↩️轉總目錄
心理狀態
【哀怨】(ai-uàn) 形容哀傷怨恨。例：伊哀怨的歌聲予人想起傷心的代誌。I ai-uàn ê kua-siann hōo lâng siūnn-khí siong-sim ê tāi-tsì. (他哀怨的歌聲讓人想起傷心的事情。)
【愛國】(ài-kok)
【齷齪】(ak-tsak) 心情鬱悶、煩躁。例：熱天的時人較𠢕齷齪。Jua̍h-thinn ê sî lâng khah gâu ak-tsak. (夏天的時候人比較容易煩躁。)
【安心】(an-sim) 定下心來，內心沒有掛念。
【拗鬱】(áu-ut) 抱屈。因受委屈，心中感到不平。
【懊惱】(àu-náu) 心中鬱悶悔恨。例：你毋免為著小可代誌佇遮懊惱。Lí m̄-bián uī-tio̍h sió-khuá tāi-tsì tī tsia àu-náu. (你不必為了小小的事情而在這裡懊悔不已。)
【迷亂】(bê-luān) 迷惑慌亂。由於社會規範弱化或衝突所產生行為誤導或偏差的現象。例：伊心頭迷亂。I sim-thâu bê-luān. (他心裡感到迷惑慌亂。)
【迷思】(bê-su)
【袂堪得】(bē-kham-tit/buē-kham-tit) 受不了、禁不起、無法承受。語氣完結時唸作bē-kham–tit。例：你毋好閣共伊刺激矣，我驚伊會袂堪得。Lí m̄-hó koh kā i tshì-kik–ah, guá kiann i ē bē-kham–tit. (你不要再刺激他了，我怕他會受不了。)；伊身體無好，袂堪得做工課做甲三更半暝。I sin thé bô hó, bē-kham-tit tsò khang-khuè tsò kah sann-kenn-puànn-mê. (他身體不好，禁不起工作到三更半夜。)
【免驚】(bián-kiann) 不怕、別怕。例：你無做毋著，免驚人投！Lí bô tsò m̄-tio̍h, bián kiann lâng tâu! (你沒有做錯事，不用怕別人投訴！)
【面皮】(bīn-phuê/bīn-phê) 臉皮、面子。例：伊面皮薄，驚見笑。I bīn-phuê po̍h, kiann-kiàn-siàu. (他的臉皮薄，怕羞。)
【無議量】(bô-gī-niū) 無聊、乏味、沒事可做。例：我家己一个人足無議量，毋才去看電影。Guá ka-kī tsi̍t ê lâng tsiok bô-gī-niū, m̄-tsiah khì khuànn tiān-iánn. (我自己一個人很無聊，才會去看電影。)
【無良心】(bô-liông-sim) 昧著良心、沒良心。例：這款代誌你曷做會出來？真正是無良心！Tsit khuán tāi-tsì lí a̍h tsò ē tshut–lâi? Tsin-tsiànn sī bô-liông-sim! (這種事情你也做得出來？真是沒良心！)
【無路來】(bô-lōo-lâi) 沒有辦法，不知道該如何去做、去說。例：講無路來 kóng bô-lōo-lâi(說不出個所以然來)。
【無心】(bô-sim)
【無心情】(bô-sim-tsiânn) 沒心情。形容沒有心思、沒有情緒的樣子。例：伊當咧痟電動，叫伊讀冊，伊也無心情。I tng teh siáu tiān-tōng, kiò i tha̍k-tsheh, i iā bô-sim-tsiânn. (他正沉迷在電動上，叫他讀書，他也沒有那種心情。)
【滿足】(buán-tsiok) 對某事物感到滿意、足夠的樣子。
【礙目】(gāi-ba̍k) 礙眼、不順眼。例：我看著伊感覺真礙目。Guá khuànn-tio̍h i kám-kak tsin gāi-ba̍k. (我看到他覺得很不順眼。)
【礙虐】(gāi-gio̍h) 彆扭、不順，令人覺得不舒服。例：伊今仔日的穿插，我看著真礙虐。I kin-á-ji̍t ê tshīng-tshah, guá khuànn tio̍h tsin gāi-gio̍h. (他今天的穿著，我看了很不舒服。)
【疑神疑鬼】(gî-sîn-gî-kuí) 形容一個人內心多疑。
【凝心】(gîng-sim) 抑鬱、鬱結。因為心煩而不開朗。例：這件代誌予伊足凝心的。Tsit kiānn tāi-tsì hōo i tsiok gîng-sim–ê. (這件事情讓他很抑鬱。)
【元神】(guân-sîn) 指人的精神、靈魂。
【孝心】(hàu-sim) 孝順父母尊長的心意。例：你的孝心我攏知影。Lí ê hàu-sim guá lóng tsai-iánn. (你的孝心我都知道。)
【稀微】(hi-bî) 寂寞、寂寥。例：囡仔攏出外，兩个老的感覺真稀微。Gín-á lóng tshut-guā, nn̄g ê lāu–ê kám-kak tsin hi-bî. (小孩子都離家在外，父母兩人覺得很寂寞。)
【稀罕】(hi-hán)
【兇狂】(hiong-kông) 慌張。例：看你遮爾兇狂，是發生啥物代誌？Khuànn lí tsiah-nī hiong-kông, sī huat-sing siánn-mih tāi-tsì? (看你這麼慌張，是發生什麼事情嗎？)
【鄉愁】(hiong-tshiû)
【服從】(ho̍k-tsiông) 順從、遵從。聽從命令、吩咐。
【風火頭】(hong-hué-thâu/hong-hé-thâu) 氣頭上。例：伊當佇風火頭，你千萬毋通去惹伊。I tng tī hong-hué-thâu, lí tshian-bān m̄-thang khì jiá–i. (他正在氣頭上，你千萬不要去招惹他。)
【歡歡喜喜】(huann-huann-hí-hí) 快樂、高興。例：歡歡喜喜會較好過日。Huann-huann-hí-hí ē khah hó kuè ji̍t. (高高興興的會比較好過日子。)
【憤慨】(hùn-khài) 因為憤怒而發出不平之鳴。例：這條代誌我聽了誠憤慨。Tsit tiâu tāi-tsì guá thiann-liáu tsiânn hùn-khài. (我聽了這件事情之後感到很憤慨。)
【魂】(hûn) 人的精氣。例：亡魂 bông-hûn(死者的靈魂)。
【魂魄】(hûn-phik) 附於人體的精神靈氣。
【意念】(ì-liām)
【意識】(ì-sik)
【意象】(ì-siōng)
【厭氣】(iàn-khì) 形容人怨嘆、不平的情緒。例：好心煞予雷唚，想著誠厭氣。Hó-sim suah hōo luî tsim, siūnn tio̍h tsiânn iàn-khì. (好心沒好報，想到就一肚子氣。)
【印象】(ìn-siōng) 感官受外界事物刺激而留存於記憶中的意象。例：逐家對伊的印象真好。Ta̍k-ke tuì i ê ìn-siōng tsin hó. (大家對他的印象很好。)
【勇氣】(ióng-khì) 勇往直前無所畏懼的氣魄。例：你敢講恁老師講了毋著，真正足有勇氣。Lí kánn kóng lín lāu-su kóng liáu m̄-tio̍h, tsin-tsiànn tsiok ū ióng-khì. (你敢說你們老師說錯了，真的很有勇氣。)
【用意】(iōng-ì) 意向、存心。心懷某些意念、企圖。例：無人知影伊按呢做是有啥物用意。Bô-lâng tsai-iánn i án-ne tsò sī ū siánn-mih iōng-ì. (沒人知道他這樣做是什麼用意。)
【用心】(iōng-sim) 1.盡心。集中注意力專心去做某件事情。例：伊做代誌真用心，莫怪會成功。I tsò tāi-tsì tsin iōng-sim, bo̍k-kuài ē sîng-kong. (他做事情真用心，難怪會成功。) 2.存心、居心。心中有某種意念，千方百慮，蓄意已久。例：伊用心計畫，想欲加得一寡仔財產。I iōng-sim-kè-uē, siūnn-beh ke tit tsi̍t-kuá-á tsâi-sán. (他存心計畫想多分一點財產。)
【一心一意】(it-sim-it-ì)
【憂】(iu) 形容愁悶不快樂的樣子。例：憂頭結面 iu-thâu-kat-bīn(愁容滿面)。
【憂悶】(iu-būn) 憂愁煩悶。例：看伊規日憂悶，我心內嘛真艱苦。Khuànn i kui ji̍t iu-būn, guá sim lāi mā tsin kan-khóo. (看他成天憂愁煩悶，我心裡也很痛苦。)
【憂愁】(iu-tshiû) 擔憂發愁。例：免憂愁 bián iu-tshiû(不用擔憂發愁)。
【忍心】(jím-sim/lím-sim)
【認為】(jīn-uî/līn-uî)
【戒心】(kài-sim)
【甘願】(kam-guān) 寧願、情願。自己願意，沒有半點勉強。例：囡仔若有出脫，我閣較艱苦嘛甘願。Gín-á nā ū tshut-thuat, guá koh khah kan-khóo mā kam-guān. (孩子若有出息，我再辛苦也願意。)
【甘心】(kam-sim) 見【甘願】kam-guān 條。
【感激】(kám-kik) 真心感謝。例：你按呢共我鬥相共，我真感激你。Lí án-ne kā guá tàu-sann-kāng, guá tsin kám-kik–lí. (你這樣幫我，我很感激你。)
【感謝】(kám-siā) 感激。受到他人的恩惠而表示謝意。例：感謝你共我鬥相共，代誌才會遐爾緊就做了。Kám-siā lí kā guá tàu-sann-kāng, tāi-tsì tsiah ē hiah-nī kín tō tsò-liáu. (謝謝你幫我，事情才會這麼快就做完。)
【感心】(kám-sim) 感動、感激。指內心有所觸動。源自日語。例：伊講的話予我真感心。I kóng ê uē hōo guá tsin kám-sim. (他講的話讓我很感動。)
【感動】(kám-tōng) 情緒受外界刺激而有所震憾、激盪。例：這齣電影感動真濟觀眾。Tsit tshut tiān-iánn kám-tōng tsin tsē kuan-tsiòng. (這部電影感動很多觀眾。)
【艱苦罪過】(kan-khóo-tsē-kuà) 非常痛苦難過。例：做工課做甲艱苦罪過，規氣莫做。Tsò khang-khuè tsò kah kan-khóo-tsē-kuà, kui-khì mài tsò. (工作做得這麼痛苦，乾脆不要做。)
【夠氣】(kàu-khuì) 滿足。形容飲食、精神上的飽足過癮。 例：這屑仔物件遮濟人欲食，一定食袂夠氣。Tsit sut-á mi̍h-kiānn tsiah tsē lâng beh tsia̍h, it-tīng tsia̍h bē kàu-khuì. (這一點點東西那麽多人要吃，一定無法滿足大家。)
【空虛】(khang-hi)
【起毛】(khí-moo) 情緒、感覺。源自日語。例：起毛䆀 khí-moo bái(情緒不好)。
【起毛䆀】(khí-moo bái) 不爽、不高興。例：是啥物代誌予伊起毛䆀？Sī siánn-mih tāi-tsì hōo i khí-moo bái? (是什麼事讓他不高興？)
【起毛婸】(khí-moo giang) 情緒好、心情好。「起毛」是日語外來語素，加上表示「爽快」的「婸」。例：相連紲攏考一百分，莫怪起毛婸。Sio liân-suà lóng khó tsi̍t-pah hun, bo̍k-kuài khí-moo giang. (連續都考滿分，情緒大好。)
【忌床】(khī-tshn̂g) 認床。指換了床舖就睡不著覺。例：伊會忌床，逐擺出國旅行攏睏袂去。I ē khī-tshn̂g, ta̍k pái tshut-kok lí-hîng lóng khùn bē khì. (他會認床，每次出國旅行都睡不著。)
【克虧】(khik-khui) 1.吃虧。例：感情的代誌，袂當計較啥物人較克虧。Kám-tsîng ê tāi-tsì, bē-tàng kè-kàu siánn-mih lâng khah khik-khui. (感情的事，不能去計較誰比較吃虧。) 食虧2.可憐、委屈。例：伊規个家伙攏予人拐了了，實在有夠克虧。I kui ê ke-hué lóng hōo lâng kuái-liáu-liáu, si̍t-tsāi ū-kàu khik-khui. (他整個家產全都被拐騙光了，實在真可憐。) 可憐
【輕鬆】(khin-sang) 形容精神或生理上的感受既舒緩又沒有壓力。例：你著放予輕鬆，莫傷緊張。Lí tio̍h pàng hōo khin-sang, mài siunn kín-tiunn. (你應該放輕鬆一點，別太緊張。)
【肯】(khíng) 1.願意、同意。例：你是肯抑毋肯？Lí sī khíng ia̍h m̄ khíng? (你願意不願意？) 2.確認、認同。表示意志、語意堅決。例：肯定 khíng-tīng。
【肯定】(khíng-tīng) 1.承認事物的價值或意義。2.表示同意或贊成的意思。
【恐怖】(khióng-pòo) 可怕。形容因受到威脅或驚嚇而產生的恐懼。
【可惱】(khó-náu) 令人惱恨。多用於歌仔戲中。
【可怕】(khó-phà) 讓人感覺害怕。
【可惜】(khó-sioh) 令人惋惜。例：誠可惜！這擺的比賽無提著冠軍。Tsiânn khó-sioh! Tsit pái ê pí-sài bô the̍h-tio̍h kuan-kun. (真可惜！這次比賽沒拿到第一名。)
【悾顛】(khong-tian) 精神失常、瘋瘋癲癲的。例：伊這款悾顛的情形已經半冬矣。I tsit khuán khong-tian ê tsîng-hîng í-king puànn tang–ah. (他這樣瘋瘋癲癲的情形已經半年了。)
【缺憾】(khuat-hām)
【虧心】(khui-sim) 違背良心、昧於良心。例：袂使做虧心事。Bē-sái tsò khui-sim sū. (不可以做違背良心的事。)
【氣力】(khuì-la̍t) 力氣、力量。例：我無彼號氣力閣佮你冤落去矣。Guá bô hit-lō khuì-la̍t koh kah lí uan–lo̍h-khì–ah. (我沒有力氣再繼續和你吵下去了。)
【堅定】(kian-tīng) 形容人的意志堅毅不動搖。
【見笑】(kiàn-siàu) 1.羞恥、羞愧。例：伊見笑轉受氣，講話才會大細聲。I kiàn-siàu tńg siū-khì, kóng-uē tsiah ē tuā-sè-siann. (他因為羞愧而生氣，說話才會大呼小叫。) 2.羞恥、羞愧。例：做人愛知見笑。Tsò-lâng ài tsai kiàn-siàu. (做人要知道羞恥。)
【緊張】(kín-tiunn) 情緒惶恐不安。例：拄著考試逐家攏真緊張。Tú-tio̍h khó-tshì ta̍k-ke lóng tsin kín-tiunn. (遇到考試大家都很緊張。)
【敬意】(kìng-ì)
【光榮】(kong-îng) 光彩榮耀，指很有面子。
【公平】(kong-pênn/kong-pînn) 公正。心存正道，沒有偏私。例：無公平 bô kong-pênn(不公平)。
【光彩】(kong-tshái)
【掛礙】(kuà-gāi) 掛心、牽掛。例：你共心內的掛礙講出來逐家參考看覓。Lí kā sim-lāi ê kuà-gāi kóng–tshut-lâi ta̍k-ke tsham-khó khuànn-māi. (你把心裡面的牽掛講出來給大家參考一下。)
【割肉】(kuah-bah) 心痛、割掉肉。例：叫伊出錢若親像咧共伊割肉。Kiò i tshut tsînn ná-tshin-tshiūnn teh kā i kuah-bah. (叫他出錢好像在割他的肉。)
【觀念】(kuan-liām) 對事物的看法及概念。
【規腹火】(kui-pak-hué/kui-pak-hé) 滿腔怒火。整個肚子都是火，表示非常生氣。例：逐擺聽伊講話，我攏會規腹火。Ta̍k pái thiann i kóng-uē, guá lóng ē kui-pak-hué. (每次聽他講話，我都會滿腔怒火。)
【規心】(kui-sim) 一心。專一其心，全心全意。例：伊規心欲考大學。I kui-sim beh khó tāi-ha̍k. (他一心想要考上大學。)
【掠做】(lia̍h-tsò/lia̍h-tsuè) 當做、以為。例：我掠做無人知影彼件代誌。Guá lia̍h-tsò bô-lâng tsai-iánn hit kiānn tāi-tsì. (我還以為沒人知道那件事情。)
【掠準】(lia̍h-tsún) 認為、以為。對某一事物經分析思考後所作的判斷。例：我掠準你工課做煞矣。Guá lia̍h-tsún lí khang-khuè tsò-suah–ah. (我以為你工作完成了。)
【良心】(liông-sim) 天生自然的善心。例：咱做人著愛憑良心，毋通做失德的代誌。Lán tsò-lâng tio̍h-ài pîn liông-sim, m̄-thang tsò sit-tik ê tāi-tsì. (我們做人要憑良心，不要做缺德的事。)
【立場】(li̍p-tiûnn) 1.做人的原則。2.認識或處理問題時，所處的地位和所抱持的態度。例：咱做代誌，立場著愛堅定，才袂去予人批評。Lán tsò tāi-tsì , li̍p-tiûnn tio̍h ài kian-tīng, tsiah bē khì hōo lâng phue-phîng. (我們做事情，立場要堅定，才不會讓人家批評。)
【惱氣】(lóo-khì) 耗費精神又自討麻煩，令人惱怒，通常指小孩煩父母。例：生囝就愛予囝惱氣一世人！Senn-kiánn tō ài hōo kiánn lóo-khì tsi̍t-sì-lâng! (生孩子就得被孩子煩一輩子！)
【內心】(luē-sim) 心裡、心中。例：伊是一个外表土直、內心溫柔的人。I sī tsi̍t ê guā-piáu thóo-ti̍t, luē-sim un-jiû ê lâng. (他是一個外表粗魯直率、內心溫柔的人。)
【懍】(lún) 懼怕。例：伊無咧懍啥人的啦！I bô teh lún siánn-lâng–ê–lah! (他誰都不怕！)
【毋甘願】(m̄ kam-guān) 不甘心、不甘願。例：無提著冠軍真毋甘願。Bô the̍h-tio̍h kuan-kun tsin m̄ kam-guān. (沒拿到冠軍真不甘心。)
【毋敢】(m̄ kánn) 不敢。心中怯懦，以致於不能付諸行動。例：看你敢抑是毋敢？Khuànn lí kánn ia̍h-sī m̄ kánn? (看你敢還是不敢？)
【毋驚】(m̄ kiann) 不怕。不畏縮、不膽怯。例：三更半暝走去墓仔埔，你敢毋驚去看著歹物仔？Sann-kenn-puànn-mê tsáu khì bōng-á-poo, lí kám m̄ kiann khì khuànn tio̍h pháinn-mih-á? (半夜跑到墓園去，你難道不怕看到鬼嗎？)
【毋願】(m̄-guān) 1.不願意。不希望、不肯。例：伊毋願共你鬥相共，你就揣別人嘛。I m̄-guān kā lí tàu-sann-kāng, lí tō tshuē pa̍t-lâng–mah. (他不願意幫你，你就找別人嘛。) 2.不甘心。心裡不服氣，不情願。例：伊連一點仔機會都毋予我，我誠毋願。I liân tsi̍t-tiám-á ki-huē to m̄ hōo–guá, guá tsiânn m̄-guān. (他連一點機會都不給我，我真不甘心。)
【毋甘】(m̄-kam) 1.捨不得。例：伊真凍霜，連一屑仔物都毋甘予人。I tsin tàng-sng, liân tsi̍t-sut-á mi̍h to m̄-kam hōo–lâng. (他真小氣，連一點東西都捨不得給人。) 2.難過、不忍。例：我會真毋甘。Guá ē tsin m̄-kam. (我會很難過。)
【毋情願】(m̄-tsîng-guān) 不情不願。例：食飯食甲遮爾仔毋情願，規氣莫食。Tsia̍h-pn̄g tsia̍h kah tsiah-nī-á m̄-tsîng-guān, kui-khì mài tsia̍h. (吃飯吃得這麼不情不願，乾脆不要吃。)
【馬西馬西】(má-se-má-se) 神志不清。通常用來形容人酒醉不清醒的樣子。例：伊酒啉甲馬西馬西，話捎咧亂講。I tsiú lim kah má-se-má-se, uē sa leh luān kóng. (他酒喝到神智不清，亂講話。)
【綿爛】(mî-nuā) 專注認真，堅持到底。例：伊讀冊誠綿爛。I tha̍k-tsheh tsiânn mî-nuā. (他讀書非常認真。)
【綿死綿爛】(mî-sí-mî-nuā) 死心塌地，堅持到底。例：阿英都無愛你矣，你猶閣綿死綿爛咧求伊，你哪會遮戇啦！A-ing to bô ài–lí–ah, lí iáu-koh mî-sí-mî-nuā teh kiû–i, lí ná ē tsiah gōng–lah! (阿英都不愛你了，你還死心塌地地求他，你怎麼這麼傻啊！)
【枉屈】(óng-khut) 冤屈。遭受汙衊或迫害。例：伊有誠濟枉屈無地講。I ū tsiânn tsē óng-khut bô tè kóng. (他有很多的冤屈無處可說。)
【把握】(pá-ak) 事物掌握在手上，表示有信心。例：無把握的代誌毋通做。Bô pá-ak ê tāi-tsì m̄-thang tsò. (沒把握的事不要做。)
【拍生驚】(phah-tshenn-kiann/phah-tshinn-kiann) 1.驚嚇。例：你講話講甲遐大聲，會共囡仔拍生驚啦！Lí kóng-uē kóng kah hiah tuā-siann, ē kā gín-á phah-tshenn-kiann–lah! (你說話那麼大聲，小孩子會受到驚嚇啦！) 2.做機密的事情時，因保密不夠，以致驚動到對方，有打草驚蛇之意。例：證據猶閣無夠，你毋通共伊拍生驚。Tsìng-kì iáu-koh bô-kàu, lí m̄-thang kā i phah-tshenn-kiann. (證據還不足，你不要打草驚蛇。)
【歹勢】(pháinn-sè) 1.不好意思、對不起、抱歉。例：誠歹勢，我無拄好煞共恁的玻璃杯仔摃破去。Tsiânn pháinn-sè, guá bô-tú-hó suah kā lín ê po-lê pue-á kòng phuà–khì. (真不好意思，我不小心把你們的玻璃杯打破了。) 2.害羞、難為情。例：你傷過主動啦，伊會歹勢。Lí siunn-kuè tsú-tōng–lah, i ē pháinn-sè. (你太主動啦，他會害羞。)
【博愛】(phok-ài) 平等遍及眾人的愛心。
【破膽】(phuà-tánn) 害怕。比喻非常害怕，連膽子都嚇破了。例：伊予彼尾蛇驚甲破膽。I hōo hit bué tsuâ kiann kah phuà-tánn. (他被那條蛇嚇到破膽。)
【悲哀】(pi-ai) 悲傷，哀痛。
【悲觀】(pi-kuan) 沮喪或負面的人生態度。
【悲傷】(pi-siong) 悲哀、傷痛。
【悲情】(pi-tsîng)
【憑良心】(pîn-liông-sim) 根據良心、老實地。例：我做代誌攏憑良心。Guá tsò tāi-tsì lóng pîn-liông-sim. (我做事都憑良心。)
【平】(pîng) 公平。例：路見不平 lōo kiàn put pîng。
【半信半疑】(puàn-sìn-puàn-gî) 有點兒相信，也有點兒懷疑，對於是非真假無法判定。
【半小死】(puànn-sió-sí) 半死。例：伊驚一下半小死。I kiann tsi̍t-ē puànn-sió-sí. (他嚇得半死。)
【本意】(pún-ì) 本來的心意。
【不安】(put-an)
【不滿】(put-buán) 不符合心意。例：你有啥物不滿，做你講出來。Lí ū siánn-mih put-buán, tsò lí kóng–tshut-lâi. (你有什麼不滿，儘管說出來。)
【不服】(put-ho̍k) 心裡不服氣、不甘心。例：伊做𤆬頭的，有誠濟人不服。I tsò tshuā-thâu–ê, ū tsiânn tsē lâng put-ho̍k. (他當帶頭的，有很多人不服。)
【三心兩意】(sam-sim-lióng-ì) 形容猶豫不決，意志不堅。例：你做代誌毋通三心兩意。Lí tsò tāi-tsì m̄-thang sam-sim-lióng-ì. (你做事情不要猶豫不決。)
【煞心】(sannh-sim) 渴望、盼望。心中有所期盼，心裡受到強烈的刺激而對某人或某物非常想得到。例：看著貴重的物件伊就煞心。Khuànn-tio̍h kuì-tiōng ê mi̍h-kiānn i tō sannh-sim. (看到貴重的東西他就渴望得到。)
【楔手縫】(seh-tshiú-phāng) 塞手縫。指東西很少，不能讓人滿足。例：你遮的錢，閣無夠我楔手縫。Lí tsia-ê tsînn, koh bô-kàu guá seh-tshiú-phāng. (你這些錢，還不夠我塞手指縫。)
【滲屎尿】(siàm-sái-jiō/siàm-sái-liō) 屁滾尿流。例：犯人聽著講欲予人銃殺，驚甲滲屎尿。Huān-lâng thiann tio̍h kóng beh hōo lâng tshìng-sat, kiann kah siàm-sái-jiō. (犯人聽到要被人槍殺，嚇得屁滾尿流。)
【消極】(siau-ki̍k) 逃避現實，意志消沉。例：伊最近誠消極，啥物代誌攏無愛做。I tsuè kīn tsiânn siau-ki̍k, siánn-mih tāi-tsì lóng bô-ài tsò. (他最近很消沉，什麼事情都不想做。)
【心火】(sim-hué/sim-hé) 內心的浮躁、激動或者是怒氣。例：這件代誌講起來就心火著。Tsit kiānn tāi-ts kóng–khí-lâi tō sim-hué-to̍h. (這件事情一說起來就生氣。)
【心驚膽嚇】(sim-kiann-tánn-hiannh) 心驚膽顫。例：大地動會予人心驚膽嚇。Tuā tē-tāng ē hōo lâng sim-kiann-tánn-hiannh. (大地震會讓人心驚膽顫。)
【心境】(sim-kíng)
【心狂火著】(sim-kông-hué-to̍h/sim-kông-hé-to̍h) 氣急攻心、火冒三丈。例：你這馬當咧心狂火著，千萬毋通做決定。Lí tsit-má tng-teh sim-kông-hué-to̍h, tshian-bān m̄-thang tsò kuat-tīng. (你現在正火冒三丈，千萬不要做決定。)
【心肝頭】(sim-kuann-thâu) 心裡頭。
【心理】(sim-lí) 人腦中的認知、思考、記憶等活動的總稱，也泛指人的一切內心活動。例：你會有這款心理，實在予人想袂到。Lí ē ū tsit khuán sim-lí, si̍t-tsāi hōo lâng siūnn bē kàu. (你會有這種心理，實在讓人想不到。)
【心力】(sim-li̍k)
【心靈】(sim-lîng)
【心神】(sim-sîn) 1.精神、心力。例：伊袂插你，你莫枉費心神矣。I bē tshap–lí, lí mài óng-huì sim-sîn–ah. (他不會理睬你，你不要浪費精神了。) 精神2.心思、情緒。
【心性】(sim-sìng)
【心酸】(sim-sng) 傷心、辛酸。心裡頭感到悲傷痛苦。例：伊的身世予人聽著感覺誠心酸。I ê sin-sè hōo lâng thiann–tio̍h kám-kak tsiânn sim-sng. (他的身世聽著讓人覺得很傷心。)
【心爽】(sim-sóng) 心裡舒適暢快。例：伊最近看起來誠心爽。I tsuè-kīn khuànn–khí-lâi tsiânn sim-sóng. (他最近看起來很舒爽。)
【心思】(sim-su)
【心事】(sim-sū) 藏在心中所不為人知的事。
【心態】(sim-thài)
【心頭】(sim-thâu) 1.心裡、心中。例：伊的一句話予我規个心頭挐絞絞。I ê tsi̍t kù uē hōo guá kui-ê sim-thâu jû-ká-ká. (他的一句話使得我的心裡一片雜亂。) 2.指心意。例：心頭掠予伊定，大步向前行。Sim-thâu lia̍h hōo i tiānn, tuā pōo hiòng tsîng kiânn. (打定主意，跨大步向前走。)
【心中】(sim-tiong)
【心情】(sim-tsîng) 內心的情緒。
【信念】(sìn-liām)
【信心】(sìn-sim) 1.相信願望、理想必能實現的心理。例：我對這擺的考試有信心。Guá tuì tsit pái ê khó-tshì ū sìn-sim. (我對這次的考試有信心。) 2.信任或相信神明的心。
【神去】(sîn–khì) 出神。指心神專注某事而發愣。例：你咧想啥？想甲規个人攏神去。Lí teh siūnn siánn? Siūnn kah kui ê lâng lóng sîn–khì. (你在想什麼？想到整個人都出神了。)
【神魂】(sîn-hûn) 人的精神、魂魄。例：我予你驚一下險險仔無神魂去。Guá hōo lí kiann tsi̍t-ē hiám-hiám-á bô sîn-hûn–khì. (我被你嚇得險些魂飛魄散。)
【神神】(sîn-sîn) 心神恍惚。例：伊看甲神神。I khuànn kah sîn-sîn. (他看到出神。)
【神聖】(sîn-sìng)
【小心】(sió-sim) 注意、留意。例：囡仔人騎車愛小心，毋通騎傷緊。Gín-á-lâng khiâ-tshia ài sió-sim, m̄-thang khiâ siunn kín. (小孩子騎車要留意謹慎，不要騎太快。)
【傷心】(siong-sim) 心中悲痛。例：人都已經死去矣，你莫閣傷心矣。Lâng to í-king sí–khì–ah, lí mài koh siong-sim–ah. (人都已經死了，你就別再傷心了。)
【失望】(sit-bōng) 希望落空，心裡難過。例：你實在予我真失望。Lí si̍t-tsāi hōo guá tsin sit-bōng. (你實在讓我很失望。)
【失落】(sit-lo̍h)
【失神】(sit-sîn) 形容一個人精神恍惚，魂不守舍。例：伊規工攏失神失神。I kui kang lóng sit-sîn-sit-sîn. (他一整天都魂不守舍。)
【失志】(sit-tsì) 灰心喪氣。心灰意冷，氣餒不振。例：一時的失敗嘛毋通失志。Tsi̍t sî ê sit-pāi mā m̄-thang sit-tsì. (一時的失敗不要心灰意冷。)
【私心】(su-sim) 為個人利益打算的念頭。例：做代誌袂使有私心。Tsò tāi-tsì bē-sái ū su-sim. (做事情不能有利己的念頭。)
【四序】(sù-sī) 井井有條、妥當。讓人覺得舒服安適的感覺。例：代誌做了真四序。Tāi-tsì tsò-liáu tsin sù-sī. (事情辦得很妥善。)
【順眼】(sūn-gán) 看起來很順、很合意。例：彼个查某囡仔，我看著誠順眼。Hit ê tsa-bóo gín-á, guá khuànn tio̍h tsiânn sūn-gán. (那個女孩子，我看起來很合意。)
【擔憂】(tam-iu) 擔心、憂慮。例：代誌做袂完，我實在真擔憂。Tāi-tsì tsò bē uân, guá si̍t-tsāi tsin tam-iu. (事情做不完，我實在很擔憂。)
【膽膽】(tám-tám) 怕怕的。例：半暝仔一个人行路轉去，心肝內小可膽膽。Puànn-mê-á tsi̍t ê lâng kiânn-lōo tńg–khì, sim-kuann-lāi sió-khuá tám-tám. (半夜自己一個人走路回家，心裡有點怕怕的。)
【打擊】(tánn-kik) 1.挫折。例：公司倒去的代誌，予伊真大的打擊。Kong-si tó–khì ê tāi-tsì, hōo i tsin tuā ê tánn-kik. (公司倒閉的事情，對他打擊很大。) 2.使人感到挫折。例：你千萬毋通打擊伊的信心。Lí tshian-bān m̄-thang tánn-kik i ê sìn-sim. (你千萬不要打擊他的信心。)
【貪戀】(tham-luân) 迷戀、沉迷。例：伊是有翁的查某，你毋通貪戀伊的美色。I sī ū ang ê tsa-bóo, lí m̄-thang tham-luân i ê bí-sik. (她是有夫之婦，你不可以迷戀她的姿色。)
【刁意故】(thiau-ì-kòo) 故意、存心。例：伊毋是刁意故的。I m̄ sī thiau-ì-kòo–ê. (他不是故意的。)
【刁工】(thiau-kang) 1.專程、特地。例：我刁工來看你。Guá thiau-kang lâi khuànn–lí. (我專程來看你。) 專工2.故意。例：你愈講，伊愈刁工。Lí jú kóng, i jú thiau-kang. (你越說，他越是故意和你唱反調。) 刁故意、刁意故、故意無張持、無細膩
【知足】(ti-tsiok) 對已經得到的東西感到珍惜、滿足。例：做人若知足，日子就會較好過。Tsò-lâng nā ti-tsiok, ji̍t-tsí tō ē khah hó kuè. (做人如果能夠知足，日子就會比較好過。)
【刁故意】(tiau-kòo-ì) 存心、故意。例：伊刁故意欲講予你氣。I tiau-kòo-ì beh kóng hōo lí khì. (他故意這麼說要惹你生氣。)
【刁持】(tiau-tî) 1.故意、存心。例：伊是刁持欲佮我做對的。I sī tiau-tî beh kah guá tsò-tuì–ê. (他是故意要和我作對的。) 刁故意、刁意故、刁意無張持、無細膩2.特地、特意。例：我是刁持來看你的。Guá sī tiau-tî lâi khuànn–lí–ê. (我是特別來看你的。) 刁工、專工
【忠】(tiong) 竭盡心力、真誠無私的美德。例：盡忠 tsīn-tiong。
【重現】(tiông-hiān)
【躊躇】(tiû-tû) 猶豫、遲疑。例：遮爾好的機會，你是閣咧躊躇啥物？Tsiah-nī hó ê ki-huē, lí sī koh teh tiû-tû siánn-mih? (這麼好的機會，你還在猶豫什麼？)
【同心】(tông-sim) 一心、齊心。同樣的意志、想法。例：同心協力 Tông-sim hia̍p-li̍k。
【知死】(tsai-sí) 知道死活、明白事態嚴重。例：物件若舞害去你就知死！Mi̍h-kiānn nā bú hāi–khì lí tō tsai-sí! (東西若弄壞了你就該死！)
【罪過】(tsē-kuà) 痛苦。例：一屑仔工課做甲艱苦罪過。Tsi̍t-sut-á khang-khuè tsò kah kan-khóo tsē-kuà. (一點點工作就做得那麼痛苦。)
【慼心】(tsheh-sim/tshueh-sim) 因怨恨而傷心、絕望。例：我做甲流汗，猶閣予人嫌甲流瀾，有夠慼心啦！Guá tsò kah lâu kuānn, iáu-koh hōo lâng hiâm kah lâu-nuā, ū-kàu tsheh-sim–lah! (我這麼盡心盡力地做，還被人嫌，真令人傷心！)
【生驚】(tshenn-kiann/tshinn-kiann) 驚嚇。例：囡仔著生驚嘛嘛吼。Gín-á tio̍h-tshenn-kiann mà-mà-háu. (小孩受到驚嚇哇哇大哭。)
【痴情】(tshi-tsîng) 情感難以自拔而到痴心的地步。例：阿英予伊的痴情感動，尾仔決定欲嫁伊。A-ing hōo i ê tshi-tsîng kám-tōng, bué–á kuat-tīng beh kè–i. (阿英被他的痴情感動，最後決定嫁給他。)
【刺激】(tshì-kik) 使人生理或心理上產生強烈或特殊感覺的作用。
【愁】(tshiû) 憂慮、悲傷。例：憂愁 iu-tshiû。
【志願】(tsì-guān) 1.志向和願望。例：伊的志願是欲做一个醫生。I ê tsì-guān sī beh tsò tsi̍t ê i-sing. (他的志願是要做一個醫生。) 2.自願而做、主動。例：伊志願來的。I tsì-guān lâi–ê. (他自願來的。) 自願
【志氣】(tsì-khì) 志節、氣概。例：少年人愛較有志氣咧。Siàu-liân lâng ài khah ū tsì-khì–leh. (年輕人要有志氣一點。)
【真心】(tsin-sim) 誠心。真實的心意。例：真心相照顧。Tsin-sim sio tsiàu-kòo. (誠心地互相照顧。)
【情願】(tsîng-guān) 甘心、願意。例：欲做就較情願咧。Beh tsò tō khah tsîng-guān–leh. (要做就甘願一點。)
【情意】(tsîng-ì) 心意、感情。例：伊對你有情意。I tuì lí ū tsîng-ì. (他對你有感情。)
【情緒】(tsîng-sū) 心情。心中喜、怒、哀、樂、愛、惡、欲等感覺。
【慒心】(tso-sim) 煩心。形容人在為某事擔心時心煩意亂，焦躁憂慮的樣子。例：囡仔若破病，做老母的人總是會慒心。Gín-á nā phuà-pēnn, tsò lāu-bú ê lâng tsóng-sī ē tso-sim. (孩子要是生病的話，做母親的人總是會操心憂慮。)
【主觀】(tsú-kuan)
【自謙】(tsū-khiam) 自我謙虛。例：伊真自謙。I tsin tsū-khiam. (他很自謙。)
【自信】(tsū-sìn) 對自己能力的信心。例：你愛較有自信咧。Lí ài khah ū tsū-sìn–leh. (你要有自信些。)
【自在】(tsū-tsāi) 形容心境上的愉快、舒暢，不受拘束。例：人生所追求的就是幸福自在的生活。Jîn-sing sóo tui-kiû–ê tō sī hīng-hok tsū-tsāi ê sing-ua̍h. (人生所追求的就是幸福自在的生活。)
【自尊心】(tsū-tsun-sim) 維護個人尊嚴，不容許他人歧視、輕蔑與侵犯的心理。例：你按呢講會去傷著伊的自尊心。Lí án-ne kóng ē khì siong-tio̍h i ê tsū-tsun-sim. (你這樣說會傷到他的自尊。)
【專注】(tsuan-tsù)
【絕望】(tsua̍t-bōng) 澈底失望。
【絕情】(tsua̍t-tsîng) 形容人在處理感情時的狠心與無情。
【委屈】(uí-khut)
【飫喙】(uì-tshuì) 吃厭了、吃怕了。例：你毋通閣提雞卵糕來，我已經飫喙矣。Lí m̄-thang koh the̍h ke-nn̄g-ko lâi, guá í-king uì-tshuì–ah. (你不要再拿蛋糕來，我已經吃膩了。)
【遺憾】(uî-hām) 缺憾、惋惜。
【穩心仔】(ún-sim-á) 安心。例：明仔載免上班，會使穩心仔睏。Bîn-á-tsài bián siōng-pan, ē-sái ún-sim-á khùn. (明天不用上班，可以安心入睡。)
【勻仔是】(ûn-á-sī) 慢慢來、不慌不忙。例：你著勻仔是，毋通食緊挵破碗。Lí tio̍h ûn-á-sī, m̄-thang tsia̍h kín lòng-phuà uánn. (你要慢慢來，以免欲速則不達。)
【勻勻仔】(ûn-ûn-á) 慢慢地、謹慎小心地。例：這條路真歹行，你著勻勻仔行。Tsit tiâu lōo tsin pháinn kiânn, lí tio̍h ûn-ûn-á kiânn. (這條路很難走，你要慢慢地走。)
【鬱卒】(ut-tsut) 心中愁悶不暢快。例：已經幾若個月矣攏揣無頭路，心情誠鬱卒！Í-king kuí-nā kò gue̍h–ah lóng tshuē bô thâu-lōo, sim-tsîng tsiânn ut-tsut! (已經好幾個月都找不到工作了，心情很苦悶！)
心理活動
【愛護】(ài-hōo)
【愛睏】(ài-khùn) 疲倦至極，想要睡覺。例：昨暗睏無好，今仔日誠愛睏。Tsa-àm khùn bô hó, kin-á-ji̍t tsiânn ài-khùn. (昨晚沒睡好，今天很想睡。)
【愛媠】(ài-suí) 愛美、愛漂亮。例：愛媠是人的天性。Ài-suí sī lâng ê thian-sìng. (愛美是人與生俱來的本性。)
【掩崁】(am-khàm) 隱瞞、包庇。例：你敢做，就莫叫我替你掩崁。Lí kánn tsò, tō mài kiò guá thè lí am-khàm. (你敢做，就不要叫我替你隱瞞。)
【暗行】(àm-hīng) 陰謀、暗計。例：你毋通使暗行害人。Lí m̄-thang sái àm-hīng hāi–lâng. (你不要耍陰險害人。)
【暗步】(àm-pōo) 詭計、密招。不光明的手段或方法。例：伊定定用暗步欲陷害人。I tiānn-tiānn iōng àm-pōo beh hām-hāi–lâng. (他常耍詭計要陷害人。)
【按算】(àn-sǹg) 打算、預算。事先計算、考慮思量、預先籌畫。例：伊按算明年欲買新厝。I àn-sǹg mê-nî beh bé sin tshù. (他打算明年要買新房子。)
【夢】(bāng) 1.睡眠中所見所經歷的事物。例：眠夢 bîn-bāng(做夢、白日夢)、歹夢 pháinn bāng(惡夢)。2.夢到、夢見。例：昨暗我夢著中大獎。Tsa-àm guá bāng-tio̍h tiòng tuā tsióng. (昨晚我夢見中大獎。)
【夢境】(bāng-kíng)
【夢見】(bāng-kìnn)
【夢中】(bāng-tiong)
【迷】(bê) 1.形容沉迷某事物，不能自拔的狀態。例：你毋通跋筊跋了傷迷。Lí m̄-thang pua̍h-kiáu pua̍h liáu siunn bê. (你不要賭博賭得太沉迷。) 2.被某人某物所吸引、迷惑。例：伊去予隔壁的阿美仔迷去矣。I khì hōo keh-piah ê A-bí–á bê–khì–ah. (他被隔壁的阿美吸引了。)
【迷惑】(bê-hi̍k)
【迷戀】(bê-luân) 戀慕某人或喜好某物到入迷而難以割捨。例：有真濟人對伊足迷戀的。Ū tsin tsē lâng tuì i tsiok bê-luân–ê. (有許多人對她很迷戀。)
【迷失】(bê-sit)
【袂記得】(bē-kì-tit/buē-kì-tit) 忘記、遺忘。語氣完結時唸作bē kì–tit。例：有誠濟較早的代誌，我攏袂記得矣。Ū tsiânn tsē khah-tsá ê tāi-tsì, guá lóng bē-kì–tit–ah. (有許多過去的事情，我都忘記了。)；我袂記得幾點欲開會。Guá bē kì-tit kuí-tiám beh khui-huē. (我忘記幾點要開會。)
【袂伸捙】(bē-tshun-tshia/buē-tshun-tshia) 通常指經過言詞勸說之後，仍無法改變對方的態度或想法。例：佮伊講話，見講嘛講袂伸捙。Kah i kóng-uē, kiàn kóng mā kóng bē-tshun-tshia. (跟他說話，每次都有理說不清。)
【欲知】(beh-tsai/bueh-tsai) 早知道的話。例：欲知金仔會起大價，我早就愛加買寡起來囥。Beh-tsai kim-á ē khí tuā-kè, guá tsá tō ài ke bé kuá khì-lâi khǹg. (早知道黃金會漲這麼多，我早該多買些起來放。)
【美夢】(bí-bāng)
【免數想】(bián siàu-siūnn) 休想、甭想。例：工課若無做煞，免數想欲食暗頓。Khang-khuè nā bô tsò-suah, bián siàu-siūnn beh tsia̍h àm-tǹg. (工作沒做完，休想要吃晚餐。)
【眠夢】(bîn-bāng) 作夢、夢想。例：你莫閣佇遐咧眠夢矣。Lí mài koh tī hia teh bîn-bāng–ah. (你不要在那裡做夢了。)
【明瞭】(bîng-liâu) 瞭解。清楚明白，了然於心。例：老師教的你敢有明瞭？Lāu-su kà–ê lí kám ū bîng-liâu? (老師教的你都了解嗎？)
【冥想】(bîng-sióng)
【明知】(bîng-tsai) 清楚知道。例：你明知伊做歹，閣欲共伊鬥相共！Lí bîng-tsai i tsò-pháinn, koh beh kā i tàu-sann-kāng! (你明明知道他做壞事，還要幫他忙！)
【無愛】(bô ài) 不要。例：我無愛去。Guá bô ài khì. (我不要去。)
【無望】(bô-bāng) 絕望。沒有希望。
【無法伊】(bô-huat–i) 拿他沒辦法、奈何不了他。例：這个囡仔講嘛講袂聽，實在無法伊。Tsit ê gín-á kóng mā kóng bē thiann, si̍t-tsāi bô-huat–i. (這個孩子講也講不聽，實在拿他沒辦法。)
【無步】(bô-pōo) 沒轍。沒辦法。例：這擺的代誌我嘛無步矣。Tsit pái ê tāi-tsì guá mā bô-pōo–ah. (這次的事情我也沒轍了。)
【摸無路】(bong-bô-lōo) 摸不著門路，不知從何下手。例：這馬的人駛車攏用𤆬路機，免驚摸無路。Tsit má ê lâng sái-tshia lóng īng tshuā-lōo-ki, bián kiann bong-bô-lōo. (現代人開車都用衛星導航，不用怕找不到路。)
【愣】(gāng) 失神、發呆。例：聽著飛機失事的消息，伊規个人愣去。Thiann-tio̍h hui-ki sit-sū ê siau-sit, i kui-ê lâng gāng–khì. (聽到飛機失事的消息，他整個人呆住了。)
【疑】(gî) 猜忌、不相信。例：疑人，毋成賊。Gî lâng, m̄ tsiânn tsha̍t. (光靠懷疑，不能認定某人是賊。比喻凡事都要有證據。)
【疑問】(gî-būn) 令人質疑的問題。
【疑惑】(gî-hi̍k)
【疑心】(gî-sim) 懷疑。懷疑的感覺、念頭。例：伊已經對我起疑心矣。I í-king tuì guá khí gî-sim–ah. (他已經對我起了疑心。)
【義氣】(gī-khì) 彰顯道義的氣概。
【憢疑】(giâu-gî) 猜疑。對人或事猜忌疑慮。例：你毋通憢疑我對你的感情。Lí m̄-thang giâu-gî guá tuì lí ê kám-tsîng. (你不要猜疑我對你的一片情意。)
【戇想】(gōng-siūnn) 瞎想、痴心妄想、胡思亂想。例：你莫佇遐戇想矣，緊去做代誌較要緊。Lí mài tī hia gōng-siūnn–ah, kín khì tsò tāi-tsì khah iàu-kín. (你不要在那裡瞎想了，快去做事情比較重要。)
【誤會】(gōo-huē) 1.錯誤的了解。例：你對我有誤會。Lí tuì guá ū gōo-huē. 2.誤解。錯誤的了解。例：你千萬毋通誤會。Lí tshian-bān m̄-thang gōo-huē. (你千萬不要誤會。)
【誤解】(gōo-kái) 誤會。判斷錯誤。例：你毋通誤解我的意思。Lí m̄-thang gōo-kái guá ê ì-sù. (你不要誤會我的意思。)
【外外】(guā-guā) 漠不關心、置身事外。例：你想講激外外就無代誌矣是無？Lí siūnn-kóng kik-guā-guā tō bô tāi-tsì–ah sī–bô? (你以為裝得漠不關心就沒事了是嗎？)
【願】(guān) 希望。例：下願 hē-guān(許願)、心願 sim-guān。
【願望】(guān-bōng) 心願與希望。例：這是我小小的願望。Tse sī guá sió-sió ê guān-bōng.
【願意】(guān-ì) 甘心、情願。例：這件代誌我願意做。Tsit kiānn tāi-tsì guá guān-ì tsò. (這件事情我願意做。)
【下】(hē) 1.放置、加進去。例：物件無位通下。Mi̍h-kiānn bô uī thang hē. (東西沒地方放。)；下鹽 hē iâm(在食物中放鹽)。囥、摻2.許願。例：乞食下大願。Khit-tsia̍h hē tuā guān. (乞丐許大願。比喻人明明沒有能力，卻好高騖遠。)
【下願】(hē-guān) 發願、許願。例：伊去媽祖宮下願，講𪜶老母的病若會好，伊就欲倩一班歌仔戲來謝神。I khì Má-tsóo king hē-guān, kóng in lāu-bú ê pēnn nā ē hó, i tō beh tshiànn tsi̍t pan kua-á-hì lâi siā-sîn. (他到媽祖廟去許願，說他媽媽的病如果能夠好起來，他就要請一團歌仔戲表演，以酬謝神明。)
【希望】(hi-bāng) 期望、寄望。見【向望】ǹg-bāng 條。
【嫌】(hiâm) 嫌惡、討厭、抱怨。例：伊嫌𪜶翁頇顢講話。I hiâm in ang hân-bān kóng-uē. (她嫌她老公不會說話。)
【嫌疑】(hiâm-gî) 懷疑、可疑。被懷疑與某事相牽連。例：佇代誌猶未查清楚進前，咱逐家攏有嫌疑。Tī tāi-tsì iáu-buē tshâ tshing-tshó tsìn-tsîng, lán ta̍k-ke lóng ū hiâm-gî. (在事情還沒查清楚之前，我們每個人都有嫌疑。)
【僥心】(hiau-sim) 變心。改變原來對某人的感情與心意。例：伊已經僥心愛別人矣。I í-king hiau-sim ài pa̍t-lâng–ah. (他已經變心愛別人了。)
【欣羨】(him-siān) 羨慕、歆羨。例：伊定定出國，予人真欣羨。I tiānn-tiānn tshut-kok, hōo lâng tsin him-siān. (他常常出國，讓人很羨慕。)
【欣賞】(him-sióng) 以喜愛的眼光領略美好的事物。
【行】(hīng) 1.指一個人的品德。例：品行 phín-hīng。2.內心中的想法。例：歹人厚行 pháinn-lâng kāu hīng(壞人心眼特別多)。
【後悔】(hiō-hué) 事後悔悟。例：你毋聽我的話，時到後悔就袂赴矣。Lí m̄ thiann guá ê uē, sî kàu hiō-hué tō bē-hù–ah. (你不聽我的話，到時後悔就來不及了。)
【向善】(hiòng-siān) 歸向善良。例：改過向善 kái-kò hiòng-siān。
【好意】(hó-ì) 美意、善意。例：伊是好意欲共你鬥相共，結果煞予你罵。I sī hó-ì beh kā lí tàu-sann-kāng, kiat-kó suah hōo lí mē. (他是好意要幫你忙，結果卻被你罵。)
【好心】(hó-sim) 1.善心、善意。例：好心予雷唚。Hó-sim hōo luî tsim. (好心被雷劈。比喻好心沒好報。) 2.善心、善意。例：我遮爾好心，煞去予伊誤會。Guá tsiah-nī hó-sim, suah khì hōo i gōo-huē. (我這麼好心，卻被他誤會。)
【風火】(hong-hué/hong-hé) 火氣、怒氣。例：伊風火夯起來矣，你愛較細膩咧。I hong-hué giâ–khí-lâi–ah, lí ài khah sè-jī–leh. (他的火氣上升了，你要小心一點。)
【防範】(hông-huān)
【防止】(hông-tsí)
【好奇】(hònn-kî) 對於自己所不了解、新奇的事情感到興趣或去探查原由。
【懷疑】(huâi-gî) 心中存有疑惑。例：心肝內懷疑，但是毋敢講。Sim-kuann-lāi huâi-gî, tān-sī m̄ kánn kóng. (心裡懷疑，但是不敢講。)
【懷念】(huâi-liām) 懷想思念。例：懷念囡仔時代的朋友。Huâi-liām gín-á sî-tāi ê pîng-iú. (懷念小時候的朋友。)
【反省】(huán-síng) 自我檢討過去言語、行為的是非好壞。
【反對】(huán-tuì) 不贊成。例：我反對你這款做法。Guá huán-tuì lí tsit khuán tsò-huat. (我不贊成你這種做法。)
【幻滅】(huàn-bia̍t)
【幻想】(huàn-sióng)
【煩惱】(huân-ló) 煩悶，不快活。例：醫生講伊無要緊，你毋免煩惱啦！I-sing kóng i bô-iàu-kín, lí m̄-bián huân-ló–lah! (醫生說他不要緊，你不用煩惱啦！)
【發願】(huat-guān) 許下心願或立下志向。例：伊發願事業若會成功，就欲捐錢幫助散赤人。I huat-guān sū-gia̍p nā ē sîng-kong, tō beh kuan tsînn pang-tsōo sàn-tshiah lâng. (他發願說如果事業成功，就要捐錢幫助窮人。)
【發覺】(huat-kak) 發現、覺察。
【發性地】(huat-sìng-tē/huat-sìng-tuē) 發脾氣、發怒。例：伊雄雄發性地，逐家攏予伊驚著。I hiông-hiông huat-sìng-tē, ta̍k-ke lóng hōo i kiann–tio̍h. (他忽然發火，大家都被他嚇到了。)
【回憶】(huê-ik/hê-ik)
【回顧】(huê-kòo/hê-kòo)
【回心轉意】(huê-sim-tsuán-ì/hê-sim-tsuán-ì) 改變回原來的心意。例：伊真固執，欲叫伊回心轉意是無可能的。I tsin kòo-tsip, beh kiò i huê-sim-tsuán-ì sī bô khó-lîng–ê. (他很固執，要等他回心轉意是不可能的。)
【回想】(huê-sióng/hê-sióng)
【費神】(huì-sîn) 花費精神。有時也當做麻煩別人，或感謝他人幫忙的客套話。例：我家己想辦法，毋免你費神。Guá ka-kī siūnn pān-huat, m̄-bián lí huì-sîn. (我自己想辦法，不用你花費精神。)
【憤怒】(hùn-nōo)
【恨】(hūn) 1.仇視、討厭、怨。例：我恨你。Guá hūn–lí. 2.遺憾之事、可恨之事。例：抾恨 khioh-hūn(記恨)。
【意愛】(ì-ài) 喜歡、愛慕。心有所屬、情有所鍾。例：少年人若有相意愛就好，咱莫插傷濟。Siàu-liân lâng nā ū sio ì-ài tō hó, lán mài tshap siunn tsē. (年輕人彼此喜歡就好，我們不要管太多。)
【意願】(ì-guān) 心中的希望、心願。例：到底你的意願是按怎？Tàu-té lí ê ì-guān sī án-tsuánn? (到底你的意願是如何？)
【意向】(ì-hiòng) 心中的意圖、方向。
【意見】(ì-kiàn) 看法、見解。
【意料】(ì-liāu)
【意思】(ì-sù) 1.想法、意義、目的。例：你講這款話是啥物意思？Lí kóng tsit khuán uē sī siánn-mih ì-sù? (你說這話是什麼意義？) 2.動心的感覺。例：阿勇對阿麗有意思。A-ióng tuì A-lē ū ì-sù. (阿勇喜歡阿麗。)
【意圖】(ì-tôo)
【意志】(ì-tsì) 思想志向，即人類自行決定行為的能力。
【維持】(î-tshî) 維護保持。例：咱愛維持好習慣。Lán ài î-tshî hó si̍p-kuàn. (我們要維持好習慣。)
【厭】(ià) 膩、厭倦。例：我肉食甲足厭。Guá bah tsia̍h kah tsiok ià. (我肉吃得很膩。)
【厭𤺪】(ià-siān) 疲勞困乏、厭惡倦怠的感覺。例：我感覺足厭𤺪的，飯攏食袂落去。Guá kám-kak tsiok ià-siān–ê, pn̄g lóng tsia̍h bē–lo̍h-khì. (我感覺很疲困，吃不下飯。)
【陰謀】(im-bôo/im-biô) 有所企圖而暗中策劃不正當的計謀。
【允准】(ín-tsún/ún-tsún) 允許、准許。例：無我的允准，你袂使來阮兜。Bô guá ê ín-tsún, lí bē-sái lâi guán tau. (沒有我的准許，你不可以來我家。)
【臆】(ioh) 猜測。例：我毋講，予你臆。Guá m̄ kóng, hōo lí ioh. (我不說，讓你猜。)
【臆出出】(ioh-tshut-tshut) 早就料到、猜到；指很容易猜出來。例：伊想欲創啥，早就予逐家臆出出矣。I siūnn-beh tshòng siánn, tsá tō hōo ta̍k-ke ioh-tshut-tshut–ah. (他想要幹什麼，早就被所有人料到了。)
【欲望】(io̍k-bōng)
【慾望】(io̍k-bōng)
【容允】(iông-ín/iông-ún) 允許。容許、許可。例：就我所知，伊無可能容允你烏白來。Tsiū guá sóo tsai, i bô khó-lîng iông-ín lí oo-pe̍h lâi. (就我所知，他不可能容許你亂來。)
【有意】(iú-ì)
【熱愛】(jia̍t-ài/lia̍t-ài)
【饒命】(jiâu-miā/liâu-miā) 饒恕別人的性命。
【饒】(jiâu/liâu) 原諒、赦免。例：饒命 jiâu-miā。
【忍耐】(jím-nāi/lím-nāi) 按捺住某種衝動而不宣洩出來。例：你小忍耐一下，連鞭就好矣。Lí sió jím-nāi–tsi̍t-ē, liâm-mi tō hó–ah. (你稍微忍耐一下，馬上就好了。)
【忍受】(jím-siū/lím-siū)
【忍】(jím/lím) 1.耐、承受。例：忍耐 jím-nāi。2.狠心。例：殘忍 tsân-jím、忍心 jím-sim。
【認份】(jīn-hūn/līn-hūn) 接受命運的安排，守好自己的本分。例：做人著愛認份。Tsò-lâng tio̍h-ài jīn-hūn. (身而為人就必須要認份。)
【認路】(jīn-lōo/līn-lōo) 辨別道路。
【認知】(jīn-ti/līn-ti)
【認定】(jīn-tīng/līn-tīng) 確切地認同。例：你是按怎認定伊就是兇手？Lí sī án-tsuánn jīn-tīng i tō sī hiong-siú? (你為什麼認定他就是兇手？)
【如意】(jû-ì/lû-ì)
【假想】(ká-sióng)
【佮意】(kah-ì) 中意。喜歡、滿意。例：我所佮意的人就是你。Guá sóo kah-ì ê lâng tō sī lí. (我喜歡的人就是你。)
【解悶】(kái-būn) 消解愁悶。例：聽歌解悶 thiann-kua kái-būn(聽歌解悶)。
【解心悶】(kái-sim-būn) 解悶。
【解愁】(kái-tshiû) 消除憂愁。例：啉酒解愁 lim-tsiú kái-tshiû(喝酒消除憂愁)。
【覺悟】(kak-ngōo) 覺醒明白。例：覺悟著過去做了毋著。Kak-ngōo tio̍h kuè-khì tsò liáu m̄-tio̍h. (覺悟到過去做得不對。)
【覺醒】(kak-tshénn/kak-tshínn) 覺悟、醒悟。例：伊根本就無愛你，是按怎你到今仔日猶未覺醒？I kin-pún tō bô ài–lí, sī-án-tsuánn lí kàu kin-á-ji̍t iáu-buē kak-tshénn? (她根本就不愛你，為什麼你到今天還沒覺醒？)
【感應】(kám-ìng) 指兩個磁場或心靈互相牽動吸引、互相影響。例：人講雙生仔定定會互相感應。Lâng kóng siang-senn-á tiānn-tiānn ē hōo-siong kám-ìng. (人家說雙胞胎往往能彼此感應。)
【感慨】(kám-khài)
【感念】(kám-liām)
【感傷】(kám-siong)
【感想】(kám-sióng) 因感觸所引發的思念或想法。例：你對這件代誌有啥物感想？Lí tuì tsit kiānn tāi-tsì ū siánn-mih kám-sióng? (你對這件事情有什麼感想？)
【感嘆】(kám-thàn)
【感觸】(kám-tshiok)
【厚工】(kāu-kang) 費工、費工夫。形容所耗費的精神心力甚多。例：家己縛粽較厚工。Ka-kī pa̍k-tsàng khah kāu-kang. (自己綁粽子較費工夫。)
【假象】(ké-siōng)
【堪】(kham) 承受。例：袂堪得 bē-kham–tit(不能承受、禁不起)。
【欺瞞】(khi-muâ) 欺瞞、欺騙。蓄意隱藏真相，不讓別人知道。
【欺騙】(khi-phiàn)
【起雄】(khí-hiông) 發狠。橫了心，發個狠勁。例：話講無幾句，伊就起雄矣。Uē kóng bô kuí kù, i tō khí-hiông–ah. (話講沒幾句，他就發狠了。)
【起狂】(khí-kông) 發狂。精神失常，舉止狂烈。例：伊又閣咧起狂矣。I iū-koh teh khí-kông–ah. (他又發狂了。)
【起性地】(khí-sìng-tē/khí-sìng-tuē) 發脾氣。因事情不如意而生氣發怒。例：磕袂著就欲起性地，啥人閣敢和你做伙？Kha̍p-bē-tio̍h tō beh khí-sìng-tē, siánn-lâng koh kánn hām lí tsò-hué? (動不動就發脾氣，誰還敢和你在一起？)
【企圖】(khì-tôo)
【窮分】(khîng-hun) 計較。計算、比較，唯恐自己吃虧。例：囡仔人毋通傷𠢕窮分。Gín-á-lâng m̄-thang siunn gâu khîng-hun. (小孩子不要太會計較。)
【抾恨】(khioh-hīn/khioh-hūn) 記恨、懷恨。將仇恨記在心裡。例：伊彼个人真𠢕抾恨，你莫去惹伊。I hit ê lâng tsin gâu khioh-hīn, lí mài khì jiá–i. (他那個人很會記恨，你別去惹他。)
【吸引】(khip-ín)
【考慮】(khó-lī/khó-lū) 仔細小心的思考斟酌。例：這件代誌你愛好好仔考慮。Tsit kiānn tāi-tsì lí ài hó-hó-á khó-lī. (這件事情你要好好考慮。)
【苦心】(khóo-sim) 用心良苦、費盡心思。例：你著認真讀冊，毋通枉費恁老爸對你的苦心。Lí tio̍h jīn-tsin tha̍k-tsheh, m̄-thang óng-huì lín lāu-pē tuì lí ê khóo-sim. (你要認真讀書，不要枉費你父親對你的一片苦心。)
【區別】(khu-pia̍t) 1.分別。例：蔥仔佮蒜仔欲按怎區別？Tshang-á kah suàn-á beh án-tsuánn khu-pia̍t? (蔥和蒜要如何區分？) 分別2.差別。例：請你說明語言佮文字的區別。Tshiánn lí suat-bîng gí-giân kah bûn-jī ê khu-pia̍t. (請你說明語言與文字的差別。) 差別
【掛心】(khuà-sim) 操心、擔心。例：我的代誌免你掛心。Guá ê tāi-tsì bián lí khuà-sim. (我的事情不用你擔心。)
【圈套】(khuan-thò) 籠絡或陷害人的計謀。
【看法】(khuànn-huat)
【看款】(khuànn-khuán) 看情形。衡量情勢發展。例：先看款才講。Sing khuànn-khuán tsiah kóng. (先看情形再說。)
【看破】(khuànn-phuà) 1.看開。對不如意的事想得開、達觀；或是無可奈何而順其自然去做某件事。例：做人若會曉看破世情，會較好過日。Tsò-lâng nā ē-hiáu khuànn-phuà sè-tsîng, ē khah hó kuè-ji̍t. (做人若懂得看開世事，會比較好過日子。) 看開2.看透、識破。例：伊予人看破跤手矣，無人會閣再相信伊。I hōo lâng khuànn-phuà-kha-tshiú–ah, bô-lâng ē koh-tsài siong-sìn–i. (他被人識破技倆了，沒有人會再相信他。) 看出出
【看重】(khuànn-tiōng) 重視、著重。
【開竅】(khui-khiàu) 指人因為受到開導啟發，終於領悟或變得聰明有見識。
【記憶】(kì-ik) 心中對事、物所保有的印象。
【期望】(kî-bōng)
【期待】(kî-thāi) 希望、盼望。
【寄望】(kià-bāng)
【堅持】(kian-tshî) 執意堅決。例：伊堅持欲繼續拍拚落去。I kian-tshî beh kè-sio̍k phah-piànn–lo̍h-khì. (他堅持要繼續努力下去。)
【見解】(kiàn-kái) 觀點、看法、主張、意見。
【激氣】(kik-khì) 嘔氣、賭氣。雙方面彼此因意見不合而鬧彆扭、懷恨在心，採取不合作的態度或故意為難對方。例：恁毋通激氣，有話好好仔講。Lín m̄-thang kik-khì, ū uē hó-hó-á kóng. (你們不要賭氣鬧彆扭，有話好好說。)
【敬佩】(kìng-puē)
【敬重】(kìng-tiōng) 恭敬尊重。
【叫是】(kiò-sī) 誤認、以為。錯認，誤當作是。例：我叫是你欲走矣，毋才無共你招。Guá kiò-sī lí beh tsáu–ah, m̄-tsiah bô kā lí tsio. (我以為你要走了，才沒約你。)
【高見】(ko-kiàn) 敬稱，高明的見解。
【顧慮】(kòo-lī/kòo-lū)
【構想】(kòo-sióng)
【掛意】(kuà-ì) 掛念、介意。心中有繫念，將不愉快或憂慮之事存於心中，而不能釋懷。例：你毋通掛意，我會趕緊轉來。Lí m̄-thang kuà-ì, guá ē kuánn-kín tńg–lâi. (你不要掛念，我會趕快回來。)
【掛慮】(kuà-lī/kuà-lū) 擔心、掛心。
【怪人】(kuài–lâng) 怪罪別人。例：伊磕袂著就欲怪人。I kha̍p-bē-tio̍h tō beh kuài–lâng. (他動不動就怪罪別人。)
【觀感】(kuan-kám)
【關心】(kuan-sim) 關懷、掛念。例：伊真關心老大人，定定去養老院拜訪。I tsin kuan-sim lāu-tuā-lâng, tiānn-tiānn khì ióng-ló-īnn pài-hóng. (他很關心老人家，常常到養老院拜訪。)
【觀想】(kuan-sióng)
【觀點】(kuan-tiám)
【關注】(kuan-tsù)
【決心】(kuat-sim) 拿定主意。例：伊決心欲拍拚讀冊。I kuat-sim beh phah-piànn tha̍k-tsheh. (他下定決心要努力讀書。)
【過癮】(kuè-giàn/kè-giàn) 指某種特別的喜好或慾望，獲得了滿足。例：伊若無耍甲過癮是袂轉來的。I nā bô sńg kah kuè-giàn sī bē tńg–lâi–ê. (他如果沒有玩到過癮是不會回來的。)
【過意】(kuè-ì/kè-ì) 安心。例：袂過意 bē kuè-ì(不安心)。
【過心】(kuè-sim/kè-sim) 過意。例：袂過心 bē kuè-sim(不能安心、過意不去)、會過心 ē kuè-sim(能安心、過意得去)。
【規劃】(kui-uē)
【詭計】(kuí-kè) 狡詐的計謀。例：詭計多端 kuí-kè to tuan(指狡詐的計謀很多)。
【難忘】(lân-bōng)
【理念】(lí-liām)
【理想】(lí-sióng)
【念頭】(liām-thâu)
【聯想】(liân-sióng)
【了解】(liáu-kái)
【料想】(liāu-sióng) 預料、揣測。例：我遮爾仔信任你，你煞來共我欺騙，實在予人料想袂到。Guá tsiah-nī-á sìn-jīm–lí, lí suah lâi kā guá khi-phiàn, si̍t-tsāi hōo lâng liāu-sióng bē kàu. (我這麼信任你，你卻欺騙我，實在讓人料想不到。)
【料算】(liāu-sǹg) 預料、推算。例：伊有今仔日的下場，我早就料算著矣。I ū kin-á-ji̍t ê hā-tiûnn, guá tsá tō liāu-sǹg–tio̍h–ah. (他會有今天的下場，我早就料到了。)
【臨機應變】(lîm-ki-ìng-piàn) 見機行事。指遇到事情，能用妥善方法加以處理、應付。
【領教】(líng-kàu) 接受別人的指導。
【立志】(li̍p-tsì) 立定志願。例：男兒立志出鄉關。Lâm-jî li̍p-tsì tshut hiong-kuan.
【留戀】(liû-luân) 有所眷戀而捨不得。例：這个所在無啥物通好留戀矣。Tsit ê sóo-tsāi bô siánn-mih thang-hó liû-luân–ah. (這個地方沒什麼好眷戀的了。)
【勞心】(lô-sim) 費神、傷神。
【惱】(lóo) 令人生氣。例：聽伊講遐的話，真正會予伊惱死。Thiann i kóng hia–ê uē, tsin-tsiànn ē hōo i lóo–sí. (聽他講那些話，真會被他氣死。)。
【忍】(lún) 耐、承受。例：吞忍 thun-lún(忍耐)、忍氣 lún-khì(忍住所承受的氣憤)。
【忍氣】(lún-khì) 將怒氣壓抑下來。例：忍氣求財，激氣相刣。Lún-khì kiû tsâi, kik-khì sio-thâi. (忍一時之氣可以求得財利，反之，意氣用事則可能招致糾紛，甚至廝殺。比喻和氣生財才是生存之道。)
【毋捌】(m̄ bat) 1.不曾。例：我毋捌出國過。Guá m̄ bat tshut-kok–kuè. (我不曾出過國。) 2.不認識。例：伊毋捌字。I m̄ bat jī. (他不識字。)
【毋知】(m̄ tsai) 不知、不知道。例：你問我的代誌我攏毋知，你去問別人。Lí mn̄g guá ê tāi-tsì guá lóng m̄ tsai, lí khì mn̄g pa̍t-lâng. (你問我的事我都不知道，你去問別人。)
【毋知影】(m̄ tsai-iánn) 不知、不知道。例：逐家攏毋知影伊走去佗位。Ta̍k-ke lóng m̄ tsai-iánn i tsáu khì tó-uī. (大家都不知道他跑到哪裡去了。)
【毋准】(m̄-tsún) 不允許、不答應。例：這件代誌我毋准你按呢做。Tsit kiānn tāi-tsì guá m̄-tsún lí án-ne tsò. (這件事件我不允許你這樣做。)
【嘛欲】(mā beh/mā bueh) 也要。例：是按怎干焦你有？我嘛欲愛！Sī án-tsuánn kan-na lí ū? Guá mā beh ài! (為什麼只有你有？我也要！)
【腦海】(náu-hái)
【向望】(ǹg-bāng) 盼望、希望。例：向望你會當好好仔做人。Ǹg-bāng lí ē-tàng hó-hó-á tsò-lâng. (希望你能好好做人。)
【領受】(niá-siū) 接受。收受、接納。例：你的好意我真歡喜共你領受。Lí ê hó-ì guá tsin huann-hí kā lí niá-siū. (我很高興接受你的好意。)
【惡夢】(ok-bāng)
【惡意】(ok-ì)
【把戲】(pá-hì) 詭計、花招。例：伊是咧變啥把戲，予人看攏無。I sī teh pìnn siánn pá-hì, hōo lâng khuànn lóng bô. (他在耍什麼花招，讓人都看不懂。)
【歹意】(pháinn-ì) 惡意。例：伊按呢講，無歹意。I án-ne kóng, bô pháinn-ì. (他這樣說，沒惡意。)
【偏心】(phian-sim) 偏袒。袒護一方，對某一方存私心。例：分派工課愛公平，袂使偏心。Hun-phài khang-khuè ài kong-pênn, bē-sái phian-sim. (分派工作要公平，不可以偏袒個人。)
【評判】(phîng-phuànn) 評定判別。
【破滅】(phò-bia̍t)
【抱歉】(phō-khiàm) 心中不安，過意不去。
【浮現】(phû-hiān)
【判】(phuànn) 1.決斷、論定。例：判罪 phuànn-tsuē、判刑 phuànn-hîng。2.分明、辨明。例：審判 sím-phuànn、談判 tâm-phuànn。
【判斷】(phuànn-tuàn) 判別是非曲直、吉凶善惡。例：是好是䆀，攏愛靠你家己去判斷。Sī hó sī bái, lóng ài khò lí ka-kī khì phuànn-tuàn. (是好是壞，都要靠你自己去判斷。)
【避免】(pī-bián) 防止。設法不讓某種情形發生。
【便看】(piān-khuànn) 看情形、看形勢。例：欲按怎做，等對方條件開出來才便看。Beh án-tsuánn tsò, tán tuì-hong tiâu-kiānn khui–tshut-lâi tsiah piān-khuànn. (要怎麼做，等對方條件開出來再看情形。)
【寶惜】(pó-sioh) 珍惜、愛惜。例：彼个囡仔真寶惜𪜶阿母留予伊的相片。Hit ê gín-á tsin pó-sioh in a-bú lâu hōo i ê siòng-phìnn. (那個小孩子很愛惜他母親留給他的相片。)
【佩服】(puē-ho̍k) 欽佩、敬佩。例：我真佩服伊。Guá tsin puē-ho̍k–i. (我很佩服他。)
【三思】(sàm-su) 謹慎、仔細的考慮。例：三思而後行。Sàm-su jî hiō hîng.
【生份】(senn-hūn/sinn-hūn) 陌生。沒見過的、不認識的或不熟悉的。例：這个名真生份，我毋捌聽過。Tsit ê miâ tsin senn-hūn, guá m̄-bat thiann kuè. (這個名字真陌生，我沒聽過。)
【死心】(sí-sim) 斷絕意念，不再抱任何希望。例：我對你已經死心矣。Guá tuì lí í-king sí-sim–ah. (我對你已經死心了。)
【善意】(siān-ì)
【善心】(siān-sim)
【設法】(siat-huat)
【設想】(siat-sióng) 設身處地為某人或某事著想。例：你無為家己想，嘛著為囡仔的未來設想！Lí bô uī ka-kī siūnn, mā tio̍h uī gín-á ê bī-lâi siat-sióng! (你不為自己想，也要為孩子的將來著想！)；你毋通閣放蕩矣，愛為家己的將來設想！Lí m̄-thang koh hòng-tōng–ah, ài uī ka-kī ê tsiong-lâi siat-sióng! (你不要再放蕩了，要為自己的未來著想！)
【數念】(siàu-liām) 想念、掛念、懷念。例：我真數念伊。Guá tsin siàu-liām–i. (我很想念他。)
【數想】(siàu-siūnn) 妄想。荒誕或非份的想法。例：你毋免數想我會替你寫功課。Lí m̄-bián siàu-siūnn guá ē thè lí siá kong-khò. (你不必妄想我會替你寫功課。)；枵狗數想豬肝骨。iau-káu siàu-siūnn ti-kuann kut. (餓狗想吃豬肝的骨頭，意指妄想不可能實現的事物。)
【心目中】(sim-bo̍k-tiong)
【心願】(sim-guān) 願望、希望。心中立意要做的事、心裡的願望。
【心血】(sim-hiat) 心力。
【心意】(sim-ì) 想法、看法。例：各人有各人的心意。Kok-lâng ū kok-lâng ê sim-ì. (每個人都有自己的想法。)
【心機】(sim-ki) 謀略、計謀。
【心聲】(sim-siann)
【心得】(sim-tik)
【心動】(sim-tōng)
【愖】(sīm) 沉思、保持不動的姿態。例：伊愖規晡攏無講話。I sīm kui-poo lóng bô kóng-uē. (他沉靜了半天都沒說話。)；愖一下 sīm–tsi̍t-ē(等一下)。
【信任】(sìn-jīm/sìn-līm) 信任、相信。相信某人，而且敢於有所託付。例：我會共代誌交予伊做，是因為我信任伊。Guá ē kā tāi-tsì kau hōo i tsò, sī in-uī guá sìn-jīm–i. (我會把事情交給他做，是因為我相信他。)
【信篤】(sìn-táu) 相信。例：我才無咧共你信篤。Guá tsiah bô teh kā lí sìn-táu. (我才不相信你。)
【神通】(sîn-thong)
【醒悟】(síng-ngōo) 覺醒明白。例：無論我按怎苦勸，伊就是袂醒悟。Bô-lūn guá án-tsuánn khóo-khǹg, i tō sī bē síng-ngōo. (不管我怎麼勸，他始終不會覺悟。)
【誠意】(sîng-ì) 真心、誠心。例：我是真有誠意欲佮你做朋友。Guá sī tsin ū sîng-ì beh kah lí tsò pîng-iú. (我是很有誠意要和你交朋友的。)
【承受】(sîng-siū) 接受、承擔。
【承擔】(sîng-tam) 承受、擔負。
【惜】(sioh) 1.珍惜、重視。例：惜面皮 sioh bīn-phuê(重視面子)。2.疼愛、疼惜。例：伊真惜囝。I tsin sioh kiánn. (他很疼子女。) 3.留著不用。例：大牛惜力 tuā gû sioh la̍t(大牛身體壯碩卻不肯犁田，形容人有能力卻不肯做事)、無惜成本 bô sioh sîng-pún(不惜成本)。
【宿怨】(siok-uàn) 積怨。長久累積下來的怨恨。
【相愛】(siong-ài) 兩個人彼此喜愛。
【相信】(siong-sìn) 認為正確或者真實的，而不去懷疑。例：你愛相信我。Lí ài siong-sìn–guá. (你要相信我。)
【想】(sióng) 思考。例：空思夢想 khong-su-bōng-sióng。
【想像】(sióng-siōng)
【失覺察】(sit-kak-tshat) 不留神、疏忽。例：我一時失覺察，物件煞予彼个賊仔偷提去。Guá tsi̍t-sî sit-kak-tshat, mi̍h-kiānn suah hōo hit ê tsha̍t-á thau-the̍h–khì. (我一時疏忽，物品竟然讓那個小偷偷走了。)
【收心】(siu-sim) 把放縱散漫的心收拾起來，從事嚴肅的事。例：𨑨迌遮濟工，你嘛好收心矣。Tshit-thô tsiah-tsē-kang, lí mā hó siu-sim–ah. (玩了好多天，你也該收心了。)
【守護】(siú-hōo)
【受氣】(siū-khì) 生氣、發怒。例：你莫閣受氣矣！Lí mài koh siū-khì–ah! (你不要再生氣了！)
【相思】(siunn-si)
【想】(siūnn) 1.想念、思念。例：伊閣咧想伊的未婚妻矣。I koh teh siūnn i ê bī-hun-tshe–ah. (他又在想念他的未婚妻了。) 2.考慮。例：你莫烏白想矣，伊根本都無彼个意思。Lí mài oo-pe̍h siūnn–ah, i kin-pún to bô hit ê ì-sù. (你別亂想了，他根本沒那個意思。) 3.欲求獲得。例：數想 siàu-siūnn(妄想)。
【想法】(siūnn-huat)
【想空想縫】(siūnn-khang-siūnn-phāng) 計畫性地想盡各種辦法去做壞事。例：伊規工攏咧想空想縫，想欲諞人的錢。I kui kang lóng teh siūnn-khang-siūnn-phāng, siūnn beh pián lâng ê tsînn. (他整天都在打鬼主意，想拐騙別人的錢。)
【想起】(siūnn-khí)
【想東想西】(siūnn-tang-siūnn-sai) 胡思亂想。想這個想那個。例：你毋通閣佇遐想東想西，趕緊做工課啦！Lí m̄-thang koh tī hia siūnn-tang-siūnn-sai, kuánn-kín tsò khang-khuè–lah! (你不要還在那裡胡思亂想，趕快做工作啦！)
【損神】(sńg-sîn) 傷神、勞神。例：我這禮拜為著伊的代誌，無眠閣損神。Guá tsit lé-pài uī-tio̍h i ê tāi-tsì, bô-bîn koh sńg-sîn. (我這禮拜為了他的事，失眠又傷神。)
【思】(su) 1.思慮。例：三思 sàm-su、思考 su-khó。2.想。例：空思夢想 khong-su-bōng-sióng。
【思慕】(su-bōo) 思念愛慕。例：伊是我思慕的人。I sī guá su-bōo ê lâng. (他是我思念愛慕的人。)
【思考】(su-khó) 思索、考慮。
【思念】(su-liām) 想念、掛念。
【思想】(su-sióng) 想法、念頭。例：伊的思想真開明。I ê su-sióng tsin khai-bîng. (他的想法很開明。)
【思維】(su-uî)
【煞去】(suah–khì) 放過不論、不再計較。例：過去的代誌就準煞去，你莫閣想矣。Kuè-khì ê tāi-tsì tō tsún suah–khì, lí mài koh siūnn–ah. (過去的事就讓它去吧，你別再想了。)
【算】(suàn) 1.設想、推測。例：神機妙算 sîn ki miāu suàn。2.核計數目。例：預算 ī-suàn、決算 kuat-suàn。3.謀畫。例：算計 suàn-kè、暗算 àm-suàn。
【搭嚇】(tah-hiannh) 受驚嚇。例：囡仔若搭嚇就會吼袂煞。Gín-á nā tah-hiannh tō ē háu bē suah. (小孩子若受到驚嚇就會哭個不停。)
【答應】(tah-ìng) 允許、承諾。
【擔心】(tam-sim)
【擔輸贏】(tam-su-iânn) 能勇於承受許諾的條件或失敗的壓力。例：阿菊真擔輸贏，𪜶翁欠錢走路，伊家己拍拚趁錢替𪜶翁還數。A-kiok tsin tam-su-iânn, in ang khiàm-tsînn tsáu-lōo, i ka-kī phah-piànn thàn-tsînn thè in ang hîng-siàu. (阿菊很服輸，他老公欠錢跑路，他自己拼命賺錢替她老公還債。)
【打動】(tánn-tōng)
【敨氣】(tháu-khuì) 情緒得以發洩。例：伊講遐的話是為著欲敨氣，你聽了準煞。I kóng hia–ê uē sī uī-tio̍h beh tháu-khuì, lí thiann liáu tsún suah. (他說那些話是為了發洩情緒，你聽聽就好。)
【體驗】(thé-giām) 親身體會、感受。
【體會】(thé-huē) 體驗領會。
【體諒】(thé-liōng) 設身處地為別人著想，並且能諒解對方。例：逐家著愛互相體諒，毋通計較。Ta̍k-ke tio̍h-ài hōo-siong thé-liōng, m̄-thang kè-kàu. (大家要互相體諒，不要計較。)
【體悟】(thé-ngōo)
【提防】(thê-hông) 小心防備、注意防範。例：彼个人誠奸巧，你著愛較小心提防咧。Hit ê lâng tsiânn kan-khiáu, lí tio̍h-ài khah sió-sim thê-hông–leh. (那個人很奸詐狡猾，你要小心防範他。)
【討厭】(thó-ià) 使人厭惡、不喜歡。例：我上討厭彼種講話無信用的人。Guá siōng thó-ià hit-tsióng kóng-uē bô sìn-iōng ê lâng. (我最討厭那種講話沒信用的人。)
【痛恨】(thòng-hūn)
【土想】(thóo-siūnn) 指事情不需細想即可知道。例：這款代誌曷使閣問，土想嘛知。Tsit khuán tāi-tsì a̍h-sái koh mn̄g, thóo-siūnn mā tsai. (這種事情何必再問，不用想也知道。)
【推論】(thui-lūn) 根據事實而推演、推測。
【推算】(thui-sǹg)
【推測】(thui-tshik) 推想揣測。
【吞忍】(thun-lún) 忍耐。按捺住感情或感受，不使發作。例：你若是有委屈就愛講出來，千萬毋通吞忍。Lí nā-sī ū uí-khut tō ài kóng–tshut-lâi, tshian-bān m̄-thang thun-lún. (你如果受了委屈，就得說出來，千萬不要隱忍不說。)
【知】(ti) 1.知道、明瞭。例：知情 ti-tsîng、通知 thong-ti。2.舊時的職官名。例：知府 ti-hú(明清兩代時一府的行政官)。
【珍惜】(tin-sioh) 珍重愛惜。例：你著愛珍惜咱兩人的感情。Lí tio̍h-ài tin-sioh lán nn̄g lâng ê kám-tsîng. (你要珍惜我們之間的感情。)
【著驚】(tio̍h-kiann) 受驚嚇、吃驚。例：你雄雄喝一聲，囡仔煞著驚！Lí hiông-hiông huah tsi̍t siann, gín-á suah tio̍h-kiann! (你突然叫了一聲，孩子被嚇到了！)
【著急】(tio̍h-kip) 焦慮、急躁。例：寬寬仔是，免著急。Khuann-khuann-á-sī, bián tio̍h-kip. (慢慢來，別著急。)
【著生驚】(tio̍h-tshenn-kiann/tio̍h-tshinn-kiann) 受到驚嚇、嚇到。例：彼隻狗仔著生驚一直吠。Hit tsiah káu-á tio̍h-tshenn-kiann it-ti̍t puī. (那隻狗受驚嚇一直吠叫。)
【直覺】(ti̍t-kak)
【張掇】(tiunn-tuah) 違拗、曲拗、使性子。故意做和心意相反的事。例：你毋通遐𠢕張掇。Lí m̄-thang hiah gâu tiunn-tuah. (你不要那麼會使性子。)
【張等】(tng-tán) 等候。例：伊欠人真濟錢，不時有債主佇巷仔口張等伊。I khiàm lâng tsin tsē tsînn, put-sî ū tsè-tsú tī hāng-á-kháu tng-tán–i. (他欠人家很多錢，經常有債主在巷口堵他還錢。)
【當做】(tòng-tsò/tòng-tsuè) 看成、認為。例：我共你當做是上好的朋友。Guá kā lí tòng-tsò sī siōng hó ê pîng-iú. (我把你當做是最好的朋友。)；伊古意煞予人當做戇呆。I kóo-ì suah hōo lâng tòng-tsò gōng-tai. (他忠厚老實卻被當成愚蠢。)
【同意】(tông-ì) 贊成、認可。例：我同意你的看法。Guá tông-ì lí ê khuànn-huat. (我贊成你的看法。)
【同感】(tông-kám) 對事物有相同的感受。例：我相信你嘛有同感。Guá siong-sìn lí mā ū tông-kám. (我相信你也有同感。)
【同情】(tông-tsîng) 看到別人的遭遇而感到憐憫。例：逐家攏同情彼个可憐的囡仔。Ta̍k-ê lóng tông-tsîng hit-ê khó-liân ê gín-á. (大家都同情那個可憐的小孩。)
【動機】(tōng-ki) 引發人從事某種行為的力量和念頭。
【賭氣】(tóo-khì) 賭氣、意氣用事。指行為處事只依據情緒好惡，並沒有保持理性。例：激甲一个面懊嘟嘟，無，你這馬是咧佮我賭氣是無？Kik kah tsi̍t ê bīn àu-tū-tū, bô, lí tsit-má sī teh kah guá tóo-khì sī–bô? (擺個臉色那麼臭，你現在是在跟我賭氣是吧？)
【賭強】(tóo-kiông) 逞強、爭強好勝。力量不足卻刻意顯示自己能力強。例：若無才調閣硬欲賭強，是會傷害著家己呢！Nā bô tsâi-tiāu koh ngē beh tóo-kiông, sī ē siong-hāi tio̍h ka-kī–neh! (若無能力又硬要逞強，是會傷害到自己喔！)
【知】(tsai) 1.明白、了解。例：知影 tsai-iánn、知苦 tsai-khóo。2.意識、感覺。例：毋知人 m̄-tsai-lâng(不省人事)。
【知影】(tsai-iánn) 知道、懂得。例：你敢知影伊叫做啥物名？Lí kám tsai-iánn i kiò tsò siánn-mih miâ? (你知道他叫什麼名字嗎？)
【知輕重】(tsai-khin-tāng) 知道事情的輕重緩急。例：遮大漢矣，愛知輕重。Tsiah tuā-hàn–ah, ài tsai khin-tāng. (長這麼大了，要知道事情的輕重緩急。)
【知苦】(tsai-khóo) 事態嚴重，知道有苦可受。例：當初叫你莫耍股票你毋聽，這馬了甲貼底知苦矣乎！Tong-tshoo kiò lí mài sńg kóo-phiò lí m̄ thiann, tsit-má liáu kah tah-té tsai-khóo–ah-honnh! (當初叫你別玩股票你不聽，現在全輸光才知道有苦頭可受！)
【知位】(tsai-uī) 知道位置所在。例：𪜶欲去的所在你敢知位？In beh khì ê sóo-tsāi lí kám tsai-uī? (他們要去的地方你知道位置嗎？)
【贊成】(tsàn-sîng) 同意。例：我無贊成你的講法。Guá bô tsàn-sîng lí ê kóng-huat. (我不同意你的說法。)
【贊同】(tsàn-tông) 贊成、同意。例：這个想法你敢有贊同？Tsit ê siūnn-huat lí kám ū tsàn-tông? (這個想法你是否贊同？)
【猜疑】(tshai-gî) 懷疑、可疑。
【操煩】(tshau-huân) 操心煩惱。例：你免操煩囡仔的代誌，𪜶家己有拍算啦！Lí bián tshau-huân gín-á ê tāi-tsì, in ka-kī ū phah-sǹg–lah! (你不必擔心煩惱孩子們的事情，他們自己有規劃啦！)
【操心】(tshau-sim) 勞神、勞費心力。例：做人的囝兒毋通予爸母操心。Tsò lâng ê kiánn-jî m̄-thang hōo pē-bú tshau-sim. (做人子女不要讓父母操心。)
【慼】(tsheh/tshueh) 怨恨、討厭。例：我足慼伊的。Guá tsiok tsheh–i–ê. (我很討厭他。)；怨慼 uàn-tsheh(怨恨)。
【痴迷】(tshi-bê) 著迷、入迷。極端迷戀。例：阿麗生做遐妖嬌，真濟人為伊痴迷。A-lē senn-tsò hiah iau-kiau, tsin tsē lâng uī i tshi-bê. (阿麗長得那麼妖豔嬌媚，很多人迷戀她。)
【淺想】(tshián-siūnn) 未經過深思熟慮的猜測。例：伊到今攏毋肯出面，淺想嘛知代誌一定是伊做的。I kàu-tann lóng m̄-khíng tshut-bīn, tshián-siūnn mā tsai tāi-tsì it-tīng sī i tsò–ê. (到現在他仍不肯出面，不用想也知道事情一定是他幹的。)
【凊心】(tshìn-sim) 寒心、灰心。例：我對你已經凊心矣。Guá tuì lí í-king tshìn-sim–ah. (我對你已經寒心失望了。)
【錯覺】(tshò-kak)
【出氣】(tshut-khuì) 發洩怒氣、怨氣。例：伊定定拍我出氣。I tiānn-tiānn phah guá tshut-khuì. (他常常打我發洩怨氣。)
【出水】(tshut-tsuí) 藉欺負他人來發洩心中的怒氣。例：阮阿公耍股票輸了了，煞拍我出水。Guán a-kong sńg kóo-phiò su liáu-liáu, suah phah guá tshut-tsuí. (我爺爺玩股票賠光了錢，卻打我出氣。)
【食醋】(tsia̍h-tshòo) 吃醋。醋味酸，人嫉妒時，心裡會覺得酸溜溜的，因此以吃醋比喻嫉妒。多用在愛情方面，也可泛指一般的嫉妒。例：看著人翁仔某的感情遐爾仔好，無，你是咧食醋是無？Khuànn-tio̍h lâng ang-á-bóo ê kám-tsîng hiah-nī-á hó, bô, lí sī teh tsia̍h-tshòo sī–bô? (看到人家夫妻倆感情恩愛，你是在吃醋是吧？)
【戰後】(tsiàn-āu)
【情懷】(tsîng-huâi)
【情感】(tsîng-kám)
【情結】(tsîng-kat)
【祝福】(tsiok-hok) 祈求神明賜福，後來多指希望對方得到福分。例：祝福你幸福美滿。Tsiok-hok lí hīng-hok bí-buán.
【執意】(tsip-ì)
【質疑】(tsit-gî)
【作用】(tsok-iōng) 1.效果、影響。例：牧師的話佇我的心內發生作用。Bo̍k-su ê uē tī guá ê sim-lāi huat-sing tsok-iōng. (牧師的話在我心裡產生作用。) 2.用意、用心。例：伊講這句話，有另外的作用。I kóng tsit kù uē, ū līng-guā ê tsok-iōng. (他說這句話，是另有用意。)
【崇拜】(tsông-pài) 敬仰佩服。
【主義】(tsú-gī) 對事物或原理的基本主張，是一種觀念和信仰的形態，可形成一股思潮或學說。
【主意】(tsú-ì) 1.做主。出面負責裁決。例：這層代誌予你主意就好。Tsit tsân tāi-tsì hōo lí tsú-ì tō hó. (這件事情由你做主就可以了。) 2.心意、辦法。例：這是啥人的主意？Tse sī siánn-lâng ê tsú-ì? (這是誰的意見？)
【主見】(tsú-kiàn) 意志確定的見解或看法。
【主張】(tsú-tiunn) 1.自我對於事物的主觀性見解或看法。例：你對這件代誌有啥物主張？Lí tuì tsit kiānn tāi-tsì ū siánn-mih tsú-tiunn? (你對這件事情有什麼看法？) 2.認為。例：我主張咱愛堅持到底，毋通妥協。Guá tsú-tiunn lán ài kian-tshî kàu té, m̄ thang thò-hia̍p. (我認為我們應該堅持到底，不要妥協。)
【注意】(tsù-ì) 小心、留意。例：山路誠歹行，咱著愛較注意咧。Suann-lōo tsiânn pháinn-kiânn, lán tio̍h-ài khah tsù-ì–leh. (山路很難走，我們要多留意。)
【自覺】(tsū-kak) 1.自己感覺到。2.自己有所認識而覺悟。例：你家己做毋著，愛有自覺。Lí ka-kī tsò m̄-tio̍h , ài ū tsū-kak. (你自己做錯，要有自覺。)
【自新】(tsū-sin) 自己改正過錯，重新做人。
【尊敬】(tsun-kìng) 敬重、尊崇。
【尊重】(tsun-tiōng) 敬重。例：做人的序細著愛尊重序大人。Tsò lâng ê sī-sè tio̍h-ài tsun-tiōng sī-tuā-lâng. (做人家的晚輩要敬重長輩。)
【准】(tsún) 允許、許可。例：老師准我請假。Lāu-su tsún guá tshíng-ká. (老師允許我請假。)
【存心】(tsûn-sim) 心懷某種意念、居心。例：伊存心欲予你歹看。I tsûn-sim beh hōo lí pháinn-khuànn. (他故意要給你難看。)
【斷】(tuàn) 決定、判定。例：清官難斷家務事。Tshing-kuan lân tuàn ka-bū sū.；判斷 phuànn-tuàn、斷定 tuàn-tīng。
【對策】(tuì-tshik) 對付的策略方案。
【怨】(uàn) 1.憎恨、厭惡。例：伊怨家己少年的時無認真讀冊。I uàn ka-kī siàu-liân-ê-sî bô jīn-tsin tha̍k-tsheh. (他怨恨自己年輕時不認真讀書。) 2.仇恨。例：以德報怨 í tik pò uàn。
【怨恨】(uàn-hūn) 埋怨忿恨。
【怨嘆】(uàn-thàn) 怨恨悲嘆。例：雖然厝內真散，伊攏毋捌怨嘆。Sui-jiân tshù-lāi tsin sàn, i lóng m̄ bat uàn-thàn. (雖然家裡很窮，他都不曾怨恨悲嘆。)
【怨妒】(uàn-tòo) 嫉妒。對才能或境遇比自己好的人心懷不平和怨恨。例：伊怨妒別人比伊較好額。I uàn-tòo pa̍t-lâng pí i khah hó-gia̍h. (他嫉妒別人比他有錢。)
【怨慼】(uàn-tsheh/uàn-tshueh) 怨恨。因為委屈而覺得悲傷、埋怨。例：伊怨慼家己真歹命，無通好好仔讀冊。I uàn-tsheh ka-kī tsin pháinn-miā, bô thang hó-hó-á tha̍k-tsheh. (他怨恨自己命運不好，無法好好讀書。)
【畫面】(uē-bīn)
【畏】(uì) 恐懼、害怕。例：畏熱 uì-jua̍h(怕熱)、畏寒 uì-kuânn(因發高燒而身上發冷)、畏小人 uì-siáu-jîn(怕生)。
【違反】(uî-huán) 違背。
【違背】(uî-puē) 違反。
【隱瞞】(ún-muâ) 遮瞞。隱藏事實的真象，不讓別人知道。例：這號代誌你拍算欲隱瞞伊偌久？Tsit lō tāi-tsì lí phah-sǹg beh ún-muâ i guā kú? (這種事情你打算瞞他多久？)
頭頁
GitHub