)　邊仔2.邊際。例：天邊　thinn-pinn。
【邊仔】(pinn–á) 旁邊、近側。
【寶島】(pó-tó/pó-tóo)
【半空中】(puànn-khong-tiong) 半空、空中。例：代誌按呢一直吊佇半空中嘛毋是辦法。Tāi-tsì án-ne it-ti̍t tiàu tī puànn-khong-tiong mā m̄ sī pān-huat. (事情這樣一直懸而未解也不是辦法。)
【背後】(puē-āu)
【西區】(se-khu)
【西南】(se-lâm)
【世間】(sè-kan) 世界上。
【勢】(sì) 方位。例：角勢　kak-sì(方位)。
【四面】(sì-bīn) 東、南、西、北四方。也泛指四周圍。例：遮四面攏是山，環境真好。Tsia sì-bīn lóng sī suann, khuân-kíng tsin hó. (這裡四周圍都是山，環境很好。)
【四方】(sì-hng) 東、南、西、北，泛指四處各地。例：闊喙食四方　khuah tshuì tsia̍h sì-hng(指嘴巴大的人比較有口福)。
【四界】(sì-kè/sì-kuè) 到處、處處。例：四界走　sì-kè tsáu(到處跑)。
【四箍輾轉】(sì-khoo-liàn-tńg) 四周、周遭。例：你去四箍輾轉揣看覓，看彼个囡仔覕佇佗位？Lí khì sì-khoo-liàn-tńg tshuē khuànn-māi, khuànn hit ê gín-á bih tī tó-uī? (你四周去找找看，看那個孩子躲到哪裡去了？)
【四箍圍仔】(sì-khoo-uî-á) 四周。例：遮四箍圍仔攏是塗沙。Tsia sì-khoo-uî-á lóng sī thôo-sua. (這四周都是泥沙。)
【四爿】(sì-pîng) 1.四周圍。例：彼間厝的四爿攏是山。Hit king tshù ê sì-pîng lóng sī suann. (那間房子的四周圍都是山。)　2.四份。
【四邊】(sì-pinn) 周邊。四周圍。例：四邊恬靜，干焦有鳥仔啼叫的聲。Sì-pinn tiām-tsīng, kan-na ū tsiáu-á thî kiò ê siann. (四周很安靜，只有鳥啼叫的聲音。)
【視野】(sī-iá)
【室】(sik) 指空間範圍較小的房間，如教室、寢室等。
【室外】(sik-guā)
【室內】(sik-lāi)
【勝地】(sìng-tē/sìng-tuē)
【小島】(sió-tó)
【所在】(sóo-tsāi) 地方。例：這个所在真鬧熱。Tsit ê sóo-tsāi tsin lāu-jia̍t. (這個地方很熱鬧。)
【四海】(sù-hái) 到處、四處。古代人認為中國四周環海，所以稱四個方位為「四海」，用來泛指世界各地。例：名聲迵四海。Miâ-siann thàng sù-hái. (比喻家喻戶曉。)
【山區】(suann-khu)
【大地】(tāi-tē/tāi-tuē)
【東】(tang) 1.方位名，與「西」相對。例：東爿　tang-pîng(東方)。西2.與「西」連用，形容多、雜、廣。例：嫌東嫌西　hiâm-tang-hiâm-sai(這也嫌那也嫌)、想東想西　siūnn-tang-siūnn-sai(這也想那也想)。
【東岸】(tang-huānn)
【底部】(té-pōo/tué-pōo)
【地下】(tē-hā/tuē-hā) 1.地面以下。2.指不公開、祕密的。例：地下錢莊　tē-hā tsînn-tsng(非法經營金融業務的組織)。
【地盤】(tē-puânn/tuē-puânn) 地頭。用特殊情勢所占據或控制的勢力範圍。
【地帶】(tē-tài/tuē-tài)
【地頭】(tē-thâu/tuē-thâu) 1.地方。例：遮的地頭你有熟無？Tsia ê tē-thâu lí ū si̍k–bô? (這個地方你熟嗎？)　2.地盤。指所占有的地盤或控制的勢力範圍。例：這箍圍仔攏是伊的地頭，你毋通去惹伊。Tsit khoo-uî-á lóng sī i ê tē-thâu, lí m̄-thang khì jiá–i. (這一帶都是他的地盤，你不要去惹他。)　地盤
【窗外】(thang-guā)
【他鄉】(thann-hiong)
【頭頂】(thâu-tíng)
【天涯】(thian-gâi)
【天下】(thian-hā) 整個世界。例：天下太平　thian-hā thài-pîng。
【天際】(thian-tsè)
【天邊】(thinn-pinn)
【天地】(thinn-tē/thinn-tuē) 1.天空和地表。例：天地顛倒反　thinn-tē tian-tò-píng(天地顛倒，引申為違反常理。)　2.世界、天下。例：天地遐爾仔大，免驚無所在通去。Thinn-tē hiah-ni-á-tuā, bián-kiann bô sóo-tsāi thang khì. (世界這麼大，不用怕沒地方去。)　3.指天神地祇。例：拜天地　pài thinn-tē。
【塗跤】(thôo-kha) 地面、地上、地板。例：你的物件落佇塗跤矣。Lí ê mi̍h-kiānn lak tī thôo-kha–ah.(你的東西掉在地上了。)
【竹跤】(tik-kha) 竹林底下。
【頂下】(tíng-ē) 上下、前後。指順序的前後，或空間的上下位置。例：頂下歲　tíng-ē huè(年齡相差一歲)。
【頂懸】(tíng-kuân) 上面、上頭。例：酒囥下跤格，汽水囥頂懸格。Tsiú khǹg ē-kha keh, khì-tsuí khǹg tíng-kuân keh. (酒放下格，汽水放上格。)
【定點】(tīng-tiám)
【中】(tiong) 1.方位名。四方之中。例：中央　tiong-ng(中間)。2.某一段時間。例：學期中　ha̍k-kî tiong。3.在……裡面。例：夢中　bāng tiong。4.程度介於二者之間的。例：中學　tiong-ha̍k、中等　tiong-tíng。
【中區】(tiong-khu)
【中西】(tiong-se)
【中心】(tiong-sim) 1.正中央的位置。2.事務的核心。3.掌管事物的單位、地方。例：文化中心　bûn-huà tiong-sim。
【場所】(tiûnn-sóo) 活動的地方。
【倒面】(tò-bīn) 1.左面、左邊。例：伊坐佇我的倒面。I tsē tī guá ê tò-bīn. (他坐在我左邊。)　倒爿正爿2.背面、反面。例：掀過來，倒面嘛會使寫。Hian–kuè-lâi, tò-bīn mā ē-sái siá. (翻過來，背面也可以寫。)　正面
【倒爿】(tò-pîng) 左邊、左側。例：你頭拄仔講的彼間店是佇路的倒爿抑是正爿？Lí thâu-tú-á kóng–ê hit king tiàm sī tī lōo ê tò-pîng ia̍h-sī tsiànn-pîng? (你剛才說的那間店是在路的左邊還是右邊？)
【倒踏】(tò-ta̍h) 1.反方向的。例：倒踏蹬　tò-ta̍h tenn(腳沒穿進鞋裡，踏著鞋後緣)、倒踏蓮花　tò-ta̍h liân-hue(難產之一種，指胎兒雙腳先生出來)。2.倒著踏。例：有的跤踏車倒踏就會停。Ū ê kha-ta̍h-tshia tò-ta̍h tō ē thîng. (有的腳踏車倒著踩會停止轉動。)
【倒手爿】(tò-tshiú-pîng) 左邊、左側。例：你欲揣彼間厝佇倒手爿。Lí beh tshuē hit-king-tshù tī tò-tshiú-pîng. (你要找的那間房子在左手邊。)
【桌面】(toh-bīn)
【桌頂】(toh-tíng) 桌上。例：桌頂食飯，桌跤放屎。Toh-tíng tsia̍h-pn̄g, toh-kha pàng-sái. (上桌吃飯，下桌拉屎。比喻人忘恩負義。)
【災區】(tsai-khu)
【手中】(tshiú-tiong)
【床頭】(tshn̂g-thâu)
【斜角】(tshua̍h-kak) 對角。
【前】(tsiân) 1.位置在正面或靠近開頭的。例：眼前　gán-tsiân、前方　tsiân-hong。2.時間或次序較早的。例：前因後果　tsiân-in-hiō-kó、前科　tsiân-kho(指先前有過的犯罪記錄)。
【正爿】(tsiànn-pîng) 右邊。方位名。與「左邊」相對。
【正手爿】(tsiànn-tshiú-pîng) 右邊。例：你的正手爿有一本冊，提過來予我好無？Lí ê tsiànn-tshiú-pîng ū tsi̍t pún tsheh, the̍h kuè-lâi hōo–guá hó–bô? (你的右手邊有一本書，拿過來給我好嗎？)
【前】(tsîng) 1.位置在正面或靠近開頭的。例：頭前　thâu-tsîng。2.時間或次序較早的。例：三工前　sann kang tsîng(三天前)、進前　tsìn-tsîng(事先)。
【前後】(tsîng-āu) 1.指先後。例：伊講的話前後顛倒反，毋知影佗一句才是真的。I kóng ê uē tsîng-āu tian-tò-píng, m̄ tsai-iánn tó tsi̍t kù tsiah sī tsin–ê. (他說的話前後相牴觸，不知道哪一句才是真的。)　2.指前面和後面。例：咱對前後共伊圍起來。Lán tuì tsîng-āu kā i uî–khí-lâi. (我們分成前面和後面將他包圍起來。)
【這搭】(tsit-tah) 這裡。例：這搭的人攏誠親切。Tsit-tah ê lâng lóng tsiânn tshin-tshiat. (這裡的人都很親切。)
【一邊】(tsi̍t-pinn)
【一四界】(tsi̍t-sì-kè/tsi̍t-sì-kuè) 遍地、到處。例：物件毋通掖甲一四界。Mi̍h-kiānn m̄-thang iā kah tsi̍t-sì-kè. (東西不要撒得滿地都是。)
【就近】(tsiū-kīn/tsiū-kūn) 取近捨遠。例：就近去買就好。Tsiū-kīn khì bé tō hó.
【總部】(tsóng-pōo)
【全球】(tsuân-kiû)
【水域】(tsuí-hi̍k)
【水底】(tsuí-té)
【大海】(tuā-hái)
【對面】(tuì-bīn) 1.相對的一面。例：對面的樓仔厝聽講欲拆掉重起。Tuì-bīn ê lâu-á-tshù thiann-kóng beh thiah tiāu tîng khí. (對面的樓房聽說要拆掉重蓋。)　2.前面、迎面。例：有一个查某囡仔按對面行過來。Ū tsi̍t ê tsa-bóo gín-á àn tuì-bīn kiânn–kuè-lâi. (有一個女孩從前面走過來。)　頭前
【對岸】(tuì-huānn)
【宇宙】(ú-tiū)

時間節令

【暗暝】(àm-mê/àm-mî) 夜晚。例：無月光的暗暝。Bô gue̍h-kng ê àm-mê. (沒有月光的夜晚。)
【暗時】(àm-sî) 夜晚、晚上。例：暗時你莫佇外口拋拋走。Àm-sî lí mài tī guā-kháu pha-pha-tsáu. (晚上你不要在外面四處亂跑。)
【暗頭仔】(àm-thâu-á) 傍晚、天剛黑的時候。例：阮翁差不多暗頭仔就會轉來，你閣等一下。Guán ang tsha-put-to àm-thâu-á tō ē tńg–lâi, lí koh tán–tsi̍t-ē. (我先生差不多傍晚就會回來，你再等一下。)
【後】(āu) 1.指時間次序上比較晚的。例：後來　āu–lâi、後一个　āu tsi̍t ê(下一個)。先、前2.在背面的。例：後面　āu-bīn、尻川後罵人　kha-tshng-āu mē–lâng(背後罵人)。前3.排序在次的。例：後禮拜　āu-lé-pài(下禮拜)、後幫車　āu-pang-tshia(下一班車)、後頓　āu-tǹg(下一餐)。
【後月日】(āu gue̍h-ji̍t/āu ge̍h-li̍t) 下個月。例：這筆錢你後月日愛會記得還我。Tsit pit tsînn lí āu gue̍h-ji̍t ài ē-kì-tit hîng–guá. (這筆錢你下個月要記得還我。)
【後個月】(āu kò gue̍h/āu kò ge̍h) 下個月。
【後日】(āu–ji̍t/āu–li̍t) 後天。明天的明天。例：阮大舅後日欲去宜蘭。Guán tuā-kū āu–ji̍t beh khì Gî-lân. (我的大舅子後天要去宜蘭。)
【後來】(āu–lâi) 指一段時間之後。
【後日】(āu-ji̍t/āu-li̍t) 日後、以後。未來的日子。例：這層代誌咱後日才閣講。Tsit tsân tāi-tsì lán āu-ji̍t tsiah-koh kóng. (這件事情我們日後再來商量。)
【後年】(āu-nî) 明年的明年。
【後擺】(āu-pái) 1.下次、下回。例：後擺你若閣脫箠，我就無愛共你鬥相共矣。Āu-pái lí nā koh thut-tshuê, guá tō bô ài kā lí tàu-sann-kāng–ah. (下回你再出差錯，我就不要幫你忙了。)　下回、下改、後過往過、頂過、頂幫、頂擺2.將來、未來。例：伊講伊後擺想欲做醫生。I kóng i āu-pái siūnn-beh tsò i-sing. (他說他將來想要當醫生。)
【目𥍉仔】(ba̍k-nih-á) 轉眼、瞬間。形容時間很短。例：拄才出大日，目𥍉仔就落大雨。Tú tsiah tshut tuā-ji̍t, ba̍k-nih-á tō lo̍h tuā hōo. (剛剛出大太陽，一下子就下大雨。)
【卯】(báu) 1.地支的第四位。例：卯時　báu sî(早上五點至七點)。2.衰運。例：運途行佇卯字。Ūn-tôo kiânn tī báu–jī. (比喻走霉運。)
【欲暗仔】(beh-àm-á/bueh-àm-á) 傍晚。快要天黑的時候。例：欲暗仔外口較涼，若欲出門，愛加疊一領衫。Beh-àm-á guā-kháu khah liâng, nā beh tshut mn̂g, ài ke tha̍h tsi̍t niá sann. (傍晚時外面較涼，如要出門要多加一件衣服。)
【未來】(bī-lâi) 將來。相對於現在、過去來說。
【明仔暗】(bîn-á-àm) 明天晚上。例：明仔暗我就欲坐車轉去下港矣。Bîn-á-àm guá tō beh tsē tshia tńg-khì ē-káng–ah. (明晚我就要坐車回南部了。)
【明仔日】(bîn-á-ji̍t/bîn-á-li̍t) 明天、明日。例：今仔日的代誌上好莫拖到明仔日。Kin-á-ji̍t ê tāi-tsì siōng hó mài thua kàu bîn-á-ji̍t. (今天的事情最好不要拖到明天。)
【明仔早起】(bîn-á-tsá-khí) 明天早上。例：明仔早起我欲佮阮阿公去運動。Bîn-á-tsá-khí guá beh kah guán a-kong khì ūn-tōng. (明天早上我要和我爺爺去運動。)
【明仔載】(bîn-á-tsài) 明天、明日。例：明仔載的代誌明仔載才閣講。Bîn-á-tsài ê tāi-tsì bîn-á-tsài tsiah-koh-kóng. (明天的事情明天再說。)
【民國】(Bîn-kok)
【目前】(bo̍k-tsiân) 最近、現在。例：目前我攏無閒通佮你見面。Bo̍k-tsiân guá lóng bô-îng thang kah lí kìnn-bīn. (最近我都沒空和你見面。)
【戊】(bōo) 天干的第五位，也指排序或等級為第五。例：六年戊班　la̍k nî bōo pan。
【下暗】(e-àm) 晚上、今晚。例：下暗欲來阮兜予阮請無？E-àm beh lâi guán tau hōo guán tshiánn–bô? (今晚要來我們家作客嗎？)
【下昏】(e-hng) 1.晚上。例：屘叔仔明仔下昏才會轉來。Ban-tsik-á bîn-á e-hng tsiah ē tńg–lâi. (小叔叔明天晚上才會回來。)　暝時2.今晚。例：我下昏欲去看電影。Guá e-hng beh khì khuànn tiān-iánn. (我今晚要去看電影。)
【下昏暗】(e-hng-àm) 今晚、今天晚上。
【下早仔】(e-tsái-á) 1.早上。例：下早仔去較袂熱。E-tsái-á khì khah bē jua̍h. (早上去比較不會熱。)　2.今早。今天早上。例：下早仔伊有來揣你。E-tsái-á i ū lâi tshuē–lí. (今天早上他來找你。)
【下擺】(ē-pái) 下次、下回。例：我下擺毋敢矣！Guá ē-pái m̄ kánn–ah! (我下次不敢了！)
【下晡】(ē-poo) 下午。例：下晡我欲招阿美仔去𨑨迌。Ē-poo guá beh tsio A-bí–á khì tshit-thô. (下午我要找阿美去玩。)
【下半暝】(ē-puànn-mê/ē-puànn-mî) 下半夜、後半夜。夜晚十二點以後到天亮的時間。例：伊攏愛等甲下半暝才睏會落眠。I lóng ài tán kah ē-puànn-mê tsiah khùn ē lo̍h-bîn. (他都要等到下半夜才睡得熟。)
【下晝】(ē-tàu) 下午。例：下晝阮欲來去圖書館讀冊。Ē-tàu guán beh lâi-khì tôo-su-kuán tha̍k-tsheh. (下午我們要去圖書館讀書。)
【眼前】(gán-tsiân) 目前、現在。例：眼前咱愛先解決錢的問題。Gán-tsiân lán ài sing kái-kuat tsînn ê būn-tê. (目前我們要先解決錢的問題。)
【午】(gōo) 地支的第七位。例：午時　gōo sî(上午十一點到下午一點)。
【午時】(gōo-sî) 上午十一點到下午一點的時段為午時。一般大多指中午十二時左右。
【原早】(guân-tsá) 原先、早先。例：原早的路無蓋大條。Guân-tsá ê lōo bô kài tuā tiâu. (早先的道路沒有很寬大。)
【月尾】(gue̍h-bué/ge̍h-bé) 月底。指一個月的最後幾天。例：伊月尾欲去高雄看𪜶後生。I gue̍h-bué beh khì Ko-hiông khuànn in hāu-senn. (他月底要去高雄看他兒子。)
【月外日】(gue̍h-guā-ji̍t/ge̍h-guā-li̍t) 一個多月。例：伊愛閣月外日才會轉來。I ài koh gue̍h-guā-ji̍t tsiah ē tńg–lâi. (他還要一個多月才會回來。)
【月份】(gue̍h-hūn/ge̍h-hūn)
【月光暝】(gue̍h-kng-mê/ge̍h-kng-mî) 月夜。有月光的夜晚。
【月半】(gue̍h-puànn/ge̍h-puànn) 陰曆每月的十五日，是一個月裡，月最圓的時候。
【月頭】(gue̍h-thâu/ge̍h-thâu) 月初。每月起初的幾天。例：我月頭愛納厝稅錢。Guá gue̍h-thâu ài la̍p tshù-suè tsînn. (我月初要繳房租。)
【月中】(gue̍h-tiong/ge̍h-tiong) 指每一個月的中旬。
【月初】(gue̍h-tshe/ge̍h-tshue) 月頭、上旬。一個月剛開始的頭幾天。
【下元】(Hā-guân) 下元節。傳統民俗節日之一。農曆十月十五日為三官大帝的誕辰，通常在十月十四日晚間十一點開始祭拜，主要供品為甜湯圓、「麻粩」(muâ-láu)、「米粩」(bí-láu)。
【夏日】(hā-ji̍t/hā-li̍t)
【下午】(hā-ngóo) 中午過後的時間，指中午十二點到黃昏前的一段時間。
【下旬】(hā-sûn)
【亥】(hāi) 地支的第十二位。例：亥時　hāi sî(晚上九點至十一點)。
【寒假】(hân-ká)
【現今】(hiān-kim)
【現代】(hiān-tāi) 當代，目前所處的時代。
【現此時】(hiān-tshú-sî) 現在、目前。例：現此時的人攏較會曉享受。Hiān-tshú-sî ê lâng lóng khah ē-hiáu hiáng-siū. (現在的人都比較懂得享受。)
【向時】(hiàng-sî) 從前、昔日。例：伊向時咧教冊。I hiàng-sî teh kà-tsheh. (他從前在教書。)
【刑期】(hîng-kî)
【彼擺】(hit pái) 那次。例：彼擺予你閃過，這擺你愛照步來。Hit pái hōo lí siám–kuè, tsit-pái lí ài tsiàu-pōo-lâi. (那次讓你僥倖避開了，這次你必須按規矩行事。)
【彼時】(hit-sî) 那時、當時。例：伊出代誌彼時，我佇厝裡。I tshut-tāi-tsì hit-sî, guá tī tshù–lí. (他出事的那個時候，我正在家裡。)
【彼站】(hit-tsām) 那陣子、那個時候。離現在比較遠的一段時間。例：彼站我人無佇臺北。Hit-tsām guá lâng bô tī Tâi-pak. (那陣子我人不在臺北。)
【彼一日】(hit-tsi̍t-ji̍t/hit-tsi̍t-li̍t) 那一天。
【彼陣】(hit-tsūn) 那時、那陣子。例：彼陣我一个人蹛佇山頂，日子過了真清閒。Hit-tsūn guá tsi̍t ê lâng tuà tī suann-tíng, ji̍t-tsí kuè liáu tsin tshing-îng. (那時我一個人住在山上，日子過得很悠閒。)
【何時】(hô-sî)
【黃昏】(hông-hun) 傍晚。太陽將落，天快黑的時候。例：黃昏不殺雞。Hông-hun put sat ke. (黃昏以後不殺雞。因俗以為日落後殺雞，將使該雞死後不能投胎轉世。)
【翻點】(huan-tiám) 過午夜十二點。通常用在熬夜做事情。例：我昨暝做甲翻點。Guá tsa-mê tsò kah huan-tiám. (我昨晚做到超過半夜。)
【會期】(huē-kî)
【以後】(í-āu) 日後、以後、爾後。指晚於某一段時間之後的時間。例：囡仔離跤手以後你就輕鬆矣。Gín-á lî-kha-tshiú í-āu lí tō khin-sang–ah. (孩子長大離家以後你就輕鬆了。)
【以來】(í-lâi)
【以往】(í-óng)
【以前】(í-tsîng) 指早於某一段時間之前的時間。例：明仔載以前愛共代誌做予伊好勢。Bîn-á-tsài í-tsîng ài kā tāi-tsì tsò hōo i hó-sè. (明天以前必須把事情處理好。)
【預先】(ī-sian/ū-sian)
【夜】(iā) 晚上。例：夜班　iā-pan、夜間部　iā-kan-pōo。
【夜間】(iā-kan)
【延期】(iân-kî)
【往過】(íng-kuè/íng-kè) 以往、以前。例：往過伊攏會來揣阮老爸開講。Íng-kuè i lóng ē lâi tshuē guán lāu-pē khai-káng. (以前他都會來找我爸爸談天。)
【往擺】(íng-pái) 以前、早先。例：往擺伊足無愛來阮兜。Íng-pái i tsiok bô ài lâi guán tau. (以前他很不喜歡來我家。)
【往時】(íng-sî) 從前、過去。例：往時伊是阮的厝邊。Íng-sî i sī guán ê tshù-pinn. (以前他是我鄰居。)
【閒工】(îng-kang) 閒工夫。閒暇無事的時間。例：你若有閒工，就來共我鬥相共。Lí nā ū îng-kang, tō lâi kā guá tàu-sann-kāng. (你如果有閒工夫，就來幫我的忙。)
【陽曆】(iông-li̍k) 陽曆。根據地球繞太陽公轉的周期所制定的曆法，又稱為「太陽曆」。
【酉】(iú) 地支的第十位。例：酉時　iú-sî(下午五點到七點)、點燈酉　tiám ting iú(下午五時到七點的點燈時刻)。
【有史以來】(iú-sú í-lâi)
【二九暝】(Jī-káu-mê/Lī-káu-mî) 除夕、大年夜。例：二九暝家家戶戶攏咧圍爐。Jī-káu-mê ke-ke-hōo-hōo lóng leh uî-lôo. (農曆新年除夕晚上家家戶戶都在圍爐。)
【壬】(jîm/lîm) 天干的第九位。
【任期】(jīm-kî/līm-kî)
【任內】(jīm-lāi/līm-lāi)
【日時仔】(ji̍t–sî-á/li̍t–sî-á) 白天。例：你哪會日時仔就咧睏？Lí ná ē ji̍t–sî-á tō teh khùn? (你怎麼白天就在睡覺？)
【日時】(ji̍t–sî/li̍t–sî) 白天。例：伊日時攏無佇厝裡。I ji̍t–sî lóng bô tī tshù–lí. (他白天都不在家裡。)
【日後】(ji̍t-āu/li̍t-āu) 以後、將來。例：你著好好仔拍拚，日後才有出脫。Lí tio̍h hó-hó-á phah-piànn, ji̍t-āu tsiah ū tshut-thuat. (你要好好努力，以後才有成就。)
【日夜】(ji̍t-iā/li̍t-iā)
【日間】(ji̍t-kan/li̍t-kan)
【日期】(ji̍t-kî/li̍t-kî) 發生某件事的確定日子或者期間。
【日常】(ji̍t-siông/li̍t-siông) 平常、平日。
【日程】(ji̍t-tîng/li̍t-tîng)
【日子】(ji̍t-tsí/li̍t-tsí) 1.時間、期間。例：日子過了真緊。Ji̍t-tsí kuè liáu tsin kín. (時間過得真快。)　時間2.黃曆上帶有吉凶的日期。例：今仔日的日子是好抑䆀？Kin-á-ji̍t ê ji̍t-tsí sī hó ia̍h bái? (今天的日子好不好？指今天在黃曆上有沒有沖剋。)　日期3.生活。例：日子真歹過。Ji̍t-tsí tsin pháinn kuè. (生活真艱困。)　生活
【熱人】(jua̍h–lâng/lua̍h–lâng) 夏天。一年四季中的第二季。例：熱人到矣，電風好提出來矣。Jua̍h–lâng kàu–ah, tiān-hong hó the̍h–tshut-lâi–ah. (夏天了，可以把電扇拿出來了。)
【熱天】(jua̍h-thinn/lua̍h-thinn) 夏天。一年四季中的第二個季節，一般而言氣候較熱。
【閏月】(jūn-gue̍h/lūn-ge̍h) 陰曆以月球繞地球一周為一個月，小月二十九天，大月三十天，十二個月只有三百五十四天或三百五十五天，比陽曆一年差十天二十一小時。所以大約每三年加置一個閏月，五年兩閏，十九年七閏，用來調整陰、陽曆之間的差距。
【閏】(jūn/lūn) 曆法中年、月、日的劃分與回歸年的長度不能配合，為調整曆法與天象間的差距，在適當年分中增加完整的一日或一個月。例：三年一閏，好歹照輪。Sann nî tsi̍t jūn, hó-pháinn tsiàu lûn. (農曆大約三年閏年一次，引申為風水輪流轉。)
【假日】(ká-ji̍t/ká-li̍t)
【到期】(kàu-kî) 規定的期限已到。例：這張稅單已經到期矣。Tsit tiunn suè-tuann í-king kàu-kî–ah. (這張稅單的期限已經到了。)
【到時】(kàu-sî) 屆時，到達一定的時間。例：到時你就知。Kàu-sî lí tō tsai. (到時候你就知道。)
【隔日】(keh-ji̍t/keh-li̍t) 次日、隔天。第二天，隔了一天的時間。
【隔暝】(keh-mê/keh-mî) 隔夜。經過一夜。例：孔子公，毋敢收人隔暝帖。Khóng-tsú-kong, m̄ kánn siu lâng keh-mê thiap. (即使是孔子，也不敢收人家隔夜的請帖。意即世事多變，對未來的事無法確定。)
【隔年】(keh-nî) 明年、翌年。
【隔轉日】(keh-tńg-ji̍t/keh-tńg-li̍t) 翌日、次日。第二天。例：伊敲電話講欲來，隔轉日伊就來矣。I khà tiān-uē kóng beh lâi, keh-tńg-ji̍t i tō lâi–ah. (他打電話說要來，隔天他就來了。)
【隔轉工】(keh-tńg-kang) 翌日、隔天。例：伊人艱苦厝內的人緊共送去病院，想袂到隔轉工就過身矣。I lâng kan-khóo tshù-lāi ê lâng kín kā sàng khì pēnn-īnn, siūnn-bē-kàu keh-tńg-kang tō kuè-sin–ah. (他人不舒服家人趕快送他去醫院，想不到隔天他就去世了。)
【隔轉年】(keh-tńg-nî) 翌年、明年。第二年。例：伊2003年有來，隔轉年伊閣來一遍。I 2003 nî ū lâi, keh-tńg-nî i koh lâi tsi̍t piàn. (他2003年有來，隔年他又來了一次。)
【較停仔】(khah-thîng-á) 等一下。稍候片刻。例：伊較停仔若轉來，才共遮的物件交予伊。I khah-thîng-á nā tńg–lâi, tsiah kā tsia ê mi̍h-kiānn kau hōo i. (他等一下如果回來，再將這些東西交給他。)
【起先】(khí-sing)
【起初】(khí-tshoo)
【空前】(khong-tsiân)
【寬限】(khuan-hān) 延期。放寬、延長期限。例：請你閣予我寬限一個月，時到我一定會共錢還你。Tshiánn lí koh hōo guá khuan-hān tsi̍t kò gue̍h, sî kàu guá it-tīng ē kā tsînn hîng–lí. (請你再讓我延期一個月，到時候我一定會把錢還你。)
【紀元】(kì-guân)
【期限】(kî-hān) 某一個限定的時間點。
【期間】(kî-kan) 在特定的期限內。
【今後】(kim-āu)
【今仔日】(kin-á-ji̍t/kin-á-li̍t) 今天、今日。例：今仔日是我的生日。Kin-á-ji̍t sī guá ê senn-ji̍t. (今天是我的生日。)
【今年】(kin-nî) 本年。說話時的這一年。例：伊今年十歲。I kin-nî tsa̍p huè. (他今年十歲。)
【近日】(kīn-ji̍t/kūn-li̍t)
【近期】(kīn-kî/kūn-kî)
【近來】(kīn-lâi/kūn-lâi) 最近。說話前後不久的日子。例：伊近來的行為有淡薄仔奇怪。I kīn-lâi ê hîng-uî ū tām-po̍h-á kî-kuài. (他最近的行為有一點點奇怪。)
【近年】(kīn-nî/kūn-nî)
【近代】(kīn-tāi/kūn-tāi)
【近】(kīn/kūn) 1.指時間、地點、血統、關係等方面距離不遠的。例：近來　kīn-lâi、近近仔　kīn-kīn–á(頗近)、近親　kīn-tshin。2.靠近、接近。例：近海　kīn-hái。
【公元】(kong-guân) 西元。歐美諸國以耶穌基督誕生之年為紀元之始，世界各國多有採用者，故稱為「公元」。
【古今】(kóo-kim)
【古老】(kóo-ló)
【古代】(kóo-tāi)
【古早】(kóo-tsá) 很久之前、古代。例：古早時代，「玉井」叫做「噍吧哖」。Kóo-tsá sî-tāi, “Gio̍k-tsénn” kiò-tsò “Ta-pa-nî”. (很久以前，玉井稱做噍吧哖。)
【故】(kòo) 1.以前的、舊的。例：故事　kòo-sū、故鄉　kòo-hiong。2.事情發生的原因。例：無緣無故　bô iân bô kòo。
【久來】(kú–lâi) 久而久之。例：我若無提醒，你久來就會袂記得矣。Guá nā bô thê-tshénn, lí kú–lâi tō ē bē-kì–tit–ah. (我若沒有提醒你，時間一久你就會忘記了。)
【久長】(kú-tn̂g) 長久。時間長遠悠久。例：我看𪜶兩个，會做伙嘛袂久長。Guá khuànn in nn̄g ê, ē tsò-hué mā bē kú-tn̂g. (我看他們兩個，就算會在一起也不會長久。)
【舊年】(kū-nî) 去年。例：伊舊年考無牢，今年閣考，考了真好。I kū-nî khó bô tiâu, kin-nî koh khó, khó liáu tsin hó. (他去年沒考上，今年再考，考得很好。)
【過後】(kuè-āu/kè-āu) 過了之後。例：代誌過後，就莫閣提起。Tāi-tsì kuè-āu, tō mài koh the̍h-khí. (事情過了之後，就不要再提起。)
【過去】(kuè-khì/kè-khì) 1.已往、從前。例：過去阮是真好的朋友。Kuè-khì guán sī tsin hó ê pîng-iú. (過去我們是很好的朋友。)　向時、往日2.指時限已過。例：代誌已經過去矣，你毋免閣問矣。Tāi-tsì í-king kuè–khì–ah, lí m̄-bián koh mn̄g–ah. (事情已經過去了，你不用再問了。)
【過時】(kuè-sî/kè-sî) 退流行，不合時宜。例：過時賣曆日。Kuè-sî bē la̍h-ji̍t. (過了適當的時機，才賣日曆。)
【規年迵天】(kui-nî-thàng-thinn) 一整年。例：伊規年迵天攏佇國外。I kui-nî-thàng-thinn lóng tī kok-guā. (他一整年都在國外。)
【癸】(kuí) 天干的第十位，也是末位。
【幾工】(kuí kang) 幾天。常用於疑問句。例：這愛幾工才會完成？Tse ài kuí kang tsiah ē uân-sîng? (這要幾天才能完成？)
【幾若工】(kuí-nā kang) 好幾天、許多天。例：伊幾若工無來上班矣。I kuí-nā kang bô lâi siōng-pan–ah. (他好幾天沒來上班了。)
【季節】(kuì-tseh/kuì-tsueh) 時節。四季和二十四節氣的合稱。一年中，依據具有某種特點而區分出來的時期，共有春、夏、秋、冬四季和二十四節氣。
【六月天】(la̍k-gue̍h-thinn/la̍k-ge̍h-thinn) 農曆六月，夏季天氣最熱的時候。例：紅嬰仔無六月天。Âng-enn-á bô la̍k-gue̍h-thinn. (嬰兒無六月天。意為嬰兒抵抗力弱，容易感冒，即使在六月大熱天也要保暖，不得疏忽。)
【閬月】(làng-gue̍h/làng-ge̍h) 1.隔月。例：這跤會仔錢閬月收一擺。Tsit kha huē-á-tsînn làng-gue̍h siu tsi̍t pái. (這個互助會錢隔月收一次。)　2.隔了一個月，空了一個月。例：伊已經閬月無轉來矣。I í-king làng-gue̍h bô tńg–lâi–ah. (他已經隔了一個月沒回家了。)
【老早】(láu-tsá) 很久以前。例：我老早就知影伊有問題。Guá láu-tsá tō tsai-iánn i ū būn-tê. (我老早就知道他有問題。)
【禮拜日】(lé-pài-ji̍t/lé-pài-li̍t) 星期天、星期日，簡稱為「禮拜」。例：教會禮拜日上無閒。Kàu-huē lé-pài-ji̍t siōng bô-îng. (教會禮拜天最忙碌。)
【連日】(liân-ji̍t/liân-li̍t)
【了後】(liáu-āu) 之後。例：你出門了後，伊就醒矣。Lí tshut-mn̂g liáu-āu, i tō tshénn–ah. (你出去之後，他就醒了。)
【歷來】(li̍k-lâi)
【歷代】(li̍k-tāi)
【另日】(līng-ji̍t/līng-li̍t) 他日、改天。例：另日咱才做伙食飯。Līng-ji̍t lán tsiah tsò-hué tsia̍h-pn̄g. (改天我們再一起吃飯。)
【落後日】(loh-āu–ji̍t/loh-āu–li̍t) 大後天。例：阮落後日欲來去下港𨑨迌。Guán loh-āu–ji̍t beh lâi-khì ē-káng tshit-thô. (我們大後天要去南部玩。)
【落後年】(loh-āu–nî) 大後年。後年之後的第一年。例：𪜶按算落後年欲出國留學。In àn-sǹg loh-āu–nî beh tshut-kok liû-ha̍k. (他們打算大後年要出國留學。)
【落昨日】(loh-tso̍h–ji̍t/loh-tso̍h–li̍t) 大前天。前天的前一日。例：伊落昨日才對歐洲轉來。I loh-tso̍h–ji̍t tsiah tuì Au-tsiu tńg–lâi. (他大前天才從歐洲回來。)
【落尾】(lo̍h-bué/lo̍h-bé) 後來、最後。例：落尾我就去高雄讀冊。Lo̍h-bué guá tō khì Ko-hiông tha̍k-tsheh. (後來我就去高雄唸書。)
【暝時】(mê–sî/mî–sî) 夜晚。夜裡，晚上。例：暝時毋睏，日時才咧盹龜。Mê–sî m̄ khùn, ji̍t–sî tsiah teh tuh-ku. (晚上不睡，白天才在打瞌睡。)
【暝尾】(mê-bué/mî-bé) 指夜色將盡，天色將明的那一段時間。例：暝尾的時足寒的。Mê-bué ê sî tsiok kuânn–ê. (天將亮時最寒冷。)
【暝日】(mê-ji̍t/mî-li̍t) 日夜、晝夜。黑夜與白天，也就是指一整天的意思。
【明年】(mê-nî) 次年、來歲。例：伊明年就畢業矣。I mê-nî tō pit-gia̍p–ah. (他明年就畢業了。)
【暝】(mê/mî) 夜、晚。例：規暝無睏　kui mê bô khùn(整晚沒睡)、無暝無日　bô-mê-bô-ji̍t(沒日沒夜、日以繼夜)。
【每日】(muí-ji̍t/muí-li̍t) 每天。例：自從離開故鄉，每日思念爸母。Tsū-tsiông lī-khui kòo-hiong, muí-ji̍t su-liām pē-bú. (自從離開故鄉，每天思念父母。)
【每年】(muí-nî) 每一年。例：公司每年攏有發獎金予伊。Kong si muí-nî lóng ū huat tsióng-kim hōo–i. (公司每年都有發獎金給他。)
【午】(ngóo) 1.地支的第七位，十二生肖中以午屬馬。例：今年是壬午年。Kin-nî sī jîm-ngóo nî. (今年是壬午馬年。)　2.時辰名，上午十一點到下午一點。例：午時　ngóo sî。3.一日的正當中。例：中午　tiong ngóo。
【年尾】(nî-bué/nî-bé) 年終、歲未。
【年限】(nî-hān) 限定的年數。
【年份】(nî-hūn)
【年久月深】(nî-kú-gue̍h-tshim/nî-kú-ge̍h-tshim) 久而久之、日積月累、經年累月。經歷過一段長久的時間。例：沓沓仔粒積，年久月深，伊已經變做好額人矣。Ta̍uh-ta̍uh-á lia̍p-tsik, nî-kú-gue̍h-tshim, i í-king piàn-tsò hó-gia̍h-lâng–ah. (慢慢儲蓄，經年累月，他已經變成有錢人了。)
【年代】(nî-tāi)
【年兜】(nî-tau) 年尾、年跟腳。指年終歲暮將近過年的那幾天。例：年兜逐家咧攢欲過年攏真無閒。Nî-tau ta̍k-ê teh tshuân beh kuè-nî lóng tsin bô-îng. (年底大家要準備過年都會非常忙。)
【年底】(nî-té/nî-tué) 年尾、年終。一年的最後期間。例：年底欲到矣，數愛緊結結咧。Nî-té beh kàu–ah, siàu ài kín kiat-kiat–leh. (年終將至，帳要趕快結一結。)
【年頭】(nî-thâu) 一年的開始。例：新正年頭　sin-tsiann-nî-thâu(新年剛開始的階段)。
【年度】(nî-tōo) 為處理事務方便而規定的，有一定起訖日期的十二個月。例：會計年度　kuè-kè nî-tōo。
【年初】(nî-tshe/nî-tshue)
【軟晡】(nńg-poo) 傍晚陽光轉弱的時候。例：等軟晡才來去買果子。Tán nńg-poo tsiah lâi-khì bé kué-tsí. (等傍晚再去買水果。)
【往日】(óng-ji̍t/óng-li̍t) 過去、以往。過去的日子。
【往年】(óng-nî) 過去、從前。過去的年歲。
【百年】(pah-nî)
【拜一】(pài-it) 星期一。例：阮拜一欲考試。Guán pài-it beh khó-tshì. (我們星期一要考試。)
【別日仔】(pa̍t-ji̍t-á/pa̍t-li̍t-á) 他日、改天。見【另日】līng-ji̍t 條。例：別日仔較閒才來去。Pa̍t-ji̍t-á khah îng tsiah lâi-khì.(改天較閒時再去。)
【別日】(pa̍t-ji̍t/pa̍t-li̍t) 他日、改天。例：今仔日我無閒，別日才去看你。Kin-á-ji̍t guá bô-îng, pa̍t-ji̍t tsiah khì khuànn–lí. (今天我沒空，改天再去看你。)
【平日】(pîng-ji̍t/pîng-li̍t)
【平時】(pîng-sî)
【平常】(pîng-siông) 1.平時，一般日子。例：今仔日的天氣佮平常無仝款。Kin-á-ji̍t ê thinn-khì kah pîng-siông bô kāng-khuán. (今天的天氣跟平時不一樣。)　2.形容一點也沒有值得奇怪或驚訝的地方。例：姊妹仔冤家是真平常的代誌。Tsí-muē-á uan-ke sī tsin pîng-siông ê tāi-tsì. (姊妹倆吵架是很平常的事情。)　特殊
【平常時】(pîng-siông-sî) 平時。例：伊平常時攏無咧運動。I pîng-siông-sî lóng bô teh ūn-tōng. (他平時都不運動。)
【晡】(poo) 1.半天。例：下晡　ē-poo(下午)、頂晡　tíng-poo(上午)、一晡　tsi̍t poo(一個半天)、規半晡　kui-puànn-poo(整個半天，即很久的意思。)。2.指申時，即下午三點至五點。
【半月日】(puànn gue̍h-ji̍t/puànn ge̍h-li̍t) 半個月。例：我決定欲請半月日的假來去𨑨迌。Guá kuat-tīng beh tshíng puànn gue̍h-ji̍t ê ká lâi-khì tshit-thô. (我決定請半個月的假期去玩。)
【半日】(puànn-ji̍t/puànn-li̍t) 半天。指一天的一半。
【半工】(puànn-kang) 半天。例：我明仔載欲請半工的假。Guá bîn-á-tsài beh tshíng puànn-kang ê ká. (我明天要請半天假。)
【半暝】(puànn-mê/puànn-mî) 半夜、深夜。例：翁仔某半暝咧冤家。Ang-á-bó puànn-mê teh uan-ke. (夫妻半夜在吵架。)
【半年】(puànn-nî)
【半晡】(puànn-poo) 半天，或指一天中的一段時間。例：我等你規半晡矣。Guá tán lí kui-puànn-poo–ah. (我等你老半天了。)
【不管時】(put-kuán-sî) 隨時、任何時候。例：有代誌不管時攏會使來揣我。Ū tāi-tsì put-kuán-sî lóng ē-sái lâi tshuē–guá. (有事情隨時都能來找我。)
【不時】(put-sî) 隨時、經常。無論什麼時候。例：伊不時嘛咧讀冊。I put-sî mā teh tha̍k-tsheh. (她經常在讀書。)
【三國】(Sam-kok)
【三更半暝】(sann-kenn-puànn-mê/sann-kinn-puànn-mî) 三更半夜；深夜。例：伊昨昏三更半暝才轉來。I tsa-hng sann-kenn-puànn-mê tsiah tńg–lâi. (他昨天三更半夜才回來。)
【三更】(sann-kenn/sann-kinn) 子時、中夜。指夜間十一時至隔天凌晨一時。例：三更半暝　sann-kenn-puànn-mê(三更半夜)。
【西元】(se-guân)
【世】(sè) 1.三十年為一世，引申為世代。例：世交　sè-kau(兩代以上的交誼)。2.人間。例：世事　sè-sū、世局　sè-kio̍k。
【世紀】(sè-kí) 計算年代的單位。歐美各國以耶穌降生的那年為紀元，每經一百年為一世紀。
【世代】(sè-tāi) 1.朝代、年代。2.指經過一段很久的歲月。例：這種餅世代相傳已經規百年矣。Tsit tsióng piánn sè-tāi siong-thuân í-king kui pah nî–ah. (這種餅世代相傳已經幾百年了。)
【時候】(sî-hāu) 1.時間。例：這馬是啥物時候矣？Tsit-má sī siánn-mih sî-hāu–ah? (現在是什麼時間了？)　2.節骨眼、時節。例：辦喪事的時候，愛較正經咧。Pān song-sū ê sî-hāu, ài khah tsìng-king–leh. (辦喪事的時候，要正經一點。)
【時日】(sî-ji̍t/sî-li̍t)
【時間】(sî-kan) 1.泛指時刻的長短，單位為秒、分、時、日、月、年等等。例：時間無早矣。Sî-kan bô-tsá–ah. (時間不早了。)　時陣2.一時之間，極短的時間。例：春天後母面，欲變一時間。Tshun-thinn āu-bú bīn, beh piàn tsi̍t-sî-kan. (春天就像繼母的臉，一瞬間說翻臉就翻臉。)
【時刻】(sî-khik)
【時期】(sî-kî)
【時光】(sî-kong)
【時時刻刻】(sî-sî-khik-khik) 無時無刻。例：我時時刻刻都咧思念你。Guá sî-sî-khik-khik to teh su-liām–lí. (我無時無刻都在想你。)
【時辰】(sî-sîn) 1.將一天按照十二地支的順序，分為子、丑、寅、卯、辰、巳、午、未、申、酉、戌、亥等十二個時段，這種兩小時為一時段，稱為「時辰」。2.時候。例：伊是咧等待出手的好時辰。I sī teh tán-thāi tshut-tshiú ê hó sî-sîn. (他是在等待出手的好時機。)　時候、時機
【時數】(sî-sòo)
【時代】(sî-tāi) 時期、世代。例：時代無仝款矣。Sî-tāi bô kāng-khuán–ah. (時代不同了。)
【時陣】(sî-tsūn) 時候。例：你啥物時陣欲轉來？Lí siánn-mih sî-tsūn beh tńg–lâi? (你什麼時候要回來？)
【時段】(sî-tuānn)
【𫝛年】(siāng-nî) 同一年。例：阮兩个是𫝛年生的，攏相龍。Guán nn̄g ê sī siāng-nî senn–ê, lóng siùnn lîng. (我們兩個是同年生的，都屬龍。)
【𫝛時】(siāng-sî) 同時。例：真拄好，𪜶兩个𫝛時到位。Tsin-tú-hó, in nn̄g ê siāng-sî kàu-uī. (真巧，他們兩個同時到。)
【先】(sing) 1.前。指時間上比較早的。例：頭起先　thâu-khí-sing(起先)。2.次序上比較前的。例：伊先會失禮我就原諒伊。I sing huē-sit-lé guá tō guân-liōng–i. (他先道歉我就原諒他。)
【上元暝】(Siōng-guân-mê/Siōng-guân-mî) 元宵節。見【元宵】Guân-siau 條。
【上午】(siōng-ngóo) 清晨到中午之間。
【暑期】(sú-kî)
【四季】(sù-kuì) 春、夏、秋、冬四時的總稱。
【四常】(sù-siông) 時常、經常。例：我四常去圖書館查資料。Guá sù-siông khì tôo-su-kuán tshâ tsu-liāu. (我常常去圖書館查資料。)
【事後】(sū-āu) 事務已成定局之後，或事情發生之後。例：事後才來後悔就袂赴矣。Sū-āu tsiah lâi hiō-hué tō bē-hù–ah. (事情發生之後再來後悔就來不及了。)
【事先】(sū-sian)
【歲月】(suè-gua̍t)
【隨時】(suî-sî) 1.任何時候、無論何時。例：行路的時，隨時愛注意車。Kiânn-lōo ê sî, suî-sî ài tsù-ì tshia. (走路的時候，要隨時注意車子。)　時時、時時刻刻2.馬上、立刻。例：你莫閣催矣，我隨時到。Lí mài koh tshui–ah, guá suî-sî kàu. (你別再催了，我馬上到。)　馬上、連鞭
【瞬間】(sùn-kan)
【戌】(sut) 地支的第十一位。例：戌時　sut-sî(晚上七點至九點)。
【代先】(tāi-sing) 1.事先、預先。例：代先明呼明唱，才袂後日仔毋認數。Tāi-sing bîng hoo bîng tshiàng, tsiah bē āu-ji̍t-á m̄ jīn-siàu. (事先講明，以後才不會不認帳。)　2.第一個。例：你做代先。Lí tsò tāi-sing.(你帶頭。)　3.最前頭。例：拄著危險，伊攏走代先。Tú-tio̍h guî-hiám, i lóng tsáu tāi-sing.(遇到危險，他都跑在最前頭。)
【逐暗】(ta̍k-àm) 每天晚上。例：樓頂逐暗攏足吵的。Lâu-tíng ta̍k-àm lóng tsiok tshá–ê. (樓上每天晚上都很吵。)
【逐年】(ta̍k-nî) 每年。例：伊逐年攏會出國去𨑨迌。I ta̍k-nî lóng ē tshut-kok khì tshit-thô. (他每年都會出國去玩。)
【等咧】(tán–leh) 等一下、稍待片刻。例：等咧伊就會來。Tán–leh i tō ē lâi. (等會他就會來。)
【等一下】(tán–tsi̍t-ē) 見【等咧】tán–leh 條。
【冬】(tang) 1.一年中的第四季。例：冬天　tang-thinn、冬筍　tang-sún。2.計算年的單位。代表一年的時間。例：一冬　tsi̍t tang(一年)。年3.年頭收成的狀況。例：好年冬　hó nî-tang(農作物收成好的年份)。4.農作物的收成季。例：六月冬　la̍k gue̍h tang(第一期稻作的收成季)。
【冬尾】(tang-bué/tang-bé) 殘冬。見【年尾】nî-bué 條。
【冬天】(tang-thinn) 見【寒天】kuânn-thinn 條。
【今】(tann) 1.此時、現在。例：從到今　tsîng-kàu-tann(從前到現在、向來)。這馬古2.如今。例：今攏害了了矣！Tann lóng hāi-liáu-liáu–ah! (如今全完蛋了！)　3.剛剛。例：今才　tann-tsiah(剛才)。
【今仔】(tann-á) 剛剛、剛才。例：我今仔才入門爾爾。Guá tann-á tsiah ji̍p mn̂g niā-niā. (我才剛剛進門而已。)
【晝】(tàu) 1.中午時分。例：中晝　tiong-tàu(中午)、過晝　kuè tàu(過中午)、倚晝　uá tàu(接近中午)。2.引申為午餐。例：食晝　tsia̍h tàu(吃午餐)。
【短期】(té-kî) 短暫的時間。
【地支】(tē-tsi/tuē-tsi) 古代計時的符號，包括「子」(tsú)、「丑」(thiú)、「寅」(în)、「卯」(báu)、「辰」(sîn)、「巳」(tsī)、「午」(gōo)、「未」(bī)、「申」(sin)、「酉」(iú)、「戌」(sut)、「亥」(hāi)十二地支。另有十天干來配合計年。
【透日】(thàu-ji̍t/thàu-li̍t) 整天、整日。例：伊穡頭真濟，透日攏咧趕工。I sit-thâu tsin tsē, thàu-ji̍t lóng teh kuánn-kang. (他工作很多，整天都在趕工。)
【透中晝】(thàu-tiong-tàu) 正午。日正當中的時候。例：阿仁透中晝毋食飯，咧趕穡頭。A-jîn thàu-tiong-tàu m̄ tsia̍h-pn̄g, teh kuánn sit-thâu. (阿仁中午不吃飯，在趕工作。)
【頭先】(thâu-sing) 起初、起先。在時間或事情流程上比較早的。例：我頭先是去彼爿，後來才來遮的。Guá thâu-sing sī khì hit pîng, āu–lâi tsiah lâi tsia–ê. (我起初是到那邊，後來才到這裡的。)
【天時】(thian-sî) 自然有利的時機。例：天時不如地利。Thian-sî put-jû tē-lī. (占有利的時機還不如占地理優勢。)
【天光】(thinn-kng) 天亮、破曉。例：天光矣，你好起來讀冊矣！Thinn-kng–ah, lí hó khí-lâi tha̍k-tsheh–ah! (天亮了，你該起來上學了！)
【通常】(thong-siông) 一般來說、大部分的時候是這樣。例：我通常是四點下課。Guá thong-siông sī sì tiám hā-khò.
【底時】(tī-sî) 何時。什麼時候。例：你底時欲來𨑨迌？Lí tī-sî beh lâi tshit-thô? (你什麼時候要來玩？)
【底當時】(tī-tang-sî) 何時、什麼時候。例：彼齣電影底當時欲搬？Hit tshut tiān-iánn tī-tang-sî beh puann? (那部電影何時上映？)；是欲等到底當時？Sī beh tán kàu tī-tang-sî?(要等到什麼時候？)
【定定】(tiānn-tiānn) 1.靜止不動。例：伊徛定定毋敢烏白振動。I khiā tiānn-tiānn m̄-kánn oo-pe̍h tín-tāng. (他站定不敢亂動。)　2.常常、經常。例：伊定定無佇咧。I tiānn-tiānn bô tī–leh. (他經常不在。)　常在、常常、捷捷罕得
【頂月日】(tíng gue̍h-ji̍t/tíng ge̍h-li̍t) 上個月。例：𪜶阿公頂月日拄才過身去。In a-kong tíng gue̍h-ji̍t tú-tsiah kuè-sin–khì. (他爺爺上個月才剛過世。)
【頂月】(tíng-gue̍h/tíng-ge̍h) 上個月。例：伊頂月無納會仔錢。I tíng-gue̍h bô la̍p huē-á tsînn. (他上個月沒繳納會錢。)
【頂日仔】(tíng-ji̍t-á/tíng-li̍t-á) 前幾天。例：頂日仔𪜶規家伙仔有來我遮。Tíng-ji̍t-á in kui-ke-hué-á ū lâi guá tsia. (前幾天他們全家有來我這兒。)
【頂日】(tíng-ji̍t/tíng-li̍t) 前幾天、前幾日。前天往前算的幾天。例：這件代誌咱毋是頂日就講好矣？Tsit kiānn tāi-tsì lán m̄ sī tíng-ji̍t tō kóng-hó–ah? (這件事我們不是前幾天就說好了嗎？)
【頂過】(tíng-kuè/tíng-kè) 上次。例：這層代誌咱頂過已經講過矣！Tsit tsân tāi-tsì lán tíng-kuè í-king kóng–kuè–ah! (這件事情我們上次已經說過了！)
【頂擺】(tíng-pái) 上次、前回。例：錢我頂擺就納去矣。Tsînn guá tíng-pái tō la̍p–khì–ah. (錢我上次就已經繳了。)
【頂幫】(tíng-pang) 上次，前一次。例：頂幫毋是已經修理好矣，哪會閣歹去？Tíng-pang m̄ sī í-king siu-lí hó–ah, ná ē koh pháinn–khì? (上次不是已經修理好了，怎麼還會壞掉呢？)
【頂晡】(tíng-poo) 早上、上午。例：𪜶頂晡就出去矣，暗時才會轉來。In tíng-poo tō tshut–khì–ah, àm-sî tsiah ē tńg–lâi. (他們上午就出去了，晚上才會回來。)
【頂半暝】(tíng-puànn-mê/tíng-puànn-mî) 上半夜、前半夜。夜晚以後到午夜十二點之間的時間。例：伊是佇昨昏頂半暝過身去的。I sī tī tsa-hng tíng-puànn-mê kuè-sin–khì–ê. (他是在昨天上半夜過世的。)
【頂冬】(tíng-tang) 去年。例：頂冬的收成袂䆀。Tíng-tang ê siu-sîng bē bái. (去年的收成不錯。)
【等等】(tíng-tíng)
【定期】(tīng-kî) 預定或固定的日期或期限。例：定期存款　tīng-kî tsûn-khuán。
【定時】(tīng-sî)
【中期】(tiong-kî)
【中旬】(tiong-sûn) 每月當中的十一日至二十日。
【中晝時】(tiong-tàu-sî) 中午。
【當咧】(tng-teh) 正在、正值。表示進行貌與持續貌。例：我當咧無閒，你莫共我吵。Guá tng-teh bô-îng, lí mài kā guá tshá. (我正在忙，你不要吵我。)
【當頭白日】(tng-thâu-pe̍h-ji̍t/tng-thâu-pe̍h-li̍t) 大白天。特別強調說話的當時為白天。例：當頭白日你就毋通講白賊。Tng-thâu-pe̍h-ji̍t lí tō m̄-thang kóng-pe̍h-tsha̍t. (光天化日之下你就別說謊了。)
【長期】(tn̂g-kî)
【長久】(tn̂g-kú)
【長年】(tn̂g-nî)
【當日】(tong-ji̍t/tong-li̍t)
【當今】(tong-kim)
【當年】(tong-nî) 從前。例：當年恁阿爸做生理趁足濟錢。Tong-nî lín a-pah tsò-sing-lí thàn tsiok tsē tsînn. (當年你父親做生意時賺很多錢。)
【當時】(tong-sî) 從前、那時候。例：當時囡仔攏猶細漢，愛搦屎搦尿。Tong-sî gín-á lóng iáu sè-hàn, ài la̍k-sái-la̍k-jiō. (那時候我小孩都還小，需要把屎把尿。)
【當代】(tong-tāi)
【當前】(tong-tsiân)
【檔期】(tóng-kî)
【同時】(tông-sî) 同一個時候。
【昨暗】(tsa-àm) 昨晚、昨夜。例：昨暗伊無轉來睏。Tsa-àm i bô tńg-lâi khùn. (昨晚他沒有回來睡。)
【昨昏】(tsa-hng) 昨天。例：昨昏是上尾一工，今仔日已經袂赴矣。Tsa-hng sī siōng-bué tsi̍t kang, kin-á-ji̍t í-king bē-hù–ah. (昨天是最後一天，今天已經來不及了。)
【昨暝】(tsa-mê/tsa-mî) 昨夜。例：你昨暝是去做賊仔呢？無，精神哪會遮爾䆀？Lí tsa-mê sī khì tsò tsha̍t-á–nih? Bô, tsing-sîn ná ē tsiah-nī bái? (你昨天晚上是去當小偷是不是？不然為什麼精神會這麼差？)
【早】(tsá) 1.早上、清晨。例：透早　thàu-tsá(大清早)。暗2.初始的、以前的。例：早前　tsá-tsîng(早先)、古早　kóo-tsá(很久以前)。3.不晚、不遲。例：時間猶閣真早，慢慢仔來。Sî-kan iáu-koh tsin tsá, bān-bān-á lâi. (時間還很早，慢慢來。)　晏4.事情已經發生一段時間。例：雨早就停矣　hōo tsá tō thîng–ah(雨早就停了)。5.比一般時間提前的。例：早產　tsá-sán、早睏　tsá-khùn(早睡)。
【早暗】(tsá-àm) 早晚。早晨與晚間。例：你早暗愛會記得食藥仔。Lí tsá-àm ài ē kì-tit tsia̍h io̍h-á. (你早晚要記得吃藥。)
【早慢】(tsá-bān) 遲早。指不拘時間快慢，一定會發生。例：你若欲食毋討趁，早慢就愛做乞食。Lí nā beh tsia̍h m̄ thó-thàn, tsá-bān tō ài tsò khit-tsia̍h. (你要是好吃懶做成性，遲早會變成乞丐。)
【早日】(tsá-ji̍t/tsá-li̍t) 1.從前。例：伊早日是牽牛車的，這馬變成大頭家。I tsá-ji̍t sī khan gû-tshia–ê, tsit-má piàn-sîng tuā thâu-ke. (他從前是牽牛車的，現在變成大老闆。)　以前、進前、較早、早時2.提早。比預定的時程早。例：望你早日轉來。Bāng lí tsá-ji̍t tńg–lâi. (希望你早點回來。)　較早、提早、冗早
【早起時仔】(tsá-khí-sî-á) 早上。例：早起時仔去運動較涼。Tsá-khí-sî-á khì ūn-tōng khah liâng. (早上運動比較涼快。)
【早期】(tsá-kî)
【早年】(tsá-nî) 指往年、先前。例：早年伊捌出國。Tsá-nî i bat tshut-kok. (往年他曾出國去。)
【早前】(tsá-tsîng) 早先、以前。例：早前逐家攏是用茶箍咧洗衫。Tsá-tsîng ta̍k-ke lóng sī īng tê-khoo teh sé-sann. (以前大家都用茶子渣餅來洗衣服。。)
【早晏】(tsá-uànn) 早晚。早晨與晚間。例：天氣咧變誠緊，早晏愛會記得疊衫。Thinn-khì teh piàn tsiânn kín, tsá-uànn ài ē-kì-tit tha̍h sann. (天氣的變化很快，早晚要記得添加衣服。)
【節氣】(tseh-khuì/tsueh-khuì) 農曆根據地球在公轉軌道上運行的位置，每十五度設一個，將每個太陽年分為二十四節氣，並配合時令命名，以做為安排農業活動的參考。
【節】(tseh/tsueh) 1.節日。例：年節　nî-tseh(春節前後的數日，或指年中的節日)、五日節　Gōo-ji̍t-tseh(端午節)、中秋節　Tiong-tshiu-tseh。2.季節。例：節氣　tseh-khuì。
【初一】(tshe-it/tshue-it) 指曆法中每個月的第一天。
【千古】(tshian-kóo)
【深夜】(tshim-iā) 半夜、子夜。深更半夜。
【清代】(Tshing-tāi)
【七早八早】(tshit-tsá-peh-tsá/tshit-tsá-pueh-tsá) 1.一大清早。2.形容時間還早。例：七早八早，你就想欲歇睏？Tshit-tsá-peh-tsá, lí tō siūnn-beh hioh-khùn? (時間還早，你就想休息？)
【秋】(tshiu) 1.一年中的第三季。例：秋季　tshiu kuì。2.時期、時候。例：多事之秋　to sū tsi tshiu(發生很多事變的時期)。
【秋冬】(tshiu-tang)
【秋天】(tshiu-thinn)
【初期】(tshoo-kî)
【初初】(tshoo-tshoo) 起初、起先。剛開始的時候。例：我初初佮伊熟似的時，伊拄高中出業。Guá tshoo-tshoo kah i si̍k-sāi ê sî, i tú ko-tiong tshut-gia̍p. (我剛認識他的時候，他剛好高中畢業。)
【此時】(tshú-sî)
【春】(tshun) 1.一年四季中的第一季。例：春天　tshun-thinn。2.用紅絲綢扎成的小花朵，婦女在節日或喜慶的時候會插在髮髻上做為裝飾。例：插春仔花　tshah-tshun-á-hue(插春花)。3.用紅色紙剪成小花朵，貼上金箔，過年時插在發糕或米飯，供于神桌。例：飯春花　pn̄g-tshun-hue(春花)。4.指新年。例：行春　kiânn-tshun(新年時去拜訪朋友)。5.指年輕的歲月。例：青春　tshing-tshun。
【春夏】(tshun-hā)
【春天】(tshun-thinn) 春季。四季之首。
【巳】(tsī) 地支的第六位。例：巳時　tsī-sî(上午九點到十一點)。
【暫時】(tsiām-sî) 短時間。例：咱暫時莫見面。Lán tsiām-sî mài kìnn-bīn. (我們暫時不要見面。)
【戰國】(tsiàn-kok)
【正月】(tsiann–gue̍h/tsiann–ge̍h) 農曆一月。
【正著時】(tsiànn-tio̍h-sî) 當令。適合的時令。例：正月時的柑仔正著時。Tsiann-gue̍h sî ê kam-á tsiànn-tio̍h-sî. (農曆正月正是橘子的盛產時節。)
【正當時】(tsiànn-tong-sî) 形容時機剛好，適合做某件特別的事情。例：天氣遮寒，食火鍋正當時。Thinn-khì tsiah kuânn, tsia̍h hué-ko tsiànn-tong-sî. (天氣這麼冷，吃火鍋時機正好。)
【成月日】(tsiânn gue̍h-ji̍t/tsiânn ge̍h-li̍t) 個把月、一個月左右。例：伊失蹤成月日矣。I sit-tsong tsiânn gue̍h-ji̍t–ah. (他已經失蹤一個月左右了。)
【即時】(tsik-sî) 立刻、馬上。例：伊聽著消息，即時就趕轉去矣。I thiann-tio̍h siau-sit, tsik-sî tō kuánn–tńg-khì–ah. (他一聽到消息，馬上就趕回家去了。)
【進前】(tsìn-tsîng) 1.以前、從前。例：伊進前蹛佇臺北。I tsìn-tsîng tuà tī Tâi-pak. (他以前住在臺北。)　往過、較早後來、落尾2.之前。例：你欲出門進前，愛會記得紮錢。Lí beh tshut-mn̂g tsìn-tsîng, ài ē kì-tit tsah-tsînn. (你要出門之前，要記得帶錢。)　3.向前、前進。
【前日】(tsîng-ji̍t/tsîng-li̍t) 前幾天。
【將來】(tsiong-lâi) 未來。尚未到的時候。例：將來會發生啥代誌無人知。Tsiong-lâi ē huat-sing siánn tāi-tsì bô-lâng tsai. (未來會發生什麼事情沒有人知道。)
【終年】(tsiong-nî)
【從來】(tsiông-lâi)
【從此】(tsiông-tshú)
【這過】(tsit-kuè/tsit-kè) 這次。例：這過的風颱誠大，你愛提早預防。Tsit-kuè ê hong-thai tsiânn tuā, lí ài thê-tsá ī-hông. (這次的颱風很大，你要提早預防。)
【這馬】(tsit-má) 現在。例：這馬的人攏罕得寫批矣。Tsit-má ê lâng lóng hán-tit siá phue–ah. (現在的人都很少寫信了。)
【這時】(tsit-sî)
【這聲】(tsit-siann) 這下子、這回。這一次、就在這時候。例：今這聲害矣。Tann tsit-siann hāi–ah. (這下子慘了。)；這聲伊走袂去矣。Tsit-siann i tsáu bē khì–ah. (這下子他跑不掉了。)
【這站】(tsit-tsām) 這陣子、現在。說話當時的前後一段時間或一個節點。例：我這站歇睏，免去上班。Guá tsit-tsām hioh-khùn, bián khì siōng-pan. (我這陣子休息，不用去上班。)
【這陣】(tsit-tsūn) 現在。當下這個時刻。例：你這陣有啥物拍算？Lí tsit-tsūn ū siánn-mih phah-sǹg? (你現在有什麼打算？)
【一月日】(tsi̍t gue̍h-ji̍t/tsi̍t ge̍h-li̍t) 一個月。例：你一月日趁偌濟錢？Lí tsi̍t gue̍h-ji̍t thàn guā-tsē tsînn? (你一個月賺多少錢？)
【一對時】(tsi̍t tuì-sî) 一晝夜、二十四小時。例：藥仔食落去，到今一對時矣。Io̍h-á tsia̍h–lo̍h, kàu-tann tsi̍t tuì-sî–ah. (藥吃下，到現在二十四小時了。)
【一目𥍉仔】(tsi̍t-ba̍k-nih-á) 一瞬間、一眨眼。指很短暫的時間。例：對阮厝到公司，行路一目𥍉仔就到矣。Tuì guán tshù kàu kong-si, kiânn-lōo tsi̍t-ba̍k-nih-á tō kàu–ah. (從我家裡到公司，走路只要一眨眼的時間就可以到了。)　一目𥍉仔大學四年就過去矣。Tsi̍t-ba̍k-nih–ah tāi-ha̍k sì-nî tō kuè-khì–ah. (一轉眼大學四年就過去了。)
【一日到暗】(tsi̍t-ji̍t-kàu-àm/tsi̍t-li̍t-kàu-àm) 一天到晚、從早到晚，整天。例：你毋好一日到暗拋拋走。Lí m̄-hó tsi̍t-ji̍t-kàu-àm pha-pha-tsáu. (你不要一天到晚四處亂跑。)
【一日】(tsi̍t-ji̍t/tsi̍t-li̍t)
【一睏仔】(tsi̍t-khùn-á) 1.一陣子、一會兒。例：伊跤手真緊，穡頭一睏仔就做了矣。I kha-tshiú tsin kín, sit-thâu tsi̍t-khùn-á tō tsò liáu–ah. (他的動作真快，工作一下子就做完了。)　一目𥍉仔、一下仔、一時仔2.一口氣。例：遮的物件伊做一睏仔共伊食了。Tsia ê mi̍h-kiānn i tsò tsi̍t-khùn-á kā i tsia̍h-liáu. (這裡的東西他一口氣把它吃完。)
【一半日仔】(tsi̍t-puànn-ji̍t-á/tsi̍t-puànn-li̍t-á) 一兩天。例：頭家人真好，我一半日仔無去，伊嘛袂按怎。Thâu-ke lâng tsin hó, guá tsi̍t-puànn-ji̍t-á bô khì, i mā bē án-tsuánn. (老闆人真好，我一兩天沒去，他也不會怎樣。)
【一時】(tsi̍t-sî)
【一觸久仔】(tsi̍t-tak-kú-á) 一會兒、一下子。
【一霎仔久】(tsi̍t-tiap-á-kú) 一瞬間、一下子。形容很短的時間。例：伊來一霎仔久就轉去矣。I lâi tsi̍t-tiap-á-kú tō tńg–khì–ah. (他來一下子就回去了。)
【週期】(tsiu-kî)
【週年】(tsiu-nî)
【昨日】(tso̍h–ji̍t/tso̍h–li̍t) 前天。例：𪜶兩翁仔某昨日就出國去𨑨迌矣。In nn̄g ang-á-bóo tso̍h–ji̍t tō tshut-kok khì tshit-thô–ah. (他們兩夫妻前天就出國去玩了。)
【子時】(tsú-sî) 指晚上十一點到隔天凌晨一點的時間。
【自來】(tsū-lâi) 從來。從以前到現在。例：伊自來就毋捌破病。I tsū-lâi tō m̄ bat phuà-pēnn. (他從來都不曾生病。)
【自從】(tsū-tsiông)
【最後】(tsuè-āu) 時間或次序上居於最末的位置。
【最近】(tsuè-kīn/tsuè-kūn)
【前年】(tsûn–nî) 去年的前一年。例：前年伊猶有來相揣。Tsûn–nî i iáu ū lâi sio-tshuē. (前年他還有來找。)
【船期】(tsûn-kî) 開船的日期、時間。
【拄好】(tú-hó) 1.剛好、湊巧。例：你來了誠拄好。Lí lâi liáu tsiânn tú-hó. (你來得真湊巧。)　2.恰巧、剛好。例：你昨昏來的時我拄好出門無佇咧。Lí tsa-hng lâi ê sî guá tú-hó tshut-mn̂g bô tī–leh. (你昨天來的時候我剛好出門不在。)
【拄才】(tú-tsiah) 剛才、不久以前。例：拄才我明明有聽著人咧講話。Tú-tsiah guá bîng-bîng ū thiann-tio̍h lâng teh kóng-uē. (剛才我明明聽到有人在說話。)
【大後日】(tuā-āu–ji̍t/tuā-āu–li̍t) 大後天。例：伊講伊大後日會倒轉來。I kóng i tuā-āu–ji̍t ē tò-tńg–lâi. (他說他大後天會回來。)
【大後年】(tuā-āu–nî) 後年之後的第一年。例：伊這過出國，著愛大後年才會當倒轉來。I tsit-kuè tshut-kok, tio̍h-ài tuā-āu–nî tsiah ē-tàng tò-tńg–lâi. (他這次出國，要大後年才會回來。)
【大昨日】(tuā-tso̍h–ji̍t/tuā-tso̍h–li̍t) 大前天。
【大前年】(tuā-tsûn–nî) 前年的前一年，即今年以前的第三年。
【對時】(tuì-sî) 從某一時辰到第二天同一時辰，即二十四小時、一天。例：一對時　Tsi̍t-tuì-sî(二十四小時)、三對時　sann-tuì-sî(三天)。
【有時仔】(ū-sî-á) 有時候、偶爾。例：伊有時仔嘛會共我鬥跤手。I ū-sî-á mā ē kā guá tàu-kha-tshiú. (他有時候也會幫我。)
【有時陣】(ū-sî-tsūn) 有時候、偶爾。例：伊有時陣會來阮兜𨑨迌。I ū-sî-tsūn ē lâi guán tau tshit-thô. (他有時候會來我家玩。)
【有時有陣】(ū-sî-ū-tsūn) 1.定時、有時間性。例：海水起落是有時有陣的。Hái-tsuí khí-lo̍h sī ū-sî-ū-tsūn–ê. (海水的漲退起落是有時間性的。)　2.偶爾、非經常性。例：欲借錢嘛愛有時有陣，袂使定定按呢。Beh tsioh-tsînn mā ài ū-sî-ū-tsūn, bē-sái tiānn-tiānn án-ne. (偶爾借錢還可以，不可以經常如此。)
【有當時仔】(ū-tang-sî-á) 偶爾、有時候。例：伊的性地真好，毋過有當時仔嘛是會掠狂。I ê sìng-tē tsin hó, m̄-koh ū-tang-sî-á mā sī ē lia̍h-kông. (他的脾氣是很好，但是有時候也會抓狂。)
【有一日】(ū-tsi̍t-ji̍t/ū-tsi̍t-li̍t) 有一天。例：有一日，我一定會成功。Ū-tsi̍t-ji̍t, guá it-tīng ē sîng-kong. (總有一天，我一定會成功。)
【倚晝】(uá-tàu) 傍晌、晌午。接近中午的時候。例：倚晝的時陣我就會轉來。Uá-tàu ê sî-tsūn guá tō ē tńg–lâi. (接近中午的時候我就會回來。)
【晏】(uànn) 晚、遲。例：你毋通睏甲遐晏。Lí m̄-thang khùn kah hiah uànn. (你不要睡得這麼晚。)

閩南語書寫

HOKKIEN WRITING

臺灣閩南語常用詞辭典之時間·空間

空間方位

時間節令